Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກອງປະຊຸມວຽກງານພັກ-ວຽກງານການເມືອງ ຄັ້ງທີ I ປກສ ແຂວງບໍລິຄຳໄຊ

ກອງປະຊຸມວຽກງານພັກ - ວຽກງານການເມືອງຄັ້ງທີ ທົ່ວກໍາລັງປ້ອງກັນຄວາມສະຫງົບແຂວງບໍລິຄໍາໄຊ ໄດ້ໄຂຂຶ້ນໃນ ລະຫວ່າງວັນທີ 6-7 ມີນາ 2018, ໃຫ້ກຽດເຂົ້າຮ່ວມຂອງ ພົຈວ ອາລູ ວາລີຊື ຄະນະພັກກະຊວງຫົວໜ້າກົມໃຫ່ຍ ການເມືອງກະຊວງ ປກສ, ມີຄະນະຕິດຕາມກວດກາຊຸກຍູ້ກອງປະຊຸມວຽກງານພັກ - ວຽກງານການເມືອງຂັ້ນແຂວງ, ມີຄະນະພັກ - ຄະນະກອງບັນຊາການ ປກສ ແຂວງ, ຄະນະຫ້ອງ, ກອງ ໂຮງຮຽນປກສຊັ້ນຕົ້ນເລກ 4, ຄ້າຍຄຸມຂັງ - ດັດສ້າງ, ຫົວໜ້າກອງບັນຊາການປກສເມືອງ 7 ຕົວເມືອງ, ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ; ພາຍໃຕ້ການ ເປັນປະທານໂດຍ ພັອ ທອງໃບ ລໍວັນໄຊ ກຳມະການພັກແຂວງເລຂາອົງຄະນະພັກຫົວໜ້າ ກອງບັນຊາການ ປກສ ແຂວງບໍລິຄໍາໄຊ.

ໃນກອງປະຊຸມໄດ້ຜ່ານບົດສະຫຼຸບວຽກງານພັກ - ວຽກງານການເມືອງໄລຍະ 5 ປີຜ່ານມາ ແລະ ທິດທາງແຜນ ການ 5 ປີຕໍ່ໜ້າວ່າ: ຄະນະພັກກອງບັນຊາການ ປກສ ແຂວງບໍລິຄໍາ ໄຊສາມາດຍາດໄດ້ຜົນສໍາເລັດໃນຫຼາຍດ້ານເຊັ່ນ: ດ້ານການເມືອງ - ແນວຄິດໄດ້ຖືເອົາວຽກງານການເມືອງ - ນໍາພາແນວຄິດເປັນບັນຫາສໍາຄັນຕົ້ນຕໍໃນຖັນແຖວສະມາ ຊິກພັກ, ພະນັກງານ - ນັກຮົບເຮັດໃຫ້ມີແນວຄິດອຸ່ນອຽນທຸ່ນທ່ຽງ, ມີຄຸນສົມບັດສິນທຳປະຕິວັດ, ເຊື່ອໝັ້ນຕໍ່ແນວທາງ ນະໂຍບາຍຂອງພັກ, ເຄົາລົບລະບຽບກົດໝາຍຂອງລັດຢ່າງເຂັ້ມງວດ; ດ້ານການຈັດຕັ້ງແລະພະນັກງານສາມາດປັບປຸງກົງ ຈັກການຈັດຕັ້ງພັກຢູ່ອ້ອມຂ້າງກອງບັນຊາການ ປກສ ແຂວງໄດ້ 10 ຮາກຖານພັກ, ບົ່ງຕົວແຕ່ງຕັ້ງຄະນະພັກຮາກຖານ ໄດ້ 3 ຮາກຖານ, ຂະຫຍາຍມະຫາຊົນເຂົ້າພັກສໍາຮອງໄດ້ 165 ສະຫາຍຍິງ 72 ສະຫາຍພ້ອມທັງສົ່ງພະນັກງານ - ນັກ ຮົບຜູ້ທີ່ມີຄວາມຫ້າວຫັນກ້າວໜ້າໄປຍົກລະດັບວິຊາສະເພາະທາງພາຍໃນແລະຕ່າງປະເທດຈໍານວນ 725 ສະຫາຍຍິງ 61 ສະຫາຍ, ໄປຍົກລະດັບທິດສະດີການເມືອງ - ການປົກຄອງ 47 ສະຫາຍຍິງ 3 ສະຫາຍ ດ້ານວຽກງານປ້ອງກັນ ຊາດ - ປ້ອງກັນຄວາມສະຫງົບໄດ້ຊີ້ນໍາ - ນໍາພາສະມາຊິກພັກ, ພະນັກງານ - ນັກຮົບເຄື່ອນໄຫວເຮັດວຽກງານປ້ອງກັນ ຄວາມສະຫງົບຢ່າງເປັນປົກກະຕິຕໍ່ເນື່ອງ, ແກ້ໄຂທຸກບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມໄດ້ຢ່າງວ່ອງໄວ ແລະ ທັນເວລາ.

ໂອກາດດຽວກັນຍັງໄດ້ຜ່ານຂໍ້ຕົກລົງວ່າດ້ວຍທີ່ຕັ້ງພາລະບົດບາດ, ໜ້າທີ່, ລະບອບວິທີເຮັດວຽກຂອງຄະນະພັກ - ຄະນະບັນຊາທຸກຂັ້ນໃນກຳລັງປ້ອງກັນຄວາມສະຫງົບ, ຂໍ້ຕົກລົງວ່າດ້ວຍການເຄື່ອນໄຫວ ແລະ ການກໍານົດລະບອບບັນຊາ ຫົວໜ້າດຽວໃນກຳລັງປ້ອງກັນຄວາມສະຫງົບ, ຄໍາສັ່ງຂອງລັດຖະມົນຕີກະຊວງປ້ອງກັນຄວາສະຫງົບ ກ່ຽວກັບການສະກັດກັ້ນ ແລະ ແກ້ໄຂປະກົດການຫຍໍ້ທໍ້ ຕິດພັນກັບການສໍ້ລາດບັງຫຼວງໃນກຳລັງປ້ອງກັນຄວາມສະຫງົບ, ຄໍາສັ່ງແນະນໍາຂອງຄະນະ ບໍລິຫານງານພັກກະຊວງປ້ອງກັນຄວາມສະຫງົບ ວ່າດ້ວຍການເພີ່ມທະວີວຽກງານພັກ - ວຽກງານການເມືອງໃນກຳລັງປ້ອງກັນ ຄວາມສະຫົງບ ໃນໄລຍະໃໝ່.

ໃນໂອກາດ ດັ່ງກ່າວ, ພົຈວ ອາລູ ວາລີຊື ໄດ້ຍ້ອງຍໍຊົມເຊີຍຄະນະພັກ - ຄະນະກອງບັນຊາການທີ່ໄດ້ເອົາໃຈໃສ່ຊີ້ນໍາ - ນໍາພາສະມາຊິກພັກ, ພະນັກງານ - ນັກຮົບເຮັດສໍາເລັດໜ້າທີ່ - ທີ່ການຈັດຕັ້ງຂັ້ນເທິງມອບໝາຍໃຫ້ພ້ອມທັງເນັ້ນໃຫ້ຄະນະ ພັກ - ຄະນະບັນຊາ ຈົ່ງສືບຕໍ່ເຮັດວຽກງານການເມືອງ - ແນວຄິດໃຫ້ພະນັກງານ - ນັກຮົບ, ເອົາໃຈໃສ່ແກ້ໄຂບັນຫາ ປະກົດການຫຍໍ້ທໍ້ຕ່າງໆທີ່ເກີດຂຶ້ນໃຫ້ຫຼຸດໜ້ອຍຖອຍລົງ, ສືບຕໍ່ຂະຫຍາຍມະຫາຊົນຜູ້ກ້າວໜ້າເຂົ້າພັກຕາມມາດຖານ, ເງື່ອນໄຂ ແລະ ລະບຽບຂອງພັກປະຊາຊົນປະຕິວັດລາວວາງອອກ, ເອົາໃຈໃສ່ກໍ່ສ້າງພະນັກງານສືບທອດ, ພະນັກ ງານນໍາພາ - ບັນຊາເພື່ອເຮັດໃຫ້ກໍາລັງປ້ອງກັນຄວາມສະຫງົບ ແຂວງບໍລິຄໍາໄຊມີຄວາມເຕີບໃຫ່ຍຂະຫຍາຍຕົວທັນສະ ໄໝຂຶ້ນເປັນກ້າວໆ.

 

 

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ