Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫຼວດ ກະຊວງ ປກສ

ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫຼວດ ກະຊວງ ປກສ ໄດ້ຈັດຂຶ້ນໃນ ວັນທີ 23 ມິຖຸນາ 2020 ເຂົ້າຮ່ວມ ໂດຍ ພົທ ວິໄລ ຫຼ້າຄໍາຟອງ ເລຂາ ທິການສູນກາງພັກ ລັດຖະມົນຕີ ກະຊວງ ປກສ, ມີ ພົຈວ ຄຳກິ່ງ ຜຸຍຫຼ້າມະນີວົງ ເລຂາຄະນະພັກ ຫົວໜ້າກົມໃຫຍ່ຕຳຫຼວດ, ມີຄະ ນະພັກກົມໃຫຍ່, ແຂກຮັບເຊີນ ແລະ ສະມາຊິກພັກເຂົ້າຮ່ວມ.

ພົຈວ ຄຳກິ່ງ ຜຸຍຫຼ້າມະນີວົງ ກ່າວວ່າ: ຕະຫຼອດໄລຍະ 5 ປີ ຜ່ານມາ ຄະນະພັກກົມໃຫຍ່ຕໍາຫຼວດ ໄດ້ເອົາໃຈ ໃສ່ຊີ້ນຳ-ນຳພາ ສະມາຊິກພັກ, ພະນັກງານ-ນັກຮົບ ເຊື່ອມຊຶມແນວທາງນະໂຍບາຍຂອງພັກ-ລະບຽບກົດໝາຍ ຂອງລັດ ແລະ ຄຳສັ່ງ, ຄຳແນະນຳ ຂອງຂັ້ນເທິງ ເພື່ອສະກັດກັ້ນປະ ກົດການຫຍໍ້ທໍ້ພາຍໃນພັກ, ນຳພາແຕ່ລະໜ່ວຍ ພັກຈັດຕັ້ງການຮ່ວມຊີວິດການເມືອງ ໂດຍຖືເອົາການ ຕຳນິສົ່ງຂ່າວຊ່ວຍເຫຼືອເຊິ່ງກັນ ແລະ ກັນຜ່ານການຈັດຕັ້ງ ປະຕິບັດ ສາມາດສ້າງມະຫາຊົນກ້າວໜ້າເຂົ້າຮຽນສະໜັບສະໜູນ ແລະ ຮຽນ ລະບຽບພັກໄດ້ 10 ຊຸດ ມີ 630 ສະຫາຍ ຍິງ 250 ສະຫາຍ, ຂະຫຍາຍມະຫາຊົນກ້າວໜ້າເຂົ້າພັກສຳຮອງໄດ້ 642 ສະຫາຍ ຍິງ 275 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ 620 ສະຫາຍ ຍິງ 145 ສະຫາຍ, ໄດ້ນຳພາ ບັນດາໜ່ວຍພັກເປີດ ບັ້ນດຳເນີນ ຊີວິດການເມືອງສ້າງກົມກອງເຂັ້ມແຂງໜ່ວຍພັກຮູ້ນຳພາຮອບດ້ານໃນ 5 ປີຜ່ານມາ ມີໜ່ວຍພັກໄດ້ ຮັບນາມມະຍົດໜ່ວຍພັກແຂງຮູ້ນຳພາຮອບດ້ານ ຈຳນວນ 34 ໜ່ວຍພັກ, ໜ່ວຍພັກແຂງ 37 ສະຫາຍ, ໜ່ວຍ ພັກກາງ 6 ໜ່ວຍ ແລະ ໃນປີ 2019 ໄດ້ສ້າງໜ່ວຍ ພັກປອດໃສ, ເຂັ້ມແຂງ, ໜັກແໜ້ນ 90% ໄດ້ 13 ໜ່ວຍພັກ, ສະມາຊິກພັກເຂັ້ມແຂງ 2.929 ສະຫາຍ ຍິງ 407 ສະຫາຍ, ສະມາຊິກພັກ ແຂງໄດ້  284 ສະຫາຍ ຍິງ 26 ສະຫາຍ, ກາງ 46 ສະຫາຍ ຍິງ 3 ສະຫາຍ.

ດ້ານວຽກງານວິຊາສະເພາະ ໄດ້ຊີ້ນຳ-ນຳພາສະມາຊິກພັກ, ພະນັກງານ-ນັກຮົບສຸມໃສ່ຈັດຕັ້ງປະຕິບັດວຽກວຽກ ວິຊາສະເພາະເປັນຕົ້ນແມ່ນ ໄດ້ແກ້ໄຂບັນຫາຢາເສບ ຕິດໃນ 5 ປີຜ່ານມາ ໄດ້ແກ້ໄຂຄະ ດີໄດ້ 12.960 ເລື່ອງ, ຍັງສືບຕໍ່ດຳເນີນ 1.833 ເລື່ອງ, ຢຶດຂອງກາງ ປະເພດຢາບ້າ 2.619,41 ກິໂລ ກຼາມ, ຢາໄອ໌ 7.237,85 ກິໂລ ກຼາມ, ເຮໂຣອິນ 856,38 ກິໂລ ກຼາມ, ຝິ່ນ 440,70 ກິໂລກຼາມ, ກັນຊາ 9.672,35 ກິໂລກຼາມ, ອາວຸດ ເສິກຈຳນວນໜຶ່ງ, ລົດໃຫຍ່ 466 ຄັນ, ລົດຈັກ 1.878 ຄັນ, ດິນພ້ອມສິ່ງປຸກສ້າງ 311 ຕອນ, ສິ່ງປຸກສ້າງ 117 ຫຼັງ, ນອກນັ້ນ ຍັງມີຊັບສິນເງິນ-ຄຳອີກຈຳນວນ ໜຶ່ງ.

ທິດທາງແຜນການໃນຕໍ່ໜ້າ ຈະສືບຕ່ໍສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ-ນັກຮົບ ເພື່ອສະກັດກັ້ນປະກົດການຫຍໍ້ທໍ້ພາຍໃນພັກ, ສົ່ງເສີມບົດບາດການນໍາພາ ແລະ ເປັນແກນນໍາ ໂດຍສຸມໃສ່ການໂຄ ສະນາຂະຫຍາຍພັກຢ່າງໜ້ອຍ ໃຫ້ໄດ້ປີລະ 100 ສະຫາຍ, ເພີ່ມທະວີການແກ້ໄຂແບບແຜນການນໍາພາໃຫ້ມີຄວາມ ເປັນເອກະພາບ ເພື່ອຊຸກຍູ້ສ້າງໜ່ວຍພັກປອດໃສ ເຂັ້ມແຂງ, ໜັກແໜ້ນໃຫ້ໄດ້ຕາມເປົ້າໝາຍທີ່ກໍານົດໄວ້.

ໃນກອງປະຊຸມຍັງໄດ້ປ່ອນ ບັດເລືອກເອົາຄະນະພັກກົມໃຫຍ່ ຕໍາຫຼວດຊຸດໃໝ່ ເຊິ່ງມີຜູ້ລົງສະ ໝັກ 17 ສະຫາຍ ເລືອກເອົາ 15 ສະຫາຍ; ໃນນີ້ໄດ້ເປັນເອກະພາບ ເລືອກເອົາ ພົຈວ ຄໍາກິ່ງ ຜຸຍຫຼ້າ ມະນີວົງ ເປັນເລຂາ, ພົຈວ ປອ ທອງສະຫວັນ ວົງສະຫວັດ ເປັນຮອງ ເລຂາ, ພັອ ຄຳພົນ ສີຫາປັນຍາ ເປັນປະທານກວດກາ, ພັອ ບຸນຫຼວງ ວິໄລສຸກ ເປັນຮອງປະທານ ກວດກາ ແລະ ອີກ 11 ທ່ານເປັນຄະນະ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ