Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ທ້າຍອາທິດຜ່ານມາ, ກອງບັນຊາການ ປກສ ແຂວງຈໍາປາສັກ ໄດ້ຈັດພິທີປະກາດການແຕ່ງຕັ້ງ ຫົວໜ້າກອງບັນຊາ ການ ຜູ້ໃໝ່ຂຶ້ນຢ່າງເປັນທາງການ ໂດຍການເຂົ້າຮ່ວມ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມ ສະຫງົບ, ມີຄະນະ ພັກ-ຄະນະບັນຊາ, ຕາງໜ້າກົມໃຫຍ່ການ ເມືອງ, ກອງບັນຊາການ ປກສ 9 ເມືອງ, 1 ນະຄອນ, ຫ້ອງອ້ອມຂ້າງ ພະນັກງານຫຼັກແຫຼ່ງອ້ອມຂ້າງ ປກສ ແຂວງ ເຂົ້າຮ່ວມ.

 ພັທ ຄອນສະຫວັນ ສົມພາໄຊ ຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ກະຊວງປ້ອງກັນຄວາມ ສະຫງົບ ໄດ້ຂຶ້ນຜ່ານດຳ ລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຫົວໜ້າກອງ ບັນຊາການປ້ອງກັນຄວາມສະ ຫງົບ ແຂວງຈຳປາສັກ ເລກທີ 239/ນຍ, ລົງວັນທີ 7 ສິງຫາ 2019 ວ່າດ້ວຍການແຕ່ງຕັ້ງ ພັອ ຖາວອນ ບຸນກອງພິມ ຮັກສາການ ຫົວໜ້າກອງບັນຊາການ ປກສ ແຂວງຈຳປາສັກ ຂຶ້ນເປັນຫົວໜ້າ ກອງບັນຊາການ ປກສ ແຂວງຈຳປາສັກ ຜູ້ໃໝ່; ສ່ວນຮອງທີ່ມີຢູ່ ແລ້ວແມ່ນຮັກສາໄວ້ຄືເກົ່າ.

ການປະກາດແຕ່ງຕັ້ງ ແລະ ປັບປຸງກົງຈັກການຈັດຕັ້ງຄັ້ງນີ້, ແມ່ນອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ຢູ່ແຂວງຈຳປາສັກ, ເພື່ອເປັນການປັບປຸງກົງ ຈັກການຈັດຕັ້ງຢູ່ແຂວງຈຳປາສັກ ໃຫ້ມີຄວາມໜັກແໜ້ນ, ທາງດ້ານການ ເມືອງ-ແນວຄິດ, ເຂັ້ມແຂງ ທາງດ້ານການຈັດຕັ້ງ ແລະ ສາມາດຕອບສະໜອງໄດ້ກັບຄວາມຮຽກຮ້ອງຕ້ອງ ການຂອງໜ້າທີ່ ການເມືອງໃນໄລຍະໃໝ່.

ໂອກາດນີ້, ພົທ ວິໄລ ຫຼ້າ ຄຳຟອງ ໄດ້ສະແດງຄວາມຍ້ອງຍໍ ຊົມເຊີຍຕໍ່ຄະນະພັກ-ຄະນະບັນຊາ, ກໍຄືພະນັກງານ-ນັກຮົບທົ່ວກອງບັນຊາການ ປກສ ແຂວງຈຳປາສັກ ທີ່ພ້ອມກັນທຸ່ມເທເຫື່ອແຮງ, ສະຕິປັນຍາເຂົ້າໃນວຽກງານ,ສາມາດ ຍາດໄດ້ຜົນງານຜ່ານມາ, ຮັບປະກັນໃຫ້ແຂວງຈຳປາສັກມີຄວາມສະຫງົບທາງດ້ານການ ເມືອງ, ມີຄວາມເປັນລະບຽບ ຮຽບຮ້ອຍ ແລະ ປອດໄພທາງດ້ານສັງຄົມ, ຈາກນັ້ນ, ທ່ານຍັງໄດ້ຮຽກ ຮ້ອງໃຫ້ຜູ້ທີ່ໄດ້ຮັບການ ແຕ່ງຕັ້ງເປັນຫົວໜ້າ ກອງບັນຊາການ ຜູ້ໃໝ່ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍ, ເຕົ້າໂຮມ ຄວາມສາມັກຄີ ພາຍ ໃນໃຫ້ແໜ້ນແຟ້ນ, ຮັບປະກັນ ໃຫ້ກົມກອງມີຄວາມເຕີບໃຫຍ່ເຂັ້ມແຂງຂຶ້ນໄປເລື້ອຍໆ, ຮັບຮູ້ຈະ ແຈ້ງເຖິງໜ້າທີ່ ແລະ ຄວາມຮັບ ຜິດຊອບຕໍ່ການຈັດຕັ້ງພັກ-ລັດ, ຄະນະພັກ-ຄະນໍາກະຊວງປ້ອງ ກັນຄວາມສະຫງົບທີ່ໃຫ້ຄວາມ ໄວ້ວາງໃຈ ຕໍ່ຜູ້ໄດ້ຮັບການແຕ່ງຕັ້ງ ເພື່ອສືບຕໍ່ເຮັດໜ້າທີ່ໃຫ້ເຕີບໃຫຍ່ ແລະ ທັນສະໄໝຂຶ້ນເທື່ອລະກ້າວ.

ຂ່າວຍັງໃຫ້ຮູ້ຕື່ມອີກວ່າ: ໃນວັນດຽວກັນ, ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນ ຄວາມສະຫົງບ ພ້ອມຄະນະ ຍັງໄດ້ນຳເອົາເຄື່ອງອຸປະໂພກມາມອບ ໃຫ້ຜູ້ປະສົບໄພພິບັດນ້ຳຖ້ວມຢູ່ ແຂວງຈຳປາສັກ, ສຳລັບເຄື່ອງທີ່ ນຳມາມອບໃນຄັ້ງນີ້, ມີ ເກີບຜູ້ ໃຫ່ຍ, ເດັກນ້ອຍ ຈຳນວນ 1.000 ຄູ່, ເຄື່ອງນຸ່ງຫົ່ມ 550 ຊຸດ, ກະ ເປົາ 19 ໜ່ວຍ, ເສື້ອກັນໜາວ 50 ໂຕ ມູນຄ່າ 155.000.000 ກີບ, ພ້ອມເງິນ ຈຳນວນ 100.000.000 ກີບ, ລວມທັງໝົດຈໍານວນ 255.000.000 ກີບ ເພື່ອເປັນ ການບັນເທົາທຸກ ແລະ ນຳໄປແຈກ ຢາຍຊ່ວຍເຫຼືອພໍ່-ແມ່ປະຊາຊົນ ຜູ້ທີ່ໄດ້ຮັບຜົນກະທົບຈາກໄພນ້ຳ ຖ້ວມຢູ່ພາຍໃນແຂວງຈຳປາສັກ ເຊິ່ງກ່າວຮັບໂດຍ ທ່ານ ປອ ບຸນຖອງ ດີວິໄຊເຈົ້າ ແຂວງໆຈຳ ປາສັກ ພ້ອມຄະນະ ແລະ ມີບັນດາພະແນກການກົມກອງອ້ອມ ຂ້າງແຂວງຈຳປາສັກ.

 

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ