Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ແຂວງອິດຕະປື ຈັດກອງປະຊຸມປືກສາຫາລື ຊຸກຍູ້ວຽກງານການຈັດຕັ້ງປະຕິບັດຄຳສັ່ງ ເລກທີ 62/ນຍ

ໃນຕອນເຊົ້າຂອງວັນທີ 20ທັນວາ 2018 ນີ້, ພະແນກແຮງງານ ແລະ ສະຫວັດດີການສັງຄົມແຂວງອັດຕະປື ໄດ້ຮ່ວມກັບກອງບັນຊາການ ປກສ ແຂວງ ຈັດກອງປະຊຸມປຶກສາຫາລື ແລະ ຊຸກຍູ້ວຽກງານການຈັດຕັ້ງປະຕິບັດຄຳສັ່ງ ຂອງນາຍົກລັດຖະມົນຕີ ສະບັບເລກທີ 62/ນຍ, ລົງວັນທີ 13 ພະຈິກ 2015 ວ່າດ້ວຍການອຳນວຍຄວາມສະດວກ ແລະ ໃຫ້ການຮ່ວມມືໃນການຂຶ້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວຄາວໃຫ້ຄົນຕ່າງປະເທດເປັນປະ ທານໂດຍ ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ມີພະນັກງານຈາກກະຊວງ ແລະ ພະແນກການທີ່ ກ່ຽວຂ້ອງອ້ອມຂ້າງແຂວງ ເຂົ້າຮ່ວມ 50 ກວ່າຄົນ.

ໃນກອງປະຊຸມ, ພົຈວ ທອງຈັນ ຈັນທະພົງ ຫົວໜ້າກອງບັນຊາການ ປກສ ແຂວງ ຫົວໜ້າຄະນະຊີ້ນຳການຂຶ້ນທະ ບຽນ ໄດ້ຂຶ້ນລາຍງານຜົນການຈັດຕັ້ງປະຕິບັດ ການຂຶ້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວຄາວໃຫ້ຄົນຕ່າງ ປະເທດ ໄລຍະທີ I ແລະ ໄລຍະທີ II ໂດຍສັງລວມແລ້ວ ໃນ 5 ຕົວເມືອງ ທົ່ວແຂວງ ອັດຕະປື ສາມາດເຄື່ອນໄຫວອອກ ບັດຊົ່ວຄາວໃຫ້ຄົນຕ່າງປະເທດ ໄດ້ທັງໝົດ 1.378 ຄົນ ຍິງ 497ຄົນ; ໃນນັ້ນ ໄດ້ອອກບັດອະນຸຍາດຊົ່ວຄາວ 3 ເດືອນ ມີ 1.348 ຄົນ, ອອກບັດອະນຸຍາດຊົ່ວຄາວ 6 ເດືອນ ມີ 30 ຄົນ, ຜູ້ທີ່ມີເງື່ອນໄຂປັບສະຖານະພາບໃຫ້ຖືກຕ້ອງ ຕາມລະບຽບກົດໝາຍ ມີ 253 ຄົນ, ຜູ້ທີ່ມີເງື່ອນໄຂໃຫ້ຊຳລະສະສາງ ເພື່ອຢຸດຕິການເຄື່ອນໄຫວ ມີ1.125 ຄົນ, ຈຳ ນວນ`ຄົນຕ່າງປະເທດທີ່ກວດກາຕົວຈິງທີ່ບໍ່ທັນໄດ້ຂຶ້ນທະບຽນ ມີ 200 ກວ່າຄົນ. ເຊິ່ງໄດ້ສ້າງລາຍຮັບຈາກການຂຶ້ນທະ ບຽນທັງໝົດ 1.267.200.000 ກີບ. ຈາກນັ້ນ, ກອງປະຊຸມ ກໍໄດ້ເປີດໂອກາດໃຫ້ຜູ້ເຂົ້າຮ່ວມປະກອບຄໍາຄິດເຫັນ ແລະ ປຶກສາຫາລືເພື່ອເຮັດໃຫ້ການຈັດຕັ້ງປະຕິບັດວຽກງານການຂຶ້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວ ຄາວໃຫ້ຄົນຕ່າງປະເທດມີຄວາມຖືກຕ້ອງ ແລະ ສອດຄ່ອງຍິ່ງຂຶ້ນ.

ພົຕ ກົງທອງ ພົງວິຈິດ ໄດ້ຊົມເຊີຍໃນແຕ່ລະຂະແໜງການທີ່ກ່ຽວຂ້ອງ ທີ່ມີຄວາມຮັບຜິດຊອບສູງໃນການຈັດຕັ້ງ ປະຕິບັດຄຳສັ່ງ ເລກທີ 62/ນຍ ກໍຄືບັນດານິຕິກຳອື່ນໆທີ່ກ່ຽວຂ້ອງ ເຊິ່ງມັນສ່ອງແສງໃຫ້ເຫັນໄດ້ໃນບົດ ສະຫຼຸບສັງລວມ ທີ່ໄດ້ລາຍງານໃນຄັ້ງນີ້ ແລະ ທ່ານຍັງໄດ້ຮຽກຮ້ອງໃຫ້ຄະນະພັກ-ຄະນະນໍາ ຂອງບັນດາຂະແໜງການທີ່ກ່ຽວຂ້ອງເອົາໃຈໃສ່ ສືບຕໍ່ຊີ້ນໍາ-ນໍາພາ ໃນການຈັດຕັ້ງປະຕິບັດຄໍາສັ່ງດັ່ງກ່າວ ໃຫ້ໄດ້ຮັບໝາກຜົນຫຼາຍຂຶ້ນ ເພື່ອເຮັດໃຫ້ສັງຄົມມີຄວາມສະ ຫງົບ ແລະ ມີຄວາມເປັນລະບຽບຮຽບຮ້ອຍດີຂຶ້ນເປັນກ້າວໆ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ