ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
     
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 

ສຳເລັດໂຄງການກໍ່ສ້າງ ກອງບັນຊາການ ປກສ ເມືອງຫົງສາ

ໂຄງການກໍ່ສ້າງຫ້ອງການກອງບັນຊາການປກສເມືອງຫົງສາແຂວງໄຊຍະບູລີ, ໂດຍບໍລິສັດເຄພີເຄກຼຸບ ຈຳກັດຜູ້ດຽວເປັນຜູ້ຮັບເໝົາກໍ່ສ້າງສຳເລັດ 100%; ພ້ອມທັງຈັດພິທີມອບ- ຮັບຢ່າງເປັນທາງການໃນວັນທີ 8 ພຶດສະພາ 2015, ໂດຍການເຂົ້າຮ່ວມຂອງພັອຄຳເກື່ອງຜິວວັນນາຫົວໜ້າກອງບັນຊາການ ປກສ ແຂວງ ໄຊຍະບູລີ, ທ່ານເພັດພິໄຊສູນວິໄລເຈົ້າເມືອງຫົງສາ, ມີອໍານວຍການບໍລິສັດຜູ້ຮັບເໝົາ, ແຂກຖືກເຊີນ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມ.

ທ່ານມົນປະເສີດຄໍາອອ່ນອໍານວຍການບໍລິສັດເຄພີເຄກຼຸບຈຳກັດຜູ້ດຽວໄດ້ລາຍງານຜົນສໍາເລັດໂຄງການ ກໍ່ສ້າງກອງ ບັນການປກສເມືອງຫົງສາໄດ້ເລີ່ມລົງມືກໍ່ສ້າງແຕ່ທ້າຍເດືອນມັງກອນປີ 2014 ເປັນຕົ້ນມາ ແລະສຳເລັດໃນຕົ້ນເດືອນພຶດສະພາ 2015;ເຊິ່ງໃຊ້ເວລາໃນການກໍ່ສ້າງ 1 ປີ 4ເດືອນ, ຖ້າທຽບ ໃສ່ສັນຍາ ແມ່ນສຳເລັດກ່ອນເວລາທີ່ກຳນົດໄວ້. ໂຄງການດັ່ງກ່າວ, ເປັນອາຄານ 2 ຊັ້ນ, ມີຂະໜາດກວ້າງ 10 ແມັດ, ຍາວ 32 ແມັດ, ມີຫ້ອງເຮັດວຽກ 17 ຫ້ອງ, ຫ້ອງປະຊຸມ 1 ຫ້ອງ ແລະຫ້ອງນໍ້າ 4 ຫ້ອງ, ໂຄງສ້າງ ເບຕົງເສີມເຫຼັກ, ມຸງດ້ວຍກະເບື້ອງ, ກໍ່ດ້ວຍດິນຈີ່, ຕິດຕັ້ງລະບົບໄຟຟ້າແລະນໍ້າປະປາຄົບຊຸດ; ໂດຍແມ່ນງົບ ປະມານຂອງລັດຖະບານ 100% ໃນມູນຄ່າການກໍ່ສ້າງທັງໝົດ 3.112.000.000 ກີບ.

ທ່ານເພັດພິໄຊສູນວິໄລເຈົ້າເມືອງຫົງສາຕາງໜ້າຄະນະພັກອໍານາດການປົກຄອງເມືອງ; ເຊິ່ງໄດ້ສະແດງ ຄວາມຮູ້ບຸນຄຸນແລະຂອບໃຈຢ່າງສູງຕໍ່ການນຳຂອງແຂວງທີ່ໃຫ້ຄວາມສຳຄັນແລະ ລົງໃກ້ສິດຕິດແທດ ອຳ ນາດການປົກຄອງເມືອງຕະຫຼອດມາ; ພ້ອມທັງສະແດງຄວາມຍ້ອງຍໍຊົມເຊີຍແລະມອບໃບຍ້ອງຍໍ ໃຫ້ ບໍລິສັດ ຜູ້ຮັບເໝົາທີ່ໄດ້ສຸມແຫຼ່ງທຶນ ຂອງຕົນເຂົ້າໃສ່ໂຄງການ ດັ່ງກ່າວສໍາເລັດກ່ອນເວລາທີ່ກຳນົດໄວ້ໃນສັນຍາ. ຈາກນັ້ນ, ກໍໄດ້ຮ່ວມກັນຕັດແຖບຜ້າເພື່ອເປີດການນໍາໃຊ້ຢ່າງເປັນທາງການ.

ກອນໜ້ານີ້, ວັນທີ 7 ພຶດສະພາ 2015, ກອງພັນ 513 ປກສແຂວງໄຊຍະບູລີໄດ້ສະຫຼຸບຜົນງານ ການ ເຄື່ອນໄຫວວຽກງານປ້ອງກັນຄວາມສະຫງົບປະຈໍາເດືອນເມສາ 2015, ໂດຍການເປັນປະທານ ຂອງ ພັທ ບຸນກ້ວາງ ມົນນາລີ ຫົວໜ້າກອງພັນ 513 ປກສ ແຂວງໄຊຍະບູລີ, ໂດຍການເປັນກຽດເຂົ້າຮ່ວມຂອງ ພັທ ບຸນໂທ ພອນມະນີ ຮອງຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາ ພ້ອມດ້ວຍ ພະນັກງານ-ນັກຮົບເຂົ້າຮ່ວມ.

 

 

 

 

 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ