ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ປິດລ້ອມເຮືອນພັກກັກເປົ້າໝາຍຄ້າຢາບ້າສອງຄົນ

ເມື່ອ​ທ້າຍ​ອາທິດ​ຜ່ານ​ມາ ເຈົ້າ​ໜ້າທີ່​ສະກັດ​ກັ້ນ ແລະ ຕ້ານ​ຢາ​ເສບ​ຕິດ ​ປກສ ແຂວງ​ຫຼວງ​ພະ​ບາງ ໄດ້​ນຳ​ ກຳລັງ​ເຂົ້າ​ປິດ​ລ້ອມເປົ້າ​ໝາຍ​ຄ້າ​ຢາ​ບ້າ ທີ່​ພັກ​ເຊົາ​ຢູ່​ເຮືອນ​ພັກ​ແຫ່ງ​ໜຶ່ງ​ຢູ່​ບ້ານ​ນ້ຳ​ຖ້ວມ ເມືອງ​ນ້ຳ​ບາກ ແຂວງ​ ຫຼວງ​ພະ​ບາງ ກວດ​ພົບ​ເຫັນ​ຢາ​ບ້າ 4 ມັດ ເທົ່າ​ກັບ 8.000 ເມັດ ພ້ອມ​ທັງ​ກັກ​ຕົວ​ທ້າວ ວ່າ​ເນັ່ງ​ທໍ່ ອາຍຸ 30 ປີ ປະຊາຊົນ​ຢູ່​ບ້ານ​ຫ້ວຍ​ເວີ ເມືອງ​ນ້ຳ​ບາກ ແລະ ທ້າວ ຈະ​ປໍ​ຮາ ອາຍຸ 35 ປີ ປະຊາຊົນ​ຢູ່​ບ້ານ​ຫຼັກ 18 ເມືອງ​ ຫຼວງ​ນ້ຳ​ທາ ແຂວງ​ຫຼວງ​ນ້ຳ​ທາ ມາ​ສອບ​ສວນ​ເພື່ອ​ດຳເນີນ​ຄະດີ​ຕາມ​ກົດໝາຍ.

ຕາມ​ແຫຼ່ງ​ຂ່າວ​ໜັງສືພິມ​ຄວາມ​ສະຫງົບ​ໃຫ້​ຮູ້​ວ່າ: ຜ່ານ​ການ​ສືບສວນ-ສອບ​ສວນ​ຂອງ​ເຈົ້າ​ໜ້າທີ່ ພວກ​ກ່ຽວ​ໄດ້ ​ຮັບ​ສາລະ​ພາບ​ວ່າ: ຜ່ານ​ມາ​ໄດ້​ຊື້-ຂາຍ​ຢາ​ບ້າ​ນຳ​ກັນ​ຫຼາຍ​ຄັ້ງ​ແລ້ວ ເຊິ່ງຄັ້ງ​ນີ້​ແມ່ນ​ໄດ້​ຮັບ​ຢາ​ບ້າ​ມາ​ແຕ່​ແຂວງ ​ບໍ່​ແກ້ວ ໂດຍ​ຊື້​ນຳ​ຄົນມຽນ​ມາ ທີ່​ຮູ້ຈັກ​ກັນ​ຢູ່​ບ່ອນ​ຫຼິ້ນ​ການ​ພະນັນ ໃນ​ວັນ​ທີ 9 ຕຸລາ 2014 ທ້າວ ວ່າ​ເນັ່ງ​ທໍ່ ໄດ້​ຂີ່​ລົດຈັກ​ເວບ​ສີແດງ ບໍ່​ໃສ່​ປ້າຍ​ທະບຽນ ​ໄປ​ເອົາ​ຢາ​ບ້າ​ນຳ​ຄົນ​ມຽນມາ ຈຳນວນ 4 ມັດ ເທົ່າ​ກັບ 8.000 ເມັດ ແລ້ວ​ໂທລະສັບ​ຫາ​ທ້າວ ຈະ​ປໍ​ຮາ ໂດຍ​ນັດ​ກັນ​ຢູ່​ຄິວ​ລົດ​ຫຼວງ​ນ້ຳ​ທາ ເພື່ອ​ໄປ​ຈຳໜ່າຍ​ຢາ​ບ້າ​ຢູ່​ແຂວງ​ ຫຼວງ​ພະ​ບາງ ພໍ​ມາ​ຮອດ​ບ້ານ​ນ້ຳ​ຖ້ວມ ເມືອງ​ນ້ຳ​ບາກ ກໍ່​ໄດ້​ພາກັນ​ພັກ​ເຊົາ​ຢູ່​ເຮືອນ​ພັກ​ແຫ່ງ​ໜຶ່ງ ຮອດ​ເວລາ​ ປະມານ 6 ໂມງ​ຂອງ​ວັນ​ທີ 10 ຕຸລາ 2014 ທ້າວ ວ່າ​ເນັ່ງ​ທໍ່ ໄດ້​ເອົາ​ຢາ​ບ້າ​ໄປ​ຊຸກເຊື່ອງ​ໄວ້​ຢູ່​ປ່າ​ຫຍ້າ.

ຈາກ​ນັ້ນ ເວລາ​ຕໍ່​ມາ​ມີ​ຊາຍ​ຄົນ​ໜຶ່ງ​ບໍ່​ຮູ້​ຊື່ ​ຂີ່​ລົດ​ມາ​ຫາ​ທ້າວ ຈະ​ປໍ​ຮາ ເພື່ອ​ໄປ​ເບິ່ງ​ເງິນ ຫຼັງ​ຈາກ​ເຫັນ​ເງິນ​ແລ້ວ ມາ​ຮອດ​ວັນ​ທີ 11 ຕຸລາ 2014 ທ້າວ ຈະ​ປໍ​ຮາ ໄດ້​ໂທລະສັບ​ຫາ​ຊາຍ​ທີ່​ບໍ່​ຮູ້​ຊື່​ຄົນ​ນັ້ນ ເພື່ອ​ທຳ​ການ​ຊື້​ຂາຍ ໂດຍ​ພວກ​ກ່ຽວ​ເອົາ​ມາ​ຈຳໜ່າຍ​ໃນ​ລາຄາ​ມັດ​ລະ 73.000 ບາດ (ສະກຸນ​ເງິນ​ໄທ) ຈາກ​ນັ້ນ ທ້າວ ວ່າ​ເນັ່ງ​ທໍ່ ກໍ່​ໄດ້​ໄປ​ເອົາ​ຢາ​ບ້າ​ທີ່​ຊຸກເຊື່ອງ​ໄວ້​ນັ້ນ​ມາ​ເຮືອນ​ພັກ ແລະ ໃນ​ຂະນະ​ດຽວ​ກັນ ເຈົ້າ​ໜ້າທີ່​ກໍ່​ໄດ້​ເຂົ້າ​ຈັບ​ກຸມ ພ້ອມ​ຢຶດ​ຂອງ​ກາງ​ຢາ​ບ້າ​ຈຳນວນ 4 ມັດ ເທົ່າ​ກັບ 8.000 ເມັດ ໂທລະສັບ​ມື​ຖື 3 ໜ່ວຍ ລົດຈັກ 1 ຄັນ ແລະ ເງິນ​ບາດ 1.000 ບາດ ແຕ່​ໃນ​ຂະນະ​ທີ່​ເຈົ້າ​ໜ້າທີ່​ພວມ​ຈັບ​ກຸມ​ນັ້ນ ທ້າວ ຈະ​ປໍ​ຮາ ພະຍາຍາມ​ເອົາ​ຕົວ​ຫຼົບໜີ ຈິ່ງ​ກະໂດດ​ລົງ​ຕະ​ຝັ່ງ​ສູງ 4 ແມັດ ເຮັດ​ໃຫ້​ແອວ​ຫຼຸດ ແລະ ໄດ້​ຮັບ​ບາດເຈັບ​ສົມຄວນ.

ປັດຈຸບັນ ຄະດີ​ຄ້າຂາຍ​ຢາ​ເສບ​ຕິດ​ລາຍ​ນີ້ ເຈົ້າ​ໜ້າທີ່ ​ປກສ ແຂວງ​ຫຼວງ​ພະ​ບາງ ພວມ​ເລັ່ງສອບ​ສວນ​ຂະຫຍາຍ​ ຜົນ ​ທີ່​ໄປ​ທີ່​ມາ​ຂອງ​ຢາ​ເສບ​ຕິດ​ຈຳນວນ​ດັ່ງກ່າວ ເພື່ອ​ເປີດ​ກວ້າງ​ຄະດີ ແລະ ປະກອບ​ສຳນວນ​ຄະດີ ເພື່ອ​ສັ່ງ ​ຟ້ອງ​ສານ​ຕັດສິນ​ຕາມ​ກົດໝາຍ​ຕໍ່​ໄປ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ