Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປກສ ເມືອງຫາດຊາຍຟອງ ສະຫຼຸບການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ

ວັນທີ 20 ເມສາ 2018, ກອງບັນຊາການ ປກສ ເມືອງຫາດຊາຍຟອງຈັດກອງປະຊຸມສະຫຼຸບວຽກງານກໍ່ສ້າງ ຮາກຖານການເມືອງ ຕິດພັນກັບການແກ້ໄຂຈັດສັນລະບຽບສັງຄົມ; ໂດຍມີ ພົຈວ ຄຳສາຍ ຈັນທະວົງ ຫົວໜ້າກົມຄຸ້ມ ຄອງສຳມະໂນຄົວ ແລະ ກໍ່ສ້າງຮາກຖານຄະນະຊີ້ນຳວຽກງານ ກໍ່ສ້າງຮາກຖານການເມືອງປະຈຳນະຄອນຫຼວງ ວຽງຈັນ ແລະ ທ່ານ ຄຳແກ່ງ ດວງພະຈັນ ເຈົ້າເມືອງຫາດຊາຍຟອງ, ມີບັນດາຫົວໜ້າກອງຮ້ອຍ, ຄະນະກອງຮ້ອຍ, ພະນັກງານ ກໍ່ສ້າງຮາກຖານ ແລະ ພະນັກງານຫຼັກແຫຼ່ງເຂົ້າຮ່ວມ.

ພັທ ສັງວານ ຂາວປະເສີດ ຫົວໜ້າກອງບັນຊາການ ປກສ ເມືອງຫາດຊາຍຟອງ ປະທານກອງປະຊຸມໄດ້ຂຶ້ນຜ່ານ ບົດສະຫຼຸບການຈັດຕັ້ງປະຕິບັດວຽກງານຜ່ານມາວ່າ: ໃນໄລຍະຜ່ານມາ, ຄະນະກອງບັນຊາການ ປກສ ເມືອງໄດ້ເອົາ ໃຈໃສ່ນຳເອົາບັນດາມະຕິ, ຄຳສັ່ງ, ນິຕິກຳຕ່າງໆ ຂອງຂັ້ນເທິງລົງໂຄສະນາເຜີຍແຜ່ໃຫ້ປະຊາຊົນ, ພ້ອມທັງສຶກສາອົບຮົມ ການເມືອງ-ແນວຄິດໃຫ້ແກ່ພະນັກງານ-ນັກຮົບ ເປັນປົກກະຕິກວດກາການເໜັງຕີງຂອງພົນລະເມືອງ ເກັບກຳຄົນພັກ ເຊົາຊົ່ວຄາວໄດ້ 1.384 ຄົນຍິງ 666 ຄົນແລະຄົນບໍ່ມີໜ້າຊົ່ວຄາວໄດ້ 66 ຄົນຍິງ 12 ຄົນ, ໄດ້ລົງກວດກາ, ເກັບກຳຄຸ້ມຄອງອາຊີບພາຫະນະພິເສດເຊັ່ນ: ເຮືອນພັກ, ໂຮງແຮມ, ຫ້າງຮ້ານຕ່າງໆ, ລົງແກ້ໄຂບັນດາປະກົດ ການຫຍໍ້ທໍ້ຕ່າງໆ ເປັນຕົ້ນແມ່ນການຄ້າຂາຍຢາເສບຕິດກັກຕົວຜູ້ຖືກຫາໄດ້ 6 ຄົນຍິງ 1 ຄົນພ້ອມຂອງກາງຢາບ້າໄດ້ 1.091 ເມັດ, ລັກຊັບພົນລະເມືອງໄດ້ 12 ຄົນ, ຊີງຊັບພົນລະເມືອງໄດ້ 1 ຄົນແລະຄະດີທຳຮ້າຍຮ່າງກາຍອີກ 2 ຄົນ; ພ້ອມນັ້ນ, ຍັງໄດ້ສຸມໃສ່ຈັດສັນຄວາມເປັນລະບຽບຮຽບຮ້ອຍຕາມເສັ້ນທາງຫຼວງ, ຈຸດພື້ນທີ່ສັບສົນແອອັດ, ລົງໂຄສະນາ ເຜີຍແຜ່ລະບຽບກົດໝາຍການສັນຈອນຕາມ 6 ວຽກຂອງຕຳຫຼວດຈະລາຈອນຢູ່ຕາມໂຮງຮຽນໄດ້ 5 ຄັ້ງ.

ໃນຕໍ່ໜ້າ, ຄະນະພັກ-ຄະນະບັນຊາຈະສືບຕໍ່ລົງເກັບກຳຂໍ້ມູນເຂົ້າຮ່າງສະຖິຕິທີ່ຍັງບໍ່ທັນສົມບູນ, ສືບຕໍ່ກວດກາຄັດ ຈ້ອນສັງລວມຈຳນວນພົນ ລະເມືອງທີ່ຍັງບໍ່ໄດ້ຂຶ້ນທະບຽນສຳມະໂນຄົວ, ກວດກາຂຶ້ນບັນຊີລະອຽດຄົນທີ່ມາພັກເຊົາຄາວ ໃນແຕ່ລະບ້ານ, ນຳພາການປ້ອງກັນເວນຍາມຢູ່ແຕ່ລະບ້ານ ແລະ ສຸມໃສ່ການເຄື່ອນໄຫວແກ້ໄຂບັນຫາປະກົດການຫຍໍ້ ທໍ້ໃນສັງຄົມ.

   ໃນພິທີ, ພົຈວຄຳສາຍຈັນທະວົງໄດ້ເນັ້ນໃຫ້ຄະນະພັກ-ຄະນະບັນຊາປກສເມືອງຫາດຊາຍ ຟອງຈົ່ງສືບຕໍ່ສຶກສາອົບ ຮົມການເມືອງ-ແນວຄິດໃຫ້ພະນັກງານ-ນັກຮົບມີຄວາມໜັກແໜ້ນກວ່າເກົ່າ ໂດຍຕິດພັນກັບການແກ້ໄຂ ປະກົດການ ຫຍໍ້ທໍ້ ເປັນຕົ້ນແມ່ນຕິດຕາມກຳແໜ້ນບັນດາເປົ້າໝາຍ ເຄື່ອນໄຫວທີ່ບໍ່ຖືກຕ້ອງຕາມລະບຽບກົດໝາຍພ້ອມທັງປຶກ ສາຫາລືແກ້ໄຂປະກົດການຫຍໍ້ທໍ້ໃຫ້ທັນເວລາ, ສືບຕໍ່ເອົາໃຈໃສ່ຫັນລົງກໍ່ສ້າງຖານການເມືອງຕິດພັນກັບວຽກງານສາມ ສ້າງ, ປຸກລະດົມຂົນຂວາຍປະຊາຊົນເອົາໃຈໃສ່ແກ້ໄຂຊີວິດການເປັນຢູ່, ຮູ້ຈັກທຳມາຫາກິນທໍາການຜະລິດ, ປູກຝັງ-ລ້ຽງສັດ, ສ້າງເສດຖະກິດຄອບຄົວກຸ້ມຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ,ມີສະຕິໃນການໄປ-ມາ ເພື່ອປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ເປັນຫູເປັນຕາຊ່ວຍເຈົ້າໜ້າທີ່ໃນການ ຮັກສາຄວາມສະຫງົບ ຄວາມເປັນລະບຽບຮຽບຮ້ອຍພາຍໃນໃຫ້ດີຂຶ້ນ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ