Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ລມຕ ກະຊວງ ປກສ ສໍາເລັດການເຂົ້າຮ່ວມກອງປະຊຸມທີ່ປະເທດລັດເຊຍ

          ພົຕ ສົມແກ້ວ ສີລາວົງ ລັດຖະມົນຕີກະຊວງ ປ້ອງກັນຄວາມສະຫງົບ ສປປ ລາວ  ພ້ອມຄະນະ ໄດ້ສໍາເລັດ ການເດີນທາງໄປເຂົ້າຮ່ວມກອງປະຊຸມຫົວໜ້າອົງການພິເສດ, ອົງການຮັກສາຄວາມໝັ້ນຄົງ ແລະ ອົງການບັງຄັບໃຊ້ກົດ ໝາຍ ຄັ້ງທີ 17 ທີ່ມົດສະກູສະຫະພັນລັດເຊຍ ໃນລະຫວ່າງ ວັນທີ 5-11 ພະຈິກ 2018 ໂດຍການລໍຖ້າຕ້ອນຮັບຂອງ ທ່ານ ມີຄາອິນ ບາລານອບ ເອກອັກຄະລັດຊະທູດວິສາມັນຜູ້ມີອໍານາດເຕັມແຫ່ງ ສະຫະພັນລັດເຊຍ ປະຈໍາ ສປປ ລາວ ໃນວັນທີ 11 ພະຈິກ 2018 ຢູ່ສະໜາມບິນສາກົນວັດໄຕ ນະຄອນຫຼວງວຽງຈັນ.

          ໃນກອງປະຊຸມ, ຄະນະຜູ້ແທນໄດ້ພ້ອມກັນຕີລາຄາສູງຕໍ່ບັນຫາຕ່າງໆຢ່າງຮອບດ້ານ, ໄດ້ປຶກສາຫາລື ແລະ ແລກປ່ຽນບົດຮຽນທີ່ໄດ້ຍົກຂຶ້ນມາສະເໜີເປັນຕົ້ນແມ່ນ ບົດຮຽນກ່ຽວກັບການຕ້ານການກໍ່ການຮ້າຍລະດັບຊາດ, ການ ປະເມີນໄພຂົ່ມຂູ່ຂອງພວກກໍ່ການຮ້າຍ, ການສ້າງສະພາບແວດລ້ອມ ທີ່ອໍານວຍກ່ຽວກັບວຽກງານສືບຂ່າວດ້ານຄວາມ ໝັ້ນຄົງ ແລະ ການຮ່ວມມືກ່ຽວກັບການປະຕິບັດກົດໝາຍ.  ເຊິ່ງທ່ານລັດຖະມົນຕີກະຊວງ ປກສ ໄດ້ປະກອບຄໍາຄິດ ເຫັນຫຼາຍບັນຫາຕໍ່ກັບກອງປະຊຸມ ເປັນຕົ້ນແມ່ນກ່ຽວກັບວຽກງານສືບຂ່າວ ເພື່ອເຮັດໃຫ້ການຮ່ວມມືລະຫວ່າງສອງປະ ເທດ ກໍຄືກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງພາຍໃນແຫ່ງສະຫະພັນລັດເຊຍ ເລິກເຊິ່ງ ແລະ ກວ້າງຂວາງຂຶ້ນກວ່າເກົ່າ ພ້ອມທັງສະໜອງໄດ້ຂໍ້ມູນຂ່າວສານທີ່ເປັນບັນຫາສໍາຄັນ ເພື່ອສະກັດກັ້ນການຕ້ານການກໍ່ການ ຮ້າຍ ແລະ ຫຼຸດຜ່ອນປະກົດການຫຍໍ້ທໍ້ພາຍໃນປະເທດຊາດໃຫ້ນັບມື້ຫຼຸດນ້ອຍຖອຍລົງເລື້ອຍໆ.

          ໂອກາດດຽວກັນ, ທ່ານ ມີຄາອິນ ບາລານອບ ຍັງໄດ້ສະແດງຄວາມຊົມເຊີຍ ແລະ ຍ້ອງຍໍຕໍ່ຜົນສໍາເລັດທີ່ທ່ານ ລັດຖະມົນຕ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໃນການເຂົ້າຮ່ວມກອງປະຊຸມຄັ້ງນີ້ເພື່ອນໍາເອົາບົດຮຽນ ດັ່ງກ່າວນັ້ນໄປພັດທະນາເຂົ້າໃນກໍາລັງ ປກສ, ສືບຕໍ່ເສີມຂະຫຍາຍສາຍພົວພັນຮ່ວມມື ທາງດ້ານວຽກງານປ້ອງກັນ ຄວາມສະຫງົບຂອງສອງປະເທດ ໃຫ້ມີຄວາມສະດວກວ່ອງໄວ ແລະ ແໜ້ນແຟ້ນຂຶ້ນກວ່າເກົ່າ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ