Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຫົວໜ້າກົມ 509 ລົງເຄື່ອນໄຫວວຽກງານຕາມສາຍຕັ້ງວິຊາສະເພາະຢູ່ ປກສ ແຂວງໄຊຍະບູລີ

ໃນວັນທີ 24 ຕຸລາ 2018, ພົຈວ ຄຳສາຍ ຈັນທະວົງ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ (ກົມ 509) ພ້ອມດ້ວຍຄະນະລົງເຄື່ອນໄຫວຊີ້ນໍາວຽກງານຕາມສາຍຕັ້ງວິຊາສະເພາະຢູ່ທີ່ກອງບັນຊາການ ປກສ ແຂວງ ໄຊຍະບູລີ ມີຮອງຫົວໜ້າ ປກສ ແຂວງ, ຫົວໜ້າຫ້ອງ, ຮອງຫ້ອງ ແລະ ພະນັກງານຫ້ອງຄຸ້ມຄອງສຳມະໂນຄົວ ແລະ ກໍ່ ສ້າງຮາກຖານເຂົ້າຮ່ວມ.

ພັທ ບຸນທັນ ທິບພະວົງ ຮອງກອງບັນຊາການ ປກສ ແຂວງ ໄຊຍະບູລີ ໃຫ້ຮູ້ວ່າ: ໃນໄລຍະຜ່ານມາ, ຄະນະ ກອງບັນຊາການ ໄດ້ເອົາໃຈໃສ່ສຶກສາອົບຮົມການເມືອງ ນຳພາແນວຄິດ ໃຫ້ພະນັກງານເປັນປົກກະຕິ, ຕິດຕາມກວດກາ ແລະ ຊີ້ນຳ - ນຳພາ ພະນັກງານພາຍໃນຫ້ອງ 509 ແລະ ບັນດາເມືອງໃນການປະຕິບັດໜ້າທີ່-ທີ່ຂັ້ນເທິງມອບໝາຍໃຫ້, ສາມາດຍາດຜົນງານໄດ້ຫຼາຍດ້ານ ເປັນຕົ້ນແມ່ນໄດ້ເຄື່ອນໄຫວເກັບກຳປ້ອນຂໍ້ມູນເຂົ້າລະບົບທັນສະໄໝໄດ້ 55.296 ຄອບຄົວ, ຈໍານວນພົນທັງໝົດ 276.389 ຄົນ ຍິງ 136.713 ຄົນ, ອາຍຸ 15 ປີ ຂື້ນໄປ 213.021 ຄົນ ຍິງ 105.452 ຄົນ, ພ້ອມກັນນັ້ນຍັງໄດ້ຊີ້ນ - ນຳພາ ຕິດຕາມແກ້ໄຂສະພາບພົນລະເມືອງທີ່ໂຍກຍ້າຍມາບໍ່ຖືກຕ້ອງໄດ້ 123 ຄອບຄົວ, ມີ 610 ຄົນ ຍິງ 329 ຄົນ, ແກ້ໄຂແລ້ວ ມີ 10 ຄອບຄົວ, ມີຈຳນວນພົນ 85 ຄົນ ຍິງ 51 ຄົນ, ຈຳ ນວນທີ່ຍັງຕົກຄ້າງ 113 ຄອບຄົວ, ມີ 535 ຄົນ ຍິງ 278 ຄົນ.

ໃນຕໍ່ໜ້າສືບຕໍ່ຊຸກຍູ້ ພະນັກງານລົງກໍ່ສ້າງຮາກຖານເຄື່ອນໄຫວ ເຮັດໜ້າທີ່ວິຊາສະເພາະ ແລະ ສືບຈັດຕັ້ງຜັນ ຂະຫຍາຍໂຄງການປັບປຸງກຳລັງ ປກສ ບ້ານ, ຕິດພັນກັບການແກ້ໄຂປະກົດການຫຍໍ້ທໍ້ຂອງສັງຄົມຢູ່ບັນດາເມືອງ, ຕິດຕາມກວດກາການຈົດທະບຽນສຳມະໂນຄົວ ດ້ວຍລະບົບທັນສະໄໝ ພ້ອມທັງປະສານສົມທົບກັບພະແນກພາຍໃນ ແຂວງ ແກ້ໄຂການໂຍກຍ້າຍຂອງພົນລະເມືອງທີ່ບໍ່ຖືກຕ້ອງ ແລະ ເອົາໃຈໃສ່ອອກບັດປະຈຳຕົວໃຫ້ປະຊາຊົນຜູ້ທີ່ມີ  ເກນອາຍຸ 15 ປີ ຂຶ້ນໄປ, ສືບຕໍ່ຂື້ນບັນຊີຄຸ້ມຄອງອາຊີບພາຫະນະພິເສດ, ແລະ ສືບຕໍ່ກະກຽມຈັດຕັ້ງປະຕິບັດຜະລິດກາ ປະທັບໃຫ້ທັນກັບຄວາມຮຽກຮ້ອງຕ້ອງການ ແລະ ທັນກັບເວລາ.

 ພ້ອມດຽວກັນນັ້ນ ຄະນະພະແນກວິຊາສະເພາະກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານຍັງໄດ້ຂື້ນ ປະກອບຄຳເຫັນ ແລະ ຊີ້ແຈງບັນຫາກ່ຽວກັບວຽກງານຄຸ້ມຄອງສຳມະໂນຄົວ, ວຽກງານອອກບັດປະຈຳຕົວ ແລະ ວຽກ ງານ ປກສ ບ້ານ ພ້ອມທັງຜ່ານເອການນິຕິກຳຕ່າງໆ ໃຫ້ພະນັກງານຫ້ອງ 509 ໄດ້ຮັບຮູ້ເຂົ້າໃຈເພື່ອນຳໄປສືບຕໍ່ຈັດຕັ້ງ ປະຕິບັດໃນຕໍ່ໜ້າໃຫ້ມີຜົນສຳເລັດຕາມຄາດໝາຍ.

ໃນພິທີ, ພົຈວ ຄຳສາຍ ຈັນທະວົງ ໄດ້ເນັ້ນໃຫ້ຄະນະກອງບັນຊາ ປກສ ແຂວງ ເອົາໃຈໃສ່ປັບປຸງລະບຽບແບບ ແຜນວິທີເຮັດວຽກຂອງພະນັກງານ-ນັກຮົບ ໂດຍສະເພາະແມ່ນພະນັກງານລົງກໍ່ສ້າງຮາກຖານ ເຄື່ອນໄຫວເຮັດໜ້າທີ່ ວິຊາສະເພາະ, ຕິດແໜ້ນກັບການສະກັດກັ້ນ ແລະ ແກ້ໄຂປະກົດການຫຍໍ້ທໍ້ຢູ່ໃນສັງຄົມ; ພ້ອມທັງຈັດສັນຄວາມເປັນ ລະບຽບຮຽບຮ້ອຍຢູ່ພາຍໃນບ້ານ ໃຫ້ກາຍເປັນໜ້າທີ່ຄວາມຮັບຜິດຊອບຂອງສັງຄົມ, ເຮັດໃຫ້ຄອບຄົວຮາກຖານບ້ານມີ ຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ປຸກລະດົມ, ຊຸກຍູ້ປະຊາຊົນທຸກຊັ້ນຄົນ, ການຈັດຕັ້ງທຸກຂັ້ນ, ທຸກຂະແໜງການຂອງບ້ານມີສະຕິເຄົາລົບ ແລະ ປະຕິບັດຕາມລະບຽບກົດໝາຍ, ເຊື່ອໜັ້ນຕໍ່ການນໍາພາຂອງພັກ-ລັດ, ຮູ້ ນໍາພາຊຸກຍູ້ຂະບວນການຕ່າງໆ  ແລະ ປັບປຸງລະບຽບການ, ຕິດພັນກວດກາການໜັງຕີງຂອງພົນລະເມືອງ ພ້ອມທັງສະ ກັດກັ້ນການຍົກຍ້າຍຂອງພົນລະເມືອງບໍ່ຖືກຕ້ອງ;  ຂຶ້ນບັນຊີເປົ້າໝາຍຕ່າງໆ ແລະ ແກ້ໄຂຢ່າງເຂັ້ມງວດຕໍ່ຜູ່ລະເມີດກົດ ໝາຍ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ