Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຄະນະພັກຮາກຖານຫ້ອງການເມືອງ ຈະສືບຕໍ່ສ້າງພັກ-ພະນັກງານໃຫ້ເຂັ້ມແຂງ

5 ປີຕໍ່ໜ້າ, ຄະນະໜ່ວຍ ພັກຮາກຖານຫ້ອງການເມືອງ ກົມໃຫຍ່ສັນຕິບານ ກະຊວງ ປກສ ຈະສືບຕໍ່ກໍ່ສ້າງພັກ-ພະ ນັກງານໃຫ້ເຂັ້ມແຂງ, ສາມາດບັນຈຸສັບຊ້ອນ ແລະ ນຳໃຊ້ພະນັກງານໃຫ້ຖືກເປົ້າໝາຍ, ສອດຄ່ອງກັບໜ້າທີ່ວຽກງານ ຕົວຈິງ ເພື່ອເຄື່ອນໄຫວປະຕິບັດໜ້າທີ່ ໃຫ້ມີຜົນສຳເລັດ ແລະ ມີປະສິດທິພາບສູງ.

ໃນກອງປະຊຸມໃຫຍ່ ຄັ້ງທີ IV ຂອງຄະນະໜ່ວຍພັກຮາກ ຖານຫ້ອງການເມືອງ, ຄັ້ງວັນທີ 18 ກັນຍາ 2019  ເຂົ້າຮ່ວມໂດຍ ພັອ ຈູມມະນີ ວົງມະນີ ຄະນະປະຈຳພັກ, ຮອງຫົວໜ້າກົມໃຫຍ່ສັນຕິບານ, ມີບັນດາສະມາຊິກ ພັກເຂົ້າຮ່ວມ, ພັອ ວົງດາລາ ຄຳຮຸ່ງ ເລຂາໜ່ວຍພັກຮາກຖານ, ຫົວໜ້າຫ້ອງການເມືອງ ໃຫ້ຮູ້ທິດທາງແຜນການ ໃນຕໍ່ໜ້າວ່າ: ຄະນະໜ່ວຍພັກຮາກຖານ ຈະເອົາໃຈໃສ່ກໍ່ສ້າງພັກ-ພະນັກງານ ໃຫ້ເຂັ້ມແຂງ ໂດຍການສຸມໃສ່ ສ້າງແຜນ ກໍານົດພະນັກງານສືບ ທອດປ່ຽນແທນຕໍາແໜ່ງນໍາພາ-ບັນຊາຂັ້ນກົມ, ຂັ້ນຫ້ອງ, ຂັ້ນພະແນກໃຫ້ເປັນລະບົບຄົບຊຸດ, ນໍາພາບໍາລຸງ-ກໍ່ສ້າງພະນັກງານ ຖືກຕາມທິດຊີ້ນໍາ, ຖືກເປົ້າໝາຍຮັບປະກັນລັກສະນະສືບທອດຕໍ່ເນື່ອງຍາວນານ ໃຫ້ສົມ ສ່ວນທາງ ດ້ານໂຄງປະກອບ, ເຜົ່າ, ເພດ ແລະ ອາຍຸກະສຽນ. ພ້ອມທັງເປັນເຈົ້າການຊຸກຍູ້ພະນັກງານ-ນັກຮົບໄປຄົ້ນ ຄວ້າຮ່ໍາຮຽນຍົກລະດັບທາງດ້ານຄວາມຮູ້-ຄວາມສາ ມາດວຽກງານວິຊາສະເພາະ, ທິດ ສະດີການເມືອງ, ກົດໝາຍ, ພາ ສາຕ່າງປະເທດ, ເຕັກນິກວິຊາ ການຕ່າງໆ ທັງບໍາລຸງ, ກໍ່ສ້າງຢູ່ພາຍໃນ ແລະ ຕ່າງປະເທດ, ສົມທົບແໜ້ນລະຫວ່າງ ການກໍ່ສ້າງຢູ່ໂຮງຮຽນກັບການກໍ່ສ້າງໃນຂະບວນການເຄື່ອນໄຫວວຽກງານຕົວຈິງຢູ່ກົມກອງ ແລະ ຮາກຖານ.

ໃນໄລຍະຜ່ານມາ, ຄະນະໜ່ວຍພັກຮາກຖານ ໄດ້ນໍາພາປັບປຸງກໍ່ສ້າງພັກ, ປັບປຸງການຈັດ ຕັ້ງພັກ ພາຍໃນຫ້ອງການ ເມືອງ ໄດ້ມີການປັບປຸງເຮັດໃຫ້ການຈັດຕັ້ງພັກມີຄວາມໜັກແໜ້ນເຂັ້ມ ແຂງຂຶ້ນເລື້ອຍໆ, ຮັບປະກັນທາງ ດ້ານປະລິ ມານ ແລະ ຄຸນນະພາບສະແດງອອກ ຄື: ໄດ້ຈັດຕັ້ງເປີດ ຮຽນສະໜັບສະໜູນໃຫ້ມະຫາ ຊົນຜູ້ກ້າວໜ້າ ແລະ ຜູ້ທີ່ ມີມາດຖານເງື່ອນໄຂຄົບຖ້ວນອ້ອມຂ້າງກົມໃຫຍ່ສັນຕິບານ ຈໍານວນ 149 ສະຫາຍ ຍິງ 43 ສະຫາຍ ແລະ ຮຽນກົດລະບຽບພັກ ຈໍານວນ 181 ສະຫາຍ ຍິງ 69 ສະ ຫາຍ, ຂະຫຍາຍມະຫາຊົນກ້າວໜ້າເຂົ້າເປັນສະມາ ຊິກພັກສໍາ ຮອງ ຈໍານວນ 155 ສະຫາຍ ຍິງ 46 ສະຫາຍ ແລະ ເລື່ອນສະມາຊິກພັກສໍາຮອງຂຶ້ນເປັນສະມາ ຊິກພັກສົມບູນ 132 ສະຫາຍ ຍິງ 35 ສະຫາຍ, ເລື່ອນຊັ້ນພະນັກ ງານ-ນັກຮົບ ທົ່ວກົມໃຫຍ່ສັນຕິ ບານແຕ່ຂັ້ນນາຍ ສິບຫານາຍພົນ ຈຳນວນ 35 ຄັ້ງ ມີ 610 ສະຫາຍ ຍິງ 170 ສະຫາຍ, ສົ່ງພະນັກ ງານໄປຮຽນຢູ່ພາຍໃນປະເທດ 70 ສະຫາຍ ຍິງ 10 ສະຫາຍ ແລະ ສົ່ງພະນັກງານໄປຮຽນຢູ່ ພາຍໃນປະເທດ 216 ສະຫາຍ ຍິງ 40 ສະຫາຍ.

ກອງປະຊຸມໄດ້ປ່ອນບັດຄັດເລືອກເອົາຄະນະໜ່ວຍພັກຮາກ ຖານຊຸດໃໝ່, ໃນນີ້ເລືອກໄດ້ ພັທ ທອງສ່ຽນ ສຸນແຄນ ເປັນເລຂາ, ພັທ ເປົາລີ ພູສາ ເປັນຮອງ ແລະ ພັທ ສີທັນ ຄຳສົມ ເປັນປະທານກວດກາພັກ ແລະ ອີກ 2 ສະຫາຍ ເປັນຄະນະ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ