Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກອງປະຊຸມໃຫຍ່ຜູ້ແທນອົງຄະນະພັກ ກົມໃຫຍ່ການເມືອງ ປກສ ຄັ້ງທີ VI ໄດ້ຈັດຂຶ້ນໃນວັນທີ 26 ພຶດສະພາ 2020

ກອງປະຊຸມໃຫຍ່ຜູ້ແທນອົງ ຄະນະພັກ ກົມໃຫຍ່ການເມືອງ ປກສ ຄັ້ງທີ VI ໄດ້ຈັດຂຶ້ນໃນວັນ ທີ 26 ພຶດສະພາ 2020 ໂດຍການເປັນປະທານຂອງ ສະຫາຍ ພົຕ ວັນທອງ ກອງມະນີ ຄະນະປະຈຳພັກກະຊວງ ເລຂາຄະນະພັກ ຫົວ ໜ້າກົມໃຫຍ່ການເມືອງ ປກສ, ເປັນກຽດເຂົ້າຮ່ວມຂອງ ສະຫາຍ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ເລຂາຄະນະພັກກະຊວງລັດຖະມົນຕີ ກະຊວງ ປກສ ພ້ອມດ້ວຍບັນດາແຂກຮັບເຊີນ ແລະ ຜູ້ແທນສົມບູນທີ່ເປັນຕົວ ແທນສະມາ ຊິກພັກທົ່ວອົງຄະນະພັກກົມໃຫຍ່ ການເມືອງ ປກສ.

ສະຫາຍ ພົຕ ວັນທອງ ກອງມະນີ ໄດ້ຜ່ານບົດລາຍງານການເມືອງທີ່ໄດ້ຕີລາຄາຜົນສຳເລັດໃນການຊີ້ນຳ-ນຳພາ ການຈັດຕັ້ງປະຕິບັດແຕ່ລະຂົງເຂດວຽກງານ, ໃນໄລຍະປີ 2015-2020 ອົງຄະນະພັກກົມໃຫຍ່ການເມືອງ ປກສ ໄດ້ ຊີ້ນຳ-ນຳພາ ຄະນະພັກແຕ່ລະຂັ້ນຖືເອົາວຽກງານສຶກສາອົບຮົມການເມືອງ-ນຳພາແນວຄິດ ໃຫ້ສະມາຊິກພັກ, ນາຍ ແລະ ພົນຕໍາຫຼວດ ໃຫ້ມີຄວາມເປັນເອກະພາບ, ກຳແໜ້ນແນວທາງນະໂຍບາຍຂອງພັກ, ຍຶດໝັ້ນອຸດົມການສັງຄົມ ນິຍົມ, ເຊື່ອໝັ້ນຕໍ່ແນວທາງຂອງພັກ, ມີຄວາມອົດທົນເດັດດ່ຽວ, ໜຽວແໜ້ນ, ບໍ່ຫວັ່ນໄຫວຄອນແຄນຕໍ່ສະພາບ ທີ່ຜັນແປຕ່າງໆ, ຜ່ານການຈັດຕັ້ງປະຕິບັດເຫັນໄດ້ວ່າ: ສະມາຊິກພັກ, ນາຍ ແລະ ພົນຕໍາຫຼວດ ຮັກສາໄດ້ທັດສະນະ ຫຼັກໝັ້ນຄຸນທາດການເມືອງໜັກແໜ້ນ, ເຊື່ອໝັ້ນຕໍ່ນະໂຍບາຍຂອງພັກ-ລັດ, ມີຄວາມຈົງຮັກພັກດີຕໍ່ພັກ-ຕໍ່ປະເທດ ຊາດ, ຫ້າວຫັນໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍ, ປັບປຸງພາຫະນະສື່ມວນຊົນ, ກິລາກາຍະກຳ, ສິ ລະປະວັນນະຄະດີຂອງກຳລັງ ປກສ ເຄື່ອນໄຫວຢ່າງແຂງແຮງ ກາຍເປັນທີ່ນິຍົມຊົມຊອບຂອງທົ່ວສັງຄົມ.

ອັນພົ້ນເດັ່ນແມ່ນວຽກງານກໍ່ສ້າງພັກ, ສາມາດຄັດເລືອກປະເພດສະມາຊິກພັກແຂງ ກວມ 86,55%, ປະເພດ ກາງ ກວມ 12,57%, ປະເພດອ່ອນ ກວມ 0,33%; ມີ 9 ໜ່ວຍພັກ ໄດ້ຖືກຮັບຮອງເປັນໜ່ວຍພັກປອດໃສ, ເຂັ້ມ ແຂງ, ໜັກແໜ້ນ ແລະ 6 ໜ່ວຍພັກໄດ້ຫຼາຍປີຕິດຕໍ່ກັນກວມ 39%.

ໃນ 5 ປີຕໍ່ໜ້າ, ອົງຄະນະພັກກົມໃຫຍ່ການເມືອງ ປກສ ໄດ້ວາງຄາດໝາຍສູ້ຊົນຕັ້ງໜ້າປັບປຸງ ແລະ ກໍ່ສ້າງກຳລັງ ປ້ອງກັນຄວາມສະຫງົບໃຫ້ກາຍເປັນອາວຸດອັນແຫຼມຄົມຂອງພັກ ໃນການປົກປັກຮັກສາຄວາມສະຫງົບທາງດ້ານ ການເມືອງ ແລະ ຄວາມເປັນລະບຽບຮຽບຮ້ອຍຢູ່ໃນສັງຄົມ;

ກອງປະຊຸມ, ໄດ້ປ່ອນບັດເລືອກເອົາຄະນະພັກຊຸດໃໝ່ 15 ສະຫາຍ ໃນຈຳນວນຜູ້ລົງສະໝັກ 17 ສະຫາຍ; ຜ່ານ ການປ່ອນບັດບັນດາຜູ້ແທນໄດ້ເປັນເອກະສັນກັນເລືອກເອົາສະຫາຍ ພົຕ ວັນທອງ ກອງມະນີ ເປັນເລຂາ, ສະຫາຍ ພົຈວ ປອ ສຸວັນນີ ສີສຸພາບມີໄຊ ເປັນຮອງເລຂາ, ສະຫາຍ ພົຈວ ຄຳສາຍ ຈັນທະວົງ ເປັນປະທານກວດກາ ແລະ 12 ສະຫາຍເປັນຄະນະ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ