Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກະຊວງຍຸຕິທໍາ ຕ້ອງຍົກສູງການພັດທະນາບຸກຂະລາກອນ ເພື່ອຕອບສະໜອງໃຫ້ແກ່ການຄຸ້ມຄອງລັດດ້ວຍກົດໝາຍ

          ທ່ານ ພັນຄໍາ ວິພາວັນ ຮອງປະທານປະເທດ ໄດ້ໃຫ້ທິດຊີ້ນໍາກະຊວງຍຸຕິທໍາ ຕ້ອງຍົກສູງຄຸນນະພາບວຽກງານ ການພັດທະນາບຸກຂະລາກອນກົດໝາຍ ເພື່ອຕອບສະໜອງໃຫ້ແກ່ການຄຸ້ມຄອງລັດ, ຄຸ້ມຄອງເສດຖກິດ - ສັງຄົມດ້ວຍ ກົດໝາຍ; ໃນນີ້ ຕ້ອງໄດ້ເອົາໃຈໃສ່ເປັນພິເສດກ່ຽວກັບການສ້າງຄຸນທາດການເມືອງ, ຄຸນສົມບັດສິນ ແລະ ຈັນຍາທໍາ ຂອງນັກກົດໝາຍ ດ້ານຄວາມທ່ຽງທໍາ, ຄວາມສັດຊື່ບໍລິສຸດ ແລະ ຈິດໃຈຮັບໃຊ້ປະເທດຊາດ, ຮັບໃຊ້ປະຊາຊົນຢ່າງແທ້ ຈິງ ໄປພ້ອມກັບການຍົກສູງຄວາມຮູ້ - ຄວາມສາມາດທາງດ້ານວິຊາສະເພາະກົດໝາຍ ແລະ ຄວາມສາມາດໃນການຈັດ ຕັ້ງປະຕິບັດໃນພາກຕົວຈິງ.

          ກອງປະຊຸມວຽກງານຍຸຕິທໍາທົ່ວປະເທດ ປະຈໍາປີ 2018 ໄດ້ປິດລົງໃນວັນທີ 29 ມັງກອນ ຜ່ານມາ ພາຍຫຼັງ ດໍາເນີນມາເປັນເວລາ 2 ວັນ ໂດຍການເຂົ້າຮ່ວມ ແລະ ໂອ້ລົມໂດຍ ທ່ານ ພັນຄໍາ ວິພາວັນ ຮອງປະທານປະເທດ, ມີຄະ ນະລັດຖະມົນຕີ, ຫົວໜ້າພະແນກຍຸຕິທໍາ, ສະຖາບັນ, ກົມ, ຫ້ອງການ ແລະ ແຂກຮັບເຊີນເຂົ້າຮ່ວມ. ເຊິ່ງທ່ານໄດ້ໃຫ້ ທິດຊີ້ນໍາວ່າ: ການຍົກສູງຄຸນນະພາບວຽກງານ ການພັດທະນາບຸກຂະລາກອນກົດໝາຍ ເພື່ອຕອບສະໜອງໃຫ້ແກ່ການ ຄຸ້ມຄອງລັດ, ຄຸ້ມຄອງເສດຖກິດ - ສັງຄົມດ້ວຍກົດໝາຍ; ໃນນີ້ ຕ້ອງໄດ້ເອົາໃຈໃສ່ເປັນພິເສດກ່ຽວກັບການສ້າງຄຸນ ທາດການເມືອງ, ຄຸນສົມບັດສິນ ແລະ ຈັນຍາທໍາຂອງນັກກົດໝາຍດ້ານຄວາມທ່ຽງທໍາ, ຄວາມສັດຊື່ບໍລິສຸດ ແລະ ຈິດໃຈ ຮັບໃຊ້ປະເທດຊາດ, ຮັບໃຊ້ປະຊາຊົນຢ່າງແທ້ຈິງ ໄປພ້ອມກັບການຍົກສູງຄວາມຮູ້ - ຄວາມສາມາດທາງດ້ານວິຊາສະ ເພາະກົດໝາຍ ແລະ ຄວາມສາມາດໃນການຈັດຕັ້ງປະຕິບັດໃນພາກຕົວຈິງ. ຖ້າສ້າງໄດ້ແນວນັ້ນ ຈຶ່ງຈະເປັນການປົກປັກ ຮັກສາ ແລະ ເສີມຂະຫຍາຍຄວາມສັກສິດຂອງກົດໝາຍ, ສັງຄົມຈຶ່ງຈະມີຄວາມເຫຼື່ອມໃສສັດທາ, ໃຫ້ຄວາມເຊື້ອໝັ້ນ ຕໍ່ກັບແນວທາງນະໂຍບາຍຂອງພັກ - ລັດ; ສ່ວນເປົ້າໝາຍນັ້ນກໍໃຫ້ເລັງໃສ່ເອົາຄົນຢູ່ທ້ອງຖິ່ນ, ຮາກຖານ, ເອົາລູກຫຼານ ປະຊາຊົນລາວບັນດາເຜົ່າຕ່າງໆ ມາຮຽນ ເມື່ອຈົບໄປແລ້ວ ກໍສົ່ງເຂົາເຈົ້າກັບຄືນເມືອບັນຈຸຊັບຊ້ອນໃຫ້ທ້ອງຖິ່ນຄືເກົ່າ ເປັນຕົ້ນແມ່ນຂັ້ນເມືອງ, ຮາກຖານບ້ານ ແລະ ກຸ່ມບ້ານ.

         ການຍົກສູງຄຸນນະພາບວຽກງານ ການພັດທະນາບຸກຂະລາກອນກົດໝາຍ ຕ້ອງຕິດພັນກັນຢ່າງສະນິດແໜ້ນກັບ ການປັບປຸງ ແລະ ຍົກສູງຄຸນນະພາບຂອງໂຄງການຫຼັກສູດການຮຽນ - ການສອນສະຖາບັນການສຶກສາຊັ້ນຕົ້ນ, ສະຖາ ບັນຍຸຕິທໍາແຫ່ງຊາດ ແລະ ສະຖາບັນຍຸຕິທໍາພາກຕ່າງໆ ທີ່ຂຶ້ນກັບການຄຸ້ມຄອງຂອງຂະແໜງຍຸຕິທໍາ; ໃນນີ້ ຕ້ອງໄດ້ຍົກ ສູງຄຸນນະພາບຂອງຄູ - ອາຈານຢູ່ແຕ່ລະສະຖາບັນ ໂດຍປະຕິບັດຕາມມາດຕະຖານຂອງກະຊວງສຶກສາທິການ ແລະ ກິ ລາວາງອອກ ທັງໝົດນັ້ນ ກໍເພື່ອເປັນການຍົກລະດັບຄວາມຮູ້ທາງດ້ານກົດໝາຍ ໃຫ້ບຸກຂະລາກອນຢູ່ແຕ່ລະຂັ້ນຮາກ ຖານ ທາງດ້ານປະລິມານ ແລະ ຄຸນນະພາບດີຂຶ້ນເທື່ອລະກ້າວ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ