Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຫົວໜ້າກົມ 509 ຊີ້ນຳວຽກງານກໍ່ສ້າງຮາກຖານຢູ່ແຂວງບໍ່ແກ້ວ

   ພົຈວ ຄຳສາຍ ຈັນທະວົງ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ (ກົມ 509) ກະຊວງ ປກສ ພ້ອມຄະນະໄດ້ລົງເຄື່ອນໄຫວຊີ້ນໍາວຽກງານກໍ່ສ້າງຮາກຖານການເມືອງ ຢູ່ແຂວງ ບໍ່ແກ້ວ ໃນວັນທີ 18 ກັນຍາ 2018, ມີຄະນະກອງບັນຊາການ ປກສ ແຂວງບໍ່ແກ້ວ, ຄະນະກອງບັນຊາການ ປກສ ເມືອງ ແລະ ພະນັກງານ - ນັກຮົບທົ່ວ ກອງບັນຊາການ ປກສ ແຂວງ ເຂົ້າຮ່ວມ.

   ພົຈວ ຄຳສາຍ ຈັນທະວົງ ໄດ້ເນັ້ນໜັກໃຫ້ຄະນະພັກ - ຄະນະບັນຊາແຕ່ລະຂັ້ນເອົາໃຈໃສ່ສຶກສາອົບຮົມການເມືອງ, ນຳ ພາແນວຄິດໃຫ້ພະນັກງານ - ນັກຮົບ ໃຫ້ມີແນວຄິດອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກມີຄວາມໜັກ ແໜ້ນທາງດ້ານການເມືອງ - ນວຄິດ ແລະ ເຂັ້ມແຂງທາງດ້າການຈັດຕັ້ງປະຕິບັດວຽກງານ ປ້ອງກັນຄວາມສະຫງົບ, ກຳໃຫ້ ໄດ້ລະບຽບ, ກົດໝາຍ ແລະ ຂໍ້ກຳນົດຕ່າງໆ ເພື່ອເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະ; ເອົາ ໃຈໃສ່ສະກັດກັ້ນບັນຫາປະກົດການຫຍໍ້ທໍ້ຕ່າງໆ ເປັນຕົ້ນແມ່ນບັນຫາຢາເສບຕິດ, ເກັບກຳການເໜັງຕີງຂອງພົນລະ ເມືອງ, ການຈັດສັນຄວາມເປັນລະບຽບຮຽບຮ້ອຍໃນສັງຄົມເພື່ອເຮັດໃຫ້ ແຂວງ ບໍ່ແກ້ວ ມີຄວາມເປັນລະບຽບຮຽບ ຮ້ອຍຂຶ້ນກ່ວາເກົ່າ.

       ໃນໂອກາດດຽວກັນ, ພັທ ໄກຍະສອນ ສິງວິໄຊ ຮອງກອງບັນຊາການ ປກສ ແຂວງ ບໍ່ແກ້ວ ໄດ້ລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດວຽກງານ ຂອງກຳລັງ ປກສ ທົ່ວແຂວງ ບໍ່ແກ້ວ ວ່າ: ທົ່ວແຂວງ ບໍ່ແກ້ວ ມີພົນລະເມືອງ ທັງ ໝົດ 182.623 ຄົນ ຍິ 99.668 ຄົນ ປະກອບມີ 15 ຊົນເຜົ່າ; ໃນໄລຍະຜ່ານມາ ຄະນະພັກ - ຄະນະບັນຊາທຸກ ຂັ້ນແມ່ນເອົາໃຈໃສ່ສຶກສາອົບຮົມການເມືອງ, ນຳພາແນວຄິດໃຫ້ພະນັກງານ - ນັກຮົບ ແລະ ປະຊາຊົນຢ່າງເປັປົກກະຕິ ແລະ ປະຕິບັດວຽກ ງານຕາມ 4 ເນື້ອໃນ 4 ຄາດໝາຍ ແລະ ຕິດພັນກັບວຽກງານ 3 ສ້າງ ໂດຍຫັນເອົາກຳລັງລົງກໍ່ ສ້າງຮາກຖານການເມືອງ ຕາມຂະບວນການຂອງ ກະຊວງ, ແຂວງ ແລະ ຕາມສາຍວິຊາສະເພາະ ເພື່ອແກ້ໄຂຄວາມບໍ່ສະ ຫງົບຢູ່ຮາກຖານ, ໄດ້ກໍານົດໂຄງການແຜນການອັນລະອຽດ ເປັນບ່ອນອີງໃຫ້ແກ່ພະນັກງານ ແລະ ອຳນາດການປົກຄອງ ທ້ອງຖິ່ນ ໃຫ້ມີຄວາມສະດວກໃນການຈັດຕັ້ງປະຕິບັດວຽກງານກໍ່ສ້າງຮາກຖານ ໄດ້ຮັບຜົນສຳເລັດຫຼາຍດ້ານເປັນຕົ້ນ ແມ່ນ ການສົ່ງເສີມທຳການຜະລິດເປັນສິນຄ້າ ໄດ້ເອົາໃຈໃສ່ລົງເລິກ ຫັນເອົາລະບຽບກົດໝາຍ ລົງເຜີຍແຜ່ໃຫ້ປະຊາຊົນ ຮັບຮູ້ເຊື່ອມຊຶມ ແລະ ເປັນເຈົ້າການປະກອບສ່ວນປົກປັກຮັກສາ ພັດທະນາແກ້ໄຂຊີວິດການເປັນຢູ່ຂອງຕົນໃຫ້ດີຂຶ້ນ. ແຕ່ກໍປາສະຈາກບໍ່ໄດ້ຂໍ້ຫຍຸ້ງຍາກ ໃນການປະຕິບັດໜ້າທີ່ວຽກງານເນື່ອງຈາກປະຊາຊົນຈຳນວນໜຶ່ງ ຍັງມີການຝ່າຝືນບໍ່ ເຄົາລົບລະບຽບກົດໝາຍ, ມີບັນຫາປະກົດການຫຍໍ້ທໍ້ເກີດຂຶ້ນເຊັ່ນ: ການເຂົ້າ - ອອກເມືອງ, ການຍົກຍ້າຍຖິ່ນຖານແບບບໍ່ຖືກ ຕ້ອງ, ການຕັ້ງຖິ່ນຖານຢູ່ແບບກະແຈກກະຈາຍ ເຮັດໃຫ້ຍາກຕໍ່ການຕິດຕາມເກັບກຳສະຖິຕິ. ນອກນີ້, ຍັງມີປະຊາຊົນຈຳ ນວນໜຶ່ງຍັງບໍ່ທັນເຂົ້າໃຈຕໍ່ແນວທາງຂອງພັກ - ລັດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ