Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກອງປະຊຸມໃຫຍ່ ຄັ້ງທີ VI ຂອງສະຫະແມ່ຍິງ ກົມໃຫຍ່ 502

ກອງປະຊຸມໃຫຍ່ ຄັ້ງທີ VI ຂອງສະຫະແມ່ຍິງ ກົມໃຫຍ່ 502  ກະຊວງ ປກສ ໄດ້ໄຂຂຶ້ນໃນວັນທີ 11 ທັນວາ 2018, ເຂົ້າຮ່ວມໂດຍ ພົຈວ ບຸນມີ ແສງຄໍາຢອງ ຫົວໜ້າກົມໃຫຍ່ 502 ແລະ ພັອ ນາງ ວັດຊະລີ ສິດທິລືໄຊ ປະທານ ສະຫະພັນແມ່ຍິງກະຊວງ ປກສ, ມີຮອງປະທານສະຫະພັນແມ່ຍິງກະຊວງ, ກົມໃຫຍ່ ແລະກົມກອງອ້ອມຂ້າງ, ຕ່າງໜ້າ ອົງການຈັດຕັ້ງມະຫາຊົນ, ຫົວໜ້າໜ່ວຍ, ສະມາຊິກແມ່ຍິງເຂົ້າຮ່ວມ.

ພັທ ນາງ ຄໍາພັດ ບົວລະພາ ປະທານສະຫະພັນແມ່ຍິງ ກົມໃຫຍ່ 502 ໄດ້ຂຶ້ນຜ່ານບົດລາຍງານການເມືອງ ວ່າ: ຕະຫຼອດໄລຍະ 5 ປີຜ່ານມາ, ຄະນະແມ່ຍິງ ກົມ 502 ໄດ້ເຮັດວຽກງານສຶກສາອົບຮົມການເມືອງ-ແນວຄິດເປັນວຽກ ງານທີ່ສໍາຄັນຕໍ່ສະມາຊິກແມ່ຍິງທຸກຂັ້ນ ໂດຍໄດ້ນໍາພາເອື້ອຍ-ນ້ອງສະມາຊິກຮໍ່າຮຽນມະຕິກອງປະຊຸມໃຫຍ່ ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ ຄັ້ງທີ V ຂອງຄະນະພັກກະຊວງ, ມະຕິກອງປະຊຸມໃຫຍ່ ຄັ້ງທີ V ຂອງຄະ ນະພັກກົມໃຫຍ່ 502 ແລະ ມະຕິກອງປະຊຸມໃຫຍ່ ຄັ້ງທີ VI ຂອງສະຫະພັນແມ່ຍິງກະຊວງ  ປກສ, ມູນເຊື້ອຂອງຊາດ-ຂອງພັກ, ຂອງກໍາລັງປ້ອງກັນຄວາມສະຫງົບ ອົງການຈັດຕັ້ງມະຫາຊົນ, ແບບແຜນຄຸນສົມບັດຂອງການເປັນຜູ້ນໍາ. ພ້ອມນັ້ນ, ຍັງໄດ້ນໍາພາເຂົ້າຮ່ວມບັ້ນດໍາເນີນຊີວິດການເມືອງເປັນປົກກະຕິ ຕິດພັນກັບເນື້ອໃນຂໍ້ແຂ່ງຂັນ 3 ດີ, ການສ້າງ ກົມກອງເຂັ້ມແຂງ-ໜ່ວຍພັກຮູ້ນໍາພາຮອບດ້ານເປັນເນື້ອໃນສໍາຫຼວດ ຄັດເລືອກບຸກຄົນ 3 ດີ ແລະ ໜ່ວຍແມ່ຍິງ 3 ດີ. ຄຽງຄູ່ກັນນັ້ນ, ຍັງໄດ້ນໍາພາບັນດາໜ່ວຍແມ່ຍິງອ້ອມຂ້າງປັບປຸງການຈັດຕັ້ງສຳເລັດ 10 ໜ່ວຍ, 3 ຫ້ອງການ ແລະ ຄັດ ເລືອກໄດ້ຄະນະໜ່ວຍແຕ່ລະໜ່ວຍ ຖືກຕ້ອງຕາມເປົ້າໝາຍທີ່ວາງໄວ້ ພ້ອມທັງ ນໍາພາປະຕິບັດແຜນກໍານົດສ້າງພະນັກ ງານສືບທອດປ່ຽນແທນຂອງອົງການຈັດຕັ້ງສະຫະພັນແມ່ຍິງ ໃນແຕ່ລະໄລຍະຢ່າງເປັນລະບົບ ເປັນຕົ້ນແມ່ນ: ໄປຍົກລະ ດັບວິຊາສະເພາະຂອງກໍາລັງປ້ອງກັນຄວາມສະຫງົບ ຄື: ປະລິນຍາໂທ 1 ສະຫາຍ, ປະລິນຍາຕີ 7 ສະຫາຍ, ຊັ້ນກາງ 4 ສະຫາຍ, ຍົກລະດັບທິດສະດີການເມືອງ ຊັ້ນສູງ 4 ສະຫາຍ, ບໍາລຸງ 3 ເດືອນ 22 ສະຫາຍ, ຝຶກອົບຮົມໄລຍະສັ້ນ 45 ວັນ 129 ສະຫາຍ, ຮຽນພາສາຕ່າງປະເທດ 7 ສະຫາຍ, ນອກນັ້ນ, ຜ່ານມາ5 ປີ ມີເອື້ອຍ-ນ້ອງແມ່ຍິງ ໄດ້ຮັບຫຼຽນ ໄຊແຮງງານຊັ້ນ II ມີ 5 ສະຫາຍ, ຫຼຽນໄຊແຮງງານ ຊັ້ນ III ມີ 33 ສະຫາຍ, ຫຼຽນກາແຮງງານ 6 ສະຫາຍ, ຫຼຽນກາ ປ້ອງກັນຄວາມສະຫງົບ 46 ສະຫາຍ, ໃບຍ້ອງຍໍຂັ້ນລັດຖະບານ 9 ສະຫາຍ, ຂັ້ນກະຊວງປກສ 92 ສະຫາຍ, ໃບຍ້ອງ ຍໍແມ່ຍິງ 3 ດີ ຂອງສູນກາງແມ່ຍິງລາວ 454 ສະຫາຍ, ໃບຍ້ອງຍໍສະຫະພັນແມ່ຍິງ ກະຊວງ ປກສ 241 ສະຫາຍ, ໄດ້ ຮັບການເລື່ອນຊັ້ນ ທັງໝົດ 206 ສະຫາຍ, ໃນນັ້ນ, ຊັ້ນນາຍພັນ 45 ສະຫາຍ, ຊັ້ນນາຍຮ້ອຍ 144 ສະຫາຍ, ນາຍສິບ 17 ສະຫາຍ.

ສໍາລັບທິດທາງ 5 ປີໃນຕໍ່ໜ້າ ຈະສືບຕໍ່ສືກສາອົບຮົມການເມືອງ-ແນວຄິດ ໃຫ້ເອື້ອຍ-ນ້ອງແມ່ຍິງ ໃຫ້ມີຄວາມຕື່ນ ຕົວ ໃນການຈັດຕັ້ງປະຕິບັດລະບຽບວິໄນ ຂອງກົມກອງ ກໍຄືຂອງກໍາລັງປ້ອງກັນຄວາມສະຫງົບ ໃຫ້ເຂັ້ມງວດ, ຈັດ ຕັ້ງຮໍ່າຮຽນເອກະສານຕ່າງໆ ທີ່ກ່ຽວພັນເຖິງສິດທິຜົນປະໂຫຍດຂອງແມ່ຍິງ ແລະ ເດັກນ້ອຍ, ເລົ່າມູນເຊື້ອຂອງພັກ, ຂອງ ຊາດ, ເຂົ້າຮ່ວມຊີວິດການເມືອງໃຫ້ມີເນື້ອໃນເລິກເຊິ່ງ, ເອົາໃຈໃສ່ຕໍານິກໍ່ສ້າງຊ່ວຍເຫຼືອເຊິ່ງກັນ ແລະ ກັນຢ່າງເປັນປົກ ກະຕິ.

ຕອນທ້າຍກອງປະຊຸມ, ໄດ້ມີການປ່ອນບັດຄັດເລືອກເອົາຄະນະສະຫະພັນແມ່ຍິງ ກົມໃຫຍ່ 502 ຊຸດໃໝ່, ໃນນັ້ນ, ມີຜູ້ລົງສະໝັກທັງໝົດ 11 ສະຫາຍ, ຄັດເລືອກເອົາ 9 ສະຫາຍ, ກອງປະຊຸມໄດ້ເປັນເອກະສັນເລືອກເອົາ ພັທ ນາງ ສີວິໄລ ທໍາມະສິດ ເປັນປະທານ, ພັທ ນາງ ຈັນ ສະໝອນ ພົມມະຈັກ ເປັນຮອງປະທານ ແລະ ພັທ ນາງ ຈັນຫອມ ວັນນາ ເປັນປະທານກວດກາ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ