ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ຮັກສາການ ລມຕ ເນັ້ນໃຫ້ຄະນະບໍລິຫານງານກຳມະບານ ປກສ
ຊຸດໃໝ່ເອົາໃຈໃສ່ສ້າງສະມາຊິກກຳມະບານໃຫ້ເຂັ້ມແຂງ

      ຄະນະບໍລິຫານງານສະຫະພັນກຳມະບານ ປກສ ໄດ້ຈັດກອງປະຊຸມໃຫຍ່ ຄັ້ງທີ I ເພື່ອສະຫຼຸບ ຕີລາຄາ ຄືນການນຳພາປະຕິບັດໜ້າທີ່ວຽກງານໃນໄລຍະຜ່ານມາ ແລະ ປ່ອນບັດຄັດເລືອກເອົາຄະນະບໍລິ ຫານງານ ຊຸດໃໝ່ ສ່ວນທ່ານລັດຖະມົນຕີວ່າການກະຊວງ ປກສ ກໍ່ໄດ້ເນັ້ນໃຫ້ຄະນະບໍລິຫານງານຊຸດໃໝ່ ເພີ້ມທະວີ ຄວາມເອົາໃຈໃສ່ໃນການປັບປຸງກໍ່ສ້າງສະມາຊິກກຳມະບານໃຫ້ເຂັ້ມແຂງ ເພື່ອຮັບປະກັນໃຫ້ແກ່ ການປະຕິບັດ ໜ້າທີ່ວິຊາສະເພາະໃຫ້ປະສົບຜົນສຳເງັດດີກວ່າເກົ່າ.

   ກອງປະຊຸມດັ່ງກ່າວໄດ້ຈັດຂື້ນໃນວັນທີ 23 ທັນວານີ້, ໂດຍການເປັນປະທານຂອງທ່ານ ພັທ ສົມພອນ ວົງສຸດທິດ ປະທານຄະນະບໍລິຫານງານສະຫະພັນກຳມະບານກະຊວງ ປກສ, ມີ ພົຈວ ສົມແກ້ວ ສີລາວົງ ຮັກສາການລັດຖະມົນຕີກະຊວງ ປກສ, ທ່ານ ຄຳຫຼ້າ ລໍລອນສີ ປະທານສູນກາງສະຫະພັນກຳມະບານລາວ ມີຫົວໜ້າກົມໃຫຍ່ການເມືອງ, ພະນັກງານຫຼັກແຫຼ່ງ-ນັກຮົບ ພ້ອມດ້ວຍສະມາຊິກກຳມະບານເຂົ້າຮ່ວມ.

   ທ່ານ ພັທ ສົມພອນ ວົງສຸດທິ ກ່າວວ່າ: ໃນໄລຍະຜ່ານມາ, ຄະນະບໍລິຫານງານສະຫະພັນກຳມະບານ ກໍ່ໄດ້ເອົາໃຈໃສ່ໃນການບຳລຸງກໍ່ສ້າງ ແລະ ຂະຫຍາຍການຈັດຕັ້ງສະມາຊິກກຳມະບານຕາມທິດນຳຂອງ ກະຊວງ ແລະສູນກາງສະຫະພັນກຳມະບານລາວໂດຍຕິດພັນກັບວຽກງານສຶກສາອົບຮົມ ການເມືອງ-ແນວຄິດ ເປັນກົກໄປຄຽງຄູ່ກັບການປະຕິບັດວຽກງານວິຊາສະເພາະ ກໍ່ໄດ້ນຳພາສະມາຊິກກຳມະບານ ເອົາໃຈໃສ່ ຢ່າງຕັ້ງໜ້າ ເຊິ່ງສະແດງອອກໃນສະມາຊິກກຳມະບານຮາກຖານ ກົມໃຫຍ່ພາລາທິການ ແມ່ນໄດ້ ປະກອບ ສ່ວນເອົາໃຈໃສປະຕິບັດວຽກງານຄຸ້ມຄອງລາຍຮັບ-ລາຍຈ່າຍ, ວຽກງານບໍລິໂພກ-ອຸປະໂພກ ແລະ ວຽກ ງານອື່ນໆໄດ້ເປັນຢ່າງດີສະແດງອອກໃນໄລຍະຜ່ານມາສາມາດສ້າງລາຍຮັບໄດ 1.141.075.586.607 ກີບ ມອບເຂົ້າງົບປະມານຂອງລັດ 67.079.760.622 ກີບ, ມອບເຂົ້າຄັງລວມຂອງກະຊວງໄດ້ 12.329.312.447 ກີບ  ພ້ອມກັນນັ້ນ ກໍ່ໄດ້ເອົາໃຈໃສ່ຕິດຕາມ ການກໍ່ສ້າງພື້ນຖານໂຄງລ່າງ ຂອງກະຊວງ ຢູ່ບັນດາກົມກອງ ອ້ອມຂ້າງ ກະຊວງ ແລະ ປກສ ແຂວງ ໃນທົ່ວປະເທດ ໃນ 5 ປີຜ່ານມາ ມີຈຳນວນ 107 ໂຄງການມູນຄ່າ 2.350 ຕື້ກວ່າກີບ ເຮັດໃຫ້ພື້ນຖານໂຄງລ່າງໄດ້ຮັບການພັດທະນາດີຂື້ນ, ການປະກອບວັດຖຸອຸປະກອນ ພະຫະນະຮັບໃຊ້ໃຫ້ແກ່ກົມກອງມີຄວາມທັນສະໄໝ ແລະ ດີຂື້ນກວ່າເກົ່າສາມາດຕອບສະໜອງ ໄດ້ຕາມ ຄວາມຮຽກຮ້ອງຕ້ອງການຂອງໜ້າທີ່ ວຽກງານຂອງກຳລັງປ້ອງກັນຄວາມສະຫງົບ ໃນໄລຍະໃໝ່ໃຫ້ດີຂື້ນ ເທື່ອລະກ້າວ.

   ໃນກອງປະຊຸມແມ່ນໄດ້ປ່ອນບັດຄັດເລືອກເອົາ ຄະນະສະຫະພັນກຳມະບານຊຸດໃໝ່ ໂດຍມີຜູ້ລົງສະໝັກ ເລືອກຕັ້ງທັງໝົດແມ່ນ 9 ສະຫຍາຍ ໂດຍເລືອກເອົາທ່ານ ຫັທ ສົມພອນ ວົງສຸດທິ ເປັນປະທານ, ທ່ານ ພັທ ອໍລະດີ ນິລະສານ ເປັນຮອງ, ທ່ານ ພັທ ພົມມາ ທອງດາວັນ ເປັນປະທານກວດກາ, ທ່ານ ພັທ ຄຳເຟື່ອນ ພົມມະຈັກ, ທ່ານ ພັທ ບຸນເຖິງ ພົມມະວິສອນ, ພັທ ສຸລິມົນ ບຸນຈະເລີນ ແລະ ທ່ານ ພັທ ຟອງສະລັດ ຈັນທະວົງ ເປັນຄະນະ.

    ພົຈວ ສົມແກ້ວ ສີລາວົງ ກ່າວວ່າ: ຄະນະບໍລິຫານງານກຳມະບານຊຸດໃໝ່ຕ້ອງເອົາໃຈໃສ່ ເພີ້ມທະວີ ວຽກງານສືກສາອົບຮົມການເມືອງ-ແນວຄິດ ເຮັດໃຫ້ພະນັກງານ-ນັກຮົບ, ສະມາຊິກກຳມະບານມີຄຸນທາດ ການເມືອງໜັກແໜ້ນ, ມີຄວາມຕື່ນຕົວທາງດ້ານການເມືອງ, ມີນ້ຳໃຈຮັກຊາດ, ຮັກລະບອບໃໝ່ອົດທົນຜ່ານ ຜ່າຕໍ່ຂໍ້ຫຍຸ້ງຍາກຕ່າງໆ ມີນ້ຳໃຈເພິ່ງຕົນເອງ, ກຸ້ມຕົນເອງຢ່າງແທ້ຈິງ, ໄປຄຽງຄູ່ກັບການປັບປຸງກໍ່ສ້າງ ສະມາຊິກ ກຳມະບານໃຫ້ມີຄວາມເຂັ້ມແຂງໃນທຸກດ້ານ ເຊິ່ງໃນນັ້ນແມ່ນດ້ານຄຸນນະພາບ ທາງດ້ານການ ເມືອງ-ແນວຄິດເປັນກົກ, ມີຄວາມສາມາດທາງດ້ານວຽກງານວິຊາສະເພາະ, ມີຫົວຄິດປະດິດສ້າງທີ່ສຳຄັນ ເພື່ອຮັບປະກັນໃຫ້ແກ່ການປະຕິບັດວຽກງານວິຊາສະເພາະໃຫ້ມີຜົນສຳເລັດ, ເອົາໃຈໃສ່ປັບປຸງແບບແຜນວິທີ ເຮັດວຽກຂອງຄະນະກຳມະບານ ແຕ່ລະຂັ້ນສູ່ລະບຽບຫຼັກການເທື່ອລະກ້າວ ຮັບປະກັນໃຫ້ບຸກຄົນຕ້ອງປະຕິບັດ ຕາມການຈັດຕັ້ງ ແລະ ມະຕິຕົກລົງຢ່າງເຂັ້ມງວດ ພ້ອມກັນນັ້ນ, ກໍ່ຕ້ອງໄດ້ເອົາໃຈໃສ່ວຽກງານປ້ອງກັນ ສະມາຊິກກຳມະບານໃຫ້ດີ, ບໍ່ໃຫ້ຕົກລົງເຂົ້າອຸບາຍຂອງສັດຕູແກ່ດຶງສວຍໃຊ້.

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ