ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ລາວ-ໄທ ຫາລືການຮ່ວມມືຕ້ານການຄ້າມະນຸດ

ຄະນະ​ຜູ້​ແທນ​ກະຊວງ​ແຮງ​ງານ ແລະ ສະຫວັດດີ​ການ​ສັງຄົມ ​ສປປ ລາວ ແລະ ກະຊວງ​ພັດທະນາ​ສັງຄົມ ແລະ ຄວາມ​ໝັ້ນຄົງ​ ຂອງ​ມະນຸດຣາ​ຊະ​ອານາຈັກ​ໄທ ຈັດ​ກອງ​ປະຊຸມ​ຄະນະ​ປະຕິບັດ​ງານ​ຮ່ວມ​ມື​ ຕ້ານ​ການ ​ຄ້າ​ມະນຸດ ລາວ-ໄທ ຄັ້ງ​ທີ 15 ໃນ​ທ້າຍ​ອາທິດ​ຜ່ານ​ມາທີ່​ເມືອງ​ວັງ​ວຽງ ແຂວງ​ວຽງ​ຈັນ ເພື່ອ​ປຶກສາ​ຫາລື ແລະ ທົບ​ທວນຄືນ​ການຈັດຕັ້ງ​ປະຕິບັດ ​ວຽກ​ງານຮ່ວມ​ມື​ ດ້ານ​ການ​ຕ້ານ​ການ​ຄ້າ​ມະນຸດ ແລະ ວາງ​ ທິດ​ທາງ​ ຮ່ວມ​ມື​ໃນຕໍ່ໜ້າ.

 ໃນ​ກອງ​ປະຊຸມ ຝ່າຍ​ລາວນຳ​ໂດຍທ່ານ ຄຳ​ຂານ ພິນ​ສະຫວັນ ຫົວໜ້າ​ຫ້ອງການ​ກະຊວງ​ແຮງ​ງານ ແລະ ສະຫວັດດີ​ການ​ ສັງຄົມ ແລະ ຝ່າຍ​ໄທນຳ​ໂດຍ​ ທ່ານ ພົນ​ຕຳຫຼວດ​ເອກ ຊັດຊະວານ ສຸກ​ສົມ​ຈິດ ຫົວໜ້າ​ກົມ ​ສອບ​ສວນ​ຄະດີ​ພິເສດ ພ້ອມ​ດ້ວຍ​ ຄະນະ ເຂົ້າ​ຮ່ວມ​ນັ້ນ, ສອງ​ຝ່າຍ​ໄດ້​ມີ​ການ​ປຶກສາ​ຫາລື ເພື່ອ​ສືບຕໍ່​ຮ່ວມ​ມື ​ກັນ ​ໃນຕໍ່ໜ້າ​ໃຫ້​ເປັນ​ປົກກະຕິ ແລະ ມີ​ຄວາມ​ຄ່ອງ​ຕົວ​ ຫຼາຍ​ຂຶ້ນ ເປັນຕົ້ນ ການ​ແລກປ່ຽນ​ຂໍ້​ມູນ​ຂ່າວສານ​ເຊິ່ງ​ກັນ ແລະ ກັນ.ຄະນະ​ຮັບຜິດຊອບ​ຝ່າຍ​ໄທ​ ຈະ​ສືບຕໍ່​ນຳ​ສົ່ງ​ຜູ້​ທີ່ຢູ່​ສູນ​ລໍຖ້າ​ ກັບ​ຄືນ​ປະເທດ​ໂດຍ​ໄວ​ຕາມ​ເວລາ​ອັນ​ຄວນ.

ພ້ອມ​ນັ້ນຄະນະ​ຮັບຜິດຊອບ​ຝ່າຍ​ລາວຍັງ​ຈະ​ສືບຕໍ່​ປູກ​ຈິດ​ສຳນຶກ​ໃຫ້​ແກ່​ຊຸມ​ຊົນ ຫຼ ສັງຄົມ​ໃຫ້​ເຫັນ​ໄດ້​ເຖິງ​ ຜົນ​ຮ້າຍ ​ຂອງ​ຂະ​ບວນ​ການ​ຄ້າ​ມະນຸດແລະຈະ​ສືບຕໍ່​ເອົາໃຈໃສ່​ຊ່ວຍເຫຼືອເບິ່ງແຍງ​ຜູ້​ທີ່​ຖືກ​ສົ່ງ​ກັບ​ຄືນ​ປະເທດ ໃຫ້​ສາມາດ​ດຳລົງ​ຊີວິດ​ຢູ່​ນຳ​ຄອບຄົວ ແລະສັງຄົມ ​ຢ່າງ​ເປັນ​ປົກກະຕິ. ກອງ​ປະຊຸມ​ຄັ້ງ​ທີ 16 ຄາດ​ວ່າ​ຈະ​ ໄດ້​ຈັດ​ຂຶ້ນ​ໃນ​ຕົ້ນ​ປີ 2015 ໂດຍ​ຝ່າຍ​ໄທ​ຈະ​ເປັນ​ເຈົ້າພາບ.

ທ່ານ ປະ​ເດີມ​ພອນ ສົນ​ທະນີ ຫົວໜ້າ​ກົມ​ສັງຄົມ​ສົງເຄາະ ໄດ້​ໃຫ້​ຮູ້​ວ່າ: ກອງ​ປະຊຸມ​ຮ່ວມ​ມື​ລະດັບ​ ຜູ້​ປະຕິ​ບັດ​ການ​ປົກ​ປ້ອງ ແລະ ຊ່ວຍເຫລືອ​ຜູ້​ເຄາະ​ຮ້າຍ​ຈາກ​ການ​ຄ້າ​ມະນຸດ ລາວ-ໄທ ໄດ້​ຈັດ​ຂຶ້ນ​ທຸກໆ​ປີ ໂດຍ​ຜັດປ່ຽນ​ກັນ​ເປັນ​ເຈົ້າພາບ ເພື່ອ​ທົບ​ທວນຄືນ​ການ​ປະສານ​ງານ​ຮ່ວມ​ມື​ກັນ ໃນ​ການ​ປົກ​ປ້ອງ ແລະ ຊ່ວຍເຫຼືອ​ເບິ່ງແຍງ​ແຮງ​ງານ​ລາວ ​ທີ່​ຕົກ​ເຂົ້າ​ສູ່​ຂະ​ບວນ​ການ​ຄ້າ​ມະນຸດ​ຢູ່​ປະເທດ​ໄທ ເຊິ່ງ​ໃນ​ໜຶ່ງ​ປີ​ຜ່ານມາ ເຫັນ​ວ່າ​ມີ​ຄວາມ​ຄືບ​ໜ້າ​ຫຼາຍ​ດ້ານ ເປັນຕົ້ນ ການ​ແລກປ່ຽນ​ຂໍ້​ມູນ​ຂ່າວສານ, ການ​ດຳເນີນ​ຄະດີ​ ຕໍ່​ຜູ້​ກະທ ຳ​ຜິດ, ການ​ຝຶກ​ວິຊາ​ຊີບ, ການ​ຕິດຕາມ​ຊ່ວຍເຫຼືອ​ເບິ່ງແຍງ​ຜູ້​ເຄາະ​ຮ້າຍ ​ໃນ​ເວລາ​ສົ່ງ​ກັບ​ຄືນ​ສູ່ ຄອບຄົວ ແລະ ຊຸມ​ຊົນ ເພື່ອ​ໃຫ້​ເຂົາເຈົ້າ​ສາມາດ​ຢູ່​ຮ່ວມ​ກັນ​ໃນ​ສັງຄົມ​ ຢ່າງ​ເປັນ​ປົກກະຕິ, ໃນ​ໄລຍະ​ໜຶ່ງ​ປີ ຜ່ານມາ ​ມີ​ຜູ້​ຕົກ​ເປັນ​ເຫຍື່ອ​ຂະ​ບວນ​ການ​ຄ້າ​ມະນຸດ ​ໄດ້​ຖືກ​ສົ່ງ​ກັບ​ຈາກ​ປະເທດ​ໄທທັງ​ໝົດ 144 ຄົນ, ຍິງ 143 ຄົນ ອາຍຸ​ຕ່ຳ​ກວ່າ 18 ປີ 31 ຄົນ, ຍັງ​ພັກ​ຢູ່​ສູນ​ເພື່ອ​ລໍຖ້າ​ການ​ສືບສວນ-ສອບ​ສວນ​ ຕາມ​ຂະ​ບວນ​ ການ​ຍຸຕິ​ທຳ ຢູ່​ປະເທດ​ໄທ ​ຈຳນວນ 110 ຄົນ, ສ່ວນ​ໃຫຍ່​ແມ່ນ​ຜູ້​ທີ່​ຕົກ​ເຂົ້າ​ສູ່​ຂະ​ບວນ​ການ​ຄ້າ​ປະເວນີ, ການ​ໃຊ້​ ແຮງ​ງານ​ແບບ​ບັງຄັບຢູ່​ໂຮງ​ຈັກ​ໂຮງງານ, ເປັນ​ແມ່ເຮືອນ, ຮ້ານ​ອາຫານ, ກະສິກຳ, ການ​ປະມົງ ແລະ ອື່ນໆ.

 

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ