Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຄະນະພັກຮາກຖານຄະນະບັນນາທິການຂ່າວສານ ປກສ  ( ຄບສ ) ກົມໃຫຍ່ການເມືອງ ກະຊວງ ປກສ

ຄະນະພັກຮາກຖານຄະນະບັນນາທິການຂ່າວສານ ປກສ  ( ຄບສ ) ກົມໃຫຍ່ການເມືອງ ກະຊວງ ປກສ ໄດ້ເປີດ ບັ້ນດໍາເນີນຊີວິດການເມືອງ ປະຈໍາປີ 2018ໃນວັນທີ 26 ຕຸລາ 2018, ເປັນປະທານໂດຍ ພັທ ພອນສະຫວັນ ອຸດົມ ເພັດ ຮອງເລຂາຄະນະພັກຮາກຖານ ຮອງຫົວໜ້າ ຄບສ, ມີຄະນະພັກ-ຄະນະບັນຊາ, ສະມາຊິກພັກ ແລະ ພະນັກງານ-ນັກຮົບເຂົ້າຮ່ວມ.

ໃນພິທີ, ພັທ ພອນສະຫວັນ ອຸດົມເພັດ ໄດ້ເຜີຍແຜ່ເອກະສານ ການຝຶກຝົນຫຼ່ໍຫຼອມ ຄຸນສົມບັດສິນທໍາປະຕິວັດ ຂອງພະນັກງານ-ນັກຮົບໃນໄລຍະໃໝ່ ເຊິ່ງມີເນື້ອໃນບາງຕອນໄດ້ໃຫ້ຮູ້ວ່າ: ເອກະສານດັ່ງກ່າວກຳນົດຈຸດປະສົງເນື້ອໃນ ເພື່ອເຮັດໃຫ້ພະນັກງານ-ນັກຮົບຮັບຮູ້ເຂົ້າໃຈແຈ້ງຕື່ມອີກ ກ່ຽວກັບຄວາມໝາຍຄວາມສໍາຄັນ ແລະ ເນື້ອໃນທີ່ຈະຕ້ອງໄດ້ ຝຶກຝົນຫຼ່ໍຫຼອມຕົນເອງໃນສະພາບການໃໝ່, ເພື່ອໃຫ້ທຸກຄົນເຫັນໄດ້ຄວາມຈໍາເປັນພາວະວິໄສ ຈະຕ້ອງຍົກສູງຄວາມ ເອົາໃຈໃສ່ໃນການຝຶກຝົນຫຼ່ໍຫຼອມ ຄຸນສົມບັດ ສິນທໍາປະຕິວັດ ໃຫ້ຕົນເອງກາຍເປັນພະນັກງານ - ນັກປະຕິວັດທີ່ແໜ້ນ ແກ່ນ.

ການຝຶກຝົນຫຼ່ໍຫຼອມຄຸນສົມບັດ ສິນທໍາປະຕິວັດ ແມ່ນການຝຶກຝົນຫຼ່ໍຫຼອມສ້າງໃຫ້ພະນັກງານ-ນັກຮົບມີຄວາມຕັ້ງ ຕໍ່ບໍລິສຸດ, ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນໃຫ້ນັບມື້ສູງຂຶ້ນ ນັ້ນແມ່ນມີຄວາມໝາຍສໍາຄັນ ຫຼາຍທີ່ສຸດໃນການເຄື່ອນໄຫວ ເຮັດສໍາເລັດໜ້າທີ່ການເມືອງຂອງຕົນຢ່າງຈົບງາມ ເນື້ອໃນຄຸນສົມບັດສິນທໍາປະຕິວັດ ແມ່ນພາບທີ່ສະທ້ອນໃຫ້ເຫັນຄຸນທາດການເມືອງອງ ພະນັກງານ - ນັກຮົບ ໂດຍຜ່ານການເຄື່ອນໄຫວປະຕິບັດໜ້າທີ່ ວຽກງານ ແລະ ການດໍາລົງຊີວິດຂອງແຕ່ລະຄົນ ດັ່ງນັ້ນຈຶ່ງຕ້ອງໄດ້ສຸມໃສ່ເນື້ອໃນດັ່ງນີ້: ພະນັກງານ - ນັກຮົບ, ສະມາຊິກ ພັກທຸກສະຫາຍຕ້ອງໄດ້ສືບຕໍ່ສ້າງ, ບໍາລຸງ ແລະ ຝຶກຝົນຕົນເອງໃຫ້ມີຫຼັກໝັ້ນການເມືອງໜັກແໜ້ນ, ມີຫຼັກໝັ້ນຊົນຊັ້ນ ເລິກເຊິ່ງ, ຮັບຮູ້ແຈ້ງໃຜແມ່ນມິດ, ໃຜແມ່ນສັດຕູຂອງຊາດ, ຂອງຊົນຊັ້ນ ແລະ ເປົ້າໝາຍສູ້ຮົບຂອງຕົນ, ມີຄວາມບໍລິສຸດ ສັດຊື່, ຈົງຮັກພັກດີຕໍ່ພາລະກິດປ່ຽນແປງໃໝ່ ກໍຄືອຸດົມການສັງຄົມນິຍົມ ແລະ ຕໍ່ຜົນປະໂຫຍດຂອງປະຊາຊົນຢ່າງສະ ເໝີຕົ້ນສະເໝີປາຍ, ມີຄວາມຕັດສິນໃຈສູງ ແລະ ເດັດດ່ຽວໜຽວແໜ້ນ ໃນການສູ້ຮົບຜ່ານຜ່າທຸກຄວາມຫຍຸ້ງຍາກນາໆ ປະການ ຍອມເສຍສະຫຼະຜົນປະໂຫຍດສ່ວນຕົວ ເພື່ອຜົນປະໂຫຍດສ່ວນລວມຂອງຊາດ ແລະ ເພື່ອພາລະກິດແຫ່ງການ ປົກປັກຮັກສາກໍຄືການສ້າງສາພັດທະນາປະເທດຊາດ.

ພາຍຫຼັງ ເຊື່ອມຊຶມເອກະສານສໍາເລັດ ບັນດາສະມາຊິກພັກ ແລະພະນັກງານ-ນັກຮົບຈະມີການຜ່ານໃບສໍາຫຼວດ ເພື່ອຕໍານິຕິຊົມສົ່ງຂ່າວກໍ່ສ້າງຊ່ວຍເຫຼືອເຊິ່ງກັ ແລະ ກັນ, ມີການຕີລາຄາຈັດປະເພດສະມາຊິກພັກ, ພະນັກງານ-ນັກຮົບ ໃຫ້ຖືກຕ້ອງຕາມຄວາມເປັນຈິງ; ເຊິ່ງບັ້ນດໍາເນີນບັ້ນຊີວິດການເມືອງຄັ້ງນີ້ຈະດໍາເນີນໄປເຖິງວັນທີ 9 ພະຈິກ 2018 ຈຶ່ງ ຈະສໍາເລັດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ