ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ປະກວດນັກຮ້ອງສຽງດີ ປກສ ນະຄອນຫຼວງ

             ຕົວແທນ ປກສ ເມືອງສີໂຄດ ຄວ້າທີ 1 ຮັບ 400.000 ກີບ


   ຮອ ດີ ທອງສຸກ ໝາຍເລກ 19 ຈາກ ປກສ ເມືອງ ສີໂຄດຕະບອງ ນະຄອນຫຼວງວຽງຈັນ ທີ່ເປັ່ງ ນໍ້າສຽງ ພ້ອມຈັງຫວະທ່າທາງ ທີ່ ໂດດເດັ່ນ ຂັບຮ້ອງບົດເພງປູ່ຈັນ ໃນຈັງຫວະສະໂລໂບລີໂລ ໃນງານ ປະກວດນັກຮ້ອງ-ຂັບລໍາສຽງດີ ແລະ ແຂ່ງຂັນ ຖາມ-ຕອບຄວາມ ຮູ້ຮອບຕົວທົ່ວກອງບັນຊາ ປກສ ນະຄອນຫຼວງວຽງຈັນ ຄັ້ງທີ II, ວັນທີ 27  ມິຖຸນາ 2014 ສາມາດ ເອົາຊະນະໃຈກໍາມະການ ແລະ ທ່ານຜູ້ຊົມ ຈົນຄວ້າລາງວັນທີ 1 ໄປຄອງ.

   ທ່ານ ພັທ ຄໍາຜອງ ພົມມະ ລຽນ ຮອງຫົວໜ້າກອງບັນຊາ ການ ປກສ ນະຄອນຫຼວງວຽງຈັນ ກ່າວ ວ່າ: ການປະກວດ ນັກຮ້ອງ - ຂັບລໍາສຽງດີ ແລະ ແຂ່ງຂັນ ຖາມ - ຕອບ ຄວາມຮູ້ຄວາມສາມາດ ຄັ້ງນີ້, ແມ່ນເປັນການສ້າງຂະບວນ ການຄໍານັບຮັບຕ້ອນກອງປະຊຸມ ໃຫຍ່ຜູ້ແທນຊາວໝຸ່ມ ປກສ ນະ ຄອນຫຼວງວຽງຈັນ ຄັ້ງທີ  VI, ພ້ອມ ທັງເປັນການເຕົ້າໂຮມຄວາມສາມັກຄີພາຍໃນຄະນະພັກ, ອົງການ ຈັດຕັ້ງມະຫາຊົນຂອງທຸກເຫຼົ່າຮົບ ປກສ ທົ່ວນະຄອນຫຼວງວຽງຈັນ ແລະ ທັງເປັນການເປີດໂອກາດ ໃຫ້ບັນດາສະມາຊິກຊາວໜຸ່ມ - ແມ່ຍິງໄດ້ກ້າສະແດງອອກເທິງ ເວທີດ້ານສະຕິປັນຍາ, ຄວາມຮູ້- ຄວາມສາມາດ ແລະ ພອນສະຫວັນ ເພື່ອກ້າວໄປສູ້ການພັດທະນາຕົນເອງຂຶ້ນໄປເລື່ອຍໆ.

   ການປະກວດຄັ້ງນີ້ມີຕົວແທນຈາກ 14 ກົມກອງ, ມີ 31 ສະຫາຍ ອ້ອມ ຂ້າງ ປກສ ນະຄອນຫຼວງ ວຽງຈັນ ເຂົ້າຮ່ວມແຂ່ງຂັນທັງໝົດ 31 ຄົນ. ໃນນັ້ນ, ລາງວັນທີ 1 ໄດ້ແກ່: ຮອ ດີ ທອງສຸກ ໝາຍເລກ 19 ຈາກ ປກສ ເມືອງ ສີໂຄດຕະບອງ ດ້ວຍການຮ້ອງບົດເພງປູ່ຈັນ ດ້ວຍຈັງຫວະສະໂລໂບລີໂລ ໄດ້ຮັບລາງວັນ ເງິນສົດ 400.000 ກີບ, ລາງວັນ ທີ 2 ຮຕ ນາງ ເສົາລໍາມອນ ສິນທະວົງ ໝາຍເລກ 25 ຈາກຫ້ອງການເມືອງ ປກສ ນະຄອນຫຼວງວຽງຈັນ ດ້ວຍການຮ້ອງເພງແດນ ແຫ່ງອິດສະຫຼະ ດ້ວຍ ຈັງຫວະສະ ໂລໂບລີໂລ ໄດ້ຮັບລາງວັນເງິນສົດ 300.000 ກີບ, ລາງວັນທີ 3 ຮຕ ເທບກຽງໄກ ສອນສັກສິດ ໝາຍເລກ 22 ຈາກຫ້ອງສັນຕິບານ ປກສ ນະຄອນຫຼວງວຽງຈັນ ດ້ວຍການຮ້ອງເພງ ວຽງໃນຝັນ ດ້ວຍຈັງຫວະສະໂລໂບລີໂລ ໄດ້ຮັບ ລາງວັນເງິນ ສົດ 200.000 ກີບ.

   ນອກຈາກນັ້ນ, ຍັງໄດ້ມີການ ແຂ່ງຂັນ ຖາມ-ຕອບ ຄວາມຮູ້ຮອບຕົວ, ເຊິ່ງໄດ້ຮັບ ລາງວັນທີ 1 ແມ່ນ ທີມຫ້ອງການເມືອງ ກອງບັນຊາການ ຮັບເງິນສົດ 500.000 ກີບ, ລາງວັນທີ 2 ແມ່ນທີມ ປກສ ເມືອງ ສັງທອງ ໄດ້ຮັບ ລາງວັນເປັນ ເງິນສົດ 400.000 ກີບ, ລາງວັນ ທີ 3 ໄດ້ແກ່ ທີມຫ້ອງການເມືອງ ກອງບັນຊາການ ໄດ້ຮັບ ລາງວັນ 300.000 ກີບ. ນອກຈາກນັ້ນ ຍັງມີລາງວັນອື່ນໆອີກຫຼາກຫຼາຍ ລາງວັນ.

*ຄັດຈາກ: ຫນັງສືພີມສຽງຂອງກຳລັງປ້ອງກັນຄວາມສະຫງົບປະຊາຊົນລາວ, ສະບັບວັນທີ 2/07/2014

 
 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ