Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

  ຮອງລັດຖະມົນຕີກະຊວງ ປສກ ໃຫ້ທິດຊີ້ນໍານັກສຶກສາ ວປສ ແຫ່ງຊາດທັງ 3 ຮຸ່ນ

ພົຕ ປອ ສົມຫວັງ ທໍາມະສິດ ຮອງລັດຖະມົນຕີກະຊວງ ປກສ ໄດ້ໃຫ້ທິດຊີ້ນໍາຕໍ່ນັກສຶກສາ ວິທະຍາຄານປ້ອງກັນ ຄວາມສະຫງົບ (ວປສ) ແຫ່ງຊາດກະຊວງ ປກສ ທັງ 3 ຮຸ່ນ ຕ້ອງຕັດສິນໃຈຫັນເຂົ້າສູ່ການປະຕິບັດຂໍ້ກໍານົດກົດລະບຽບ ຂອງ ວປສ ແຫ່ງຊາດວາງອອກຢ່າງເຂັ້ມງວດ, ຕ້ອງຕັ້ງໃຈຄົ້ນຄວ້າຮໍ່າຮຽນ, ຝຶກຝົນຫຼ່ໍຫຼອມຕົນເອງ ເພື່ອເຮັດໃຫ້ການສຶກ ສາຮໍ່າຮຽນຄັ້ງນີ້ ເປັນການຍົກລະດັບ ຄວາມຮູ້ - ຄວາມສາມາດຂອງພະນັກງານ - ນັກຮົບໃຫ້ສູງຂຶ້ນ.

ໃນໂອກາດທີ່ ທ່ານຮອງລັດ ຖະມົນຕີກະຊວງ ປກສ ເຂົ້າຮ່ວມ ພິທີເປີດຊຸດຮຽນ ໃຫ້ນັກສຶກສາ ປະລິນຍາໂທ ຮຸ່ນ ທີ 10, ປະລິນຍາຕີລະບົບກໍ່ສ້າງ ຮຸ່ນທີ 23/4 ແລະ ນັກສຶກສາລະບົບຕໍ່ເນື່ອງປະລິນຍາຕີ ຮຸ່ນທີ 16/2 ຂອງ ວປສ ແຫ່ງ ຊາດ ໃນວັນທີ 28 ກັນຍາ 2018, ໂດຍມີຄະນະພັກ - ຄະນະອໍານວຍການ, ແຂກຮັບເຊີນ ແລະ ນັກສຶກສາເຂົ້າຮ່ວມ. ທ່ານໄດ້ໃຫ້ທິດຊີ້ນໍາວ່າ: ນັກສຶກສາທັງ 3 ຮຸ່ນ ຕ້ອງຖືເອົາການໄຂສົກຮຽນໃໝ່ນີ້ເປັນການຕີລາຄາຕົນເອງ ພ້ອມທັງທຸ້ມ ເທເຫື່ອແຮງ, ສະຕິປັນຍາເຂົ້າໃນການຄົ້ນຄວ້າຮໍ່າຮຽນ ໃຫ້ສົມກັບການຈັດຕັ້ງ, ຄອບຄົວ ແລະ ຍາດພີ່ນ້ອງລໍຖ້າຢູ່ ເບື້ອງຫຼັງ; ຢາກເຮັດໄດ້ແນວນັ້ນຕ້ອງດຸໝັ່ນ ໃນການຊອກຮູ້ຮໍ່າຮຽນ, ໝັ່ນຖາມ - ຕອບ ແລະ ເຂົ້າຮ່ວມຂະບວນ ການຕ່າງໆ ເຊິ່ງເປັນໜ້າທີ່ການເມືອງຂອງນັກສຶກສາ ແລະ ພ້ອມກັນເປັນເຈົ້າການເອົາໃຈໃສ່ ປະຕິບັດໂມງເວລາເຂົ້າຫ້ອງຮໍ່າຮຽນ ຕາມຕາຕະລາງຢ່າງເຂັ້ມງວດ, ຕັ້ງໃຈຮັບຟັງການເຜີຍແຜ່ຂອງຄ - ອາຈານ ເພື່ອເຮັດໃຫ້ການສຶກສາຮໍ່າຮຽນຄັ້ງນີ້ ເປັນ ການຍົກລະດັບຄວາມຮູ້ - ຄວາມສາມາດຂອງພະນັກງານ - ນັກຮົບໃຫ້ສູງຂຶ້ນ; ຕໍ່ຄະນະພັກ - ຄະນະອໍານວຍການ, ພະນັກ ງານຄູ - ອາຈານ ຕ້ອງເຮັດທຸກສິ່ງທຸກຢ່າງເພື່ອປັບປຸງ, ພັດທະນາຄຸນນະພາບການຮຽນ - ການສອນ ໃຫ້ຮັບປະກັນການ ບໍາລຸງ - ກໍ່ສ້າງຖັນແຖວກໍາລັງປ້ອງກັນຄວາມສະຫງົບ ໃຫ້ໄດ້ທັງປະລິມານ ແລະ ຄຸນນະພາບ ຕາມມາດຕະຖານການ ສຶກສາທີ່ກະຊວງສຶກສາທິການ ແລະ ກິລາວາງອອກ.

ສໍາລັບການເປີດຊຸດຮຽນຄັ້ງນີ້ລະບົບປະລິນຍາໂທ ຮຸ່ນທີ 10 ມີນັກສຶກສາທັງໝົດ 39 ສະຫາຍ, ກໍານົດເວລາສຶກ ສາຮໍ່າຮຽນ 2 ປີ, ປະກອບມີ 4 ພາກ ແລະ ມີ 59 ໜ່ວຍກິດ; ລະບົບກໍ່ສ້າງ ປະລິນຍາຕີ ຮຸ່ນທີ 23/4 ມີຈໍານວນ 185 ສະຫາຍ ຍິງ 24 ສະ ຫາຍ, ກໍານົດເວລາສຶກສາຮໍ່າຮຽນ 4 ປີ, ປະກອບມີ 8 ພາກຮຽນ, 4 ໝວດ ແລະ 201 ໜ່ວຍ ກິດ; ລະບົບຕໍ່ເນື່ອງ ປະລິຍາຕີ ຮຸ່ນທີ 16/2 ມີຈໍານວນ 155 ສະຫາຍ ຍິງ 11 ສະຫາຍ, ກໍານົດເວລາ ຮຽນ 2 ປີ, ມີ 4 ພາກຮຽນ, 4 ໝວດ ແລະ 121 ໜ່ວຍກິດ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ