ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ສຳມະນາກ່ຽວກັບກົດໝາຍສາກົນ ແລະ ສິດທິມະນຸດສຳລັບເຈົ້າໜ້າທີ່ຂັ້ນແຂວງ ແລະ ເມືອງຂອງ 6 ແຂວງ

ໃນລະຫວ່າງວັນທີ 1-2 ກໍລະກົດຜ່ານມານີ້ ທີ່ຫ້ອງ ວ່າການແຂວງຈຳປາສັກ ໄດ້ ຈັດຕັ້ງກອງປະຊຸມສຳມະນາ ກ່ຽວກັບ ກົດ ໝາຍ ສາກົນ ແລະ ສິດທິມະນຸດສຳລັບເຈົ້າໜ້າທີ່ ຂັ້ນແຂວງ ແລະ ເມືອງຂອງ 6 ແຂວງພາກກາງ ແລະ ພາກໃຕ້ (ຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ເຊກອງ ແລະ ອັດຕະປື) ໂດຍພາຍໃຕ້ການເປັນປະທານຂອງທ່ານ ພົງສະຫວັດ ບຸບຜາ ລັດຖະມົນຕີ ຫົວໜ້າຫ້ອງວ່າການປະທານ ປະເທດປະທານຄະນະຊີ້ນຳລະດັບຊາດໃນການປະສານ ງານດ້ານ ສິດທິ ມະນຸດຊຶ່ງມີທ່ານ ສົມສະໜິດ ບຸດຕິວົງ ຮອງເລຂາພັກແຂວງຮອງເຈົ້າແຂວງຈຳປາສັກ ແລະ ສຳມະນາກອນ ເຂົ້າຮ່ວມ ທັງໝົດ ປະມານ150ກວ່າຄົນ. ການຈັດຕັ້ງກອງປະຊຸມດັ່ງກ່າວນີ້ໄດ້ຮັບການສະໜັບສະໜູນ ຈາກອົງການ ຊ່ວຍເຫຼືອຂອງ ອົດສະຕຣາລີ (AusAid).

    ກອງປະຊຸມສຳມະນາໃນ ຄັ້ງນີ້ໄດ້ເຮັດໃຫ້ຜູ້ເຂົ້າຮ່ວມ ເພີ່ມທະວີຄວາມຮັບຮູ້ ແລະ ຄວາມເຂົ້າໃຈກ່ຽວກັບສິດທິ ມະນຸດຢູ່ ສປປ ລາວ, ປະຫວັດ ສາດຂອງຊາດລາວ ແລະ ຂະ ບວນການຕໍ່ສູ້ຂອງປະຊາຊົນ ລາວບັນດາເຜົ່າ ເພື່ອຄວາມ ເປັນ ເອກະລາດ ແຫ່ງຊາດ, ເພື່ອສິດເປັນເຈົ້າຂອງປະເທດ ຊາດ. ຜູ້ເຂົ້າຮ່ວມສາມາດກຳ ໄດ້ແນວທາງນະໂຍບາຍຂອງ ພັກ ແລະ ລັດຖະບານເຮົາ ໃນການເຂົ້າຮ່ວມໃນຂອບກົດໝາຍສາກົນຂອງ ສປປ ລາວ ໃນການປະຕິບັດພັນທະພາຍໃຕ້ສົນທິສັນຍາທີ່ ສປປ ລາວ ເປັນພາຄີທີ່ພົວພັນກັບວຽກງານຂອງອົງການປົກຄອງຂັ້ນແຂວງ ແລະ ເມືອງ.

    ໃນກອງປະຊຸມສຳມະນາ ທ່ານ ພົງສະຫວັດ ບຸບຜາ ໄດ້ຍົກໃຫ້ເຫັນຄວາມສຳຄັນຂອງ ການເຜີຍແຜ່, ການສ້າງຄວາມ ສາມາດ ກ່ຽວກັບກົດໝາຍສາ ກົນໃຫ້ແກ່ອົງການປົກຄອງ ທ້ອງຖິ່ນ ເປັນການປະກອບ ສ່ວນເຂົ້າໃນການພັດທະນາ ຊັບພະຍາ ກອນ ມະນຸດຢູ່ປະເທດເຮົາ ຊຶ່ງແມ່ນໜຶ່ງໃນ 4 ບາດກ້າວບຸກທະລຸທີ່ທົ່ວປວງ ຊົນລາວທັງຊາດພວມອອກ ແຮງແຂ່ງຂັນກັນຈັດ ຕັ້ງປະຕິ ບັດຕາມມະຕິກອງປະຊຸມໃຫຍ່ ຄັ້ງທີ IX ຂອງພັກ, ເປັນການປະກອບສ່ວນໃນການຈັດຕັ້ງປະຕິບັດແຜນແມ່ບົດລັດແຫ່ງ ກົດໝາຍ ຕາມແຜນແມ່ບົດວ່າດ້ວຍການພັດທະນາລັດແຫ່ງກົດໝາຍແຕ່ນີ້ຮອດປີ 2020.

    ການຈັດຕັ້ງປະຕິບັດພັນທະຂອງ ສປປ ລາວ ພາຍໃຕ້ສົນທິສັນຍາສາກົນແມ່ນວຽກງານລວມຂອງທຸກຂະແໜງ ການໃນທົ່ວ ປະເທດ ລວມທັງ ອົງການປົກຄອງທ້ອງຖິ່ນ. ສົນ ທິສັນຍາທີ່ ສປປ ລາວ ເປັນພາ ຄີໄດ້ເປັນພື້ນຖານທາງດ້ານ ກົດໝາຍ ສາກົນ ສຳລັບການ ພົວພັນມິດຕະພາບ, ການຮ່ວມ ມື ແລະ ເຊື່ອມໂຍງທາງດ້ານ ເສດຖະກິດຂອງປະເທດເຮົາ ກັບພາກພື້ນ ແລະ ໃນໂລກ ຊຶ່ງສອດຄ່ອງກັບນະໂຍບາຍ ການຕ່າງປະເທດອັນສະເໝີ ຕົ້ນສະເໝີປາຍຂອງພັກ - ລັດ ຖະບານເຮົາ.

    ໃນກອງປະຊຸມສຳມະນາ ດັ່ງກ່າວນັກສຳມະນາກອນໄດ້ ຮັບຟັງການສະເໜີເອກະສານ ຕ່າງໆຄື: ສິດທິມະນຸດຢູ່ ສປປ ລາວ, ປະຫວັດສາດ, ຄວາມ ເຂົ້າໃຈ ແລະ ທັດສະນະຂອງ ພັກ ແລະ ລັດຖະບານລາວ; ຄວາມເຂົ້າໃຈກ່ຽວກັບກົດໝາຍ ສາກົນ ແລະ ການປົກຄອງ ລັດໂດຍກົດໝາຍ; ການຄຸ້ມ ຄອງອົງການຈັດຕັ້ງສາກົນທີ່ ບໍ່ສັງກັດລັດຖະບານໃນສປປ ລາວ, ການຕໍ່ຕ້ານການກໍ່ອາ ຊະຍາກຳ ແລະ ການຄ້າມະນຸດສາກົນ; ນະໂຍບາຍຂອງ ສປປ ລາວ ຕໍ່ກັບວຽກງານສາສະໜາ; ການຮ່ວມມືດ້ານສິດ ທິມະນຸດໃນອາຊຽນ; ບາງຫຼັກການສຳຄັນກ່ຽວກັບການສົ່ງຜູ້ຮ້າຍຂ້າມແດນ ແລະ ອາຊະຍາກຳຂ້າມຊາດ; ສານອາຍາສາກົນ, ສານຍຸຕິທຳສາກົນ, ສະພາຄວາມໝັ້ນຄົງສະຫະປະຊາຊາດ ໃນການຄ້ຳປະກັນສັນຕິພາບ ແລະ ຄວາມຍຸຕິ ທຳ ໃນໂລກ; ກົນໄກ ສາກົນດ້ານສິດທິມະນຸດ, ພັນທະ ສປປ ລາວ ພາຍໃຕ້ສົນທິສັນຍາສາ ກົນດ້ານສິດທິມະນຸດ ແລະ ກົນໄກທົບທວນປະຈຳ ໄລຍະ (UPR).

 ຜູ້ເຂົ້າຮ່ວມຍັງໄດ້ປຶກສາຫາລືກ່ຽວກັບຮ່າງກົດໝາຍວ່າດ້ວຍສົນທິສັນຍາສາກົນໃນສ່ວນທີ່ພົວພັນກັບການສ້າງສົນທິສັນຍາໂດຍ ອົງການທ້ອງຖິ່ນ.

* ຄັດຈາກ: ໜັງສືພິມວຽງຈັນໃໝ່, ສະບັບວັນທີ 7-7-2014

 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ