ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 

Username 

Password 

LOG IN

 
 
 
 
ແຈ້ງເຫດ ສຸກເສີນ: 1191
 
 
 
 
 
 
 

 

ຂ່າວ: ໜັງສືພິມ (ປີທີ 16 ສະບັບທີ .....)

ປຶກສາຫາລືປັບປຸງຕຳລາສິດສອນວຽກງານຄຸມຂັງ-ດັດສ້າງ

ກົມຕໍາຫຼວດຄຸມຂັງ-ດັດສ້າງ ຈັດ ກອງປະຊຸມຄົ້ນຄວ້າປຶກສາຫາລືປັບປຸງ ຕໍາລາສິດສອນວຽກງານ ຄຸມຂັງ-ດັດສ້າງ  ລະບົບຊັ້ນຕົ້ນ ແລະ ບໍາລຸງໄລຍະສັ້ນ ເພື່ອເຮັດໃຫ້ຫຼັກສູດການຮຽນ-ການ ສອນວຽກ ງານຄຸມຂັງ-ດັດສ້າງໃຫ້ມີ ຄວາມ ເປັນເອກະພາບ ທັງເປັນການຜັນ ຂະຫຍາຍເນື້ອໃນຈິດໃຈທິດຊີ້ນໍາຂອງ ລັດຖະມົນຕີວ່າການກະຊວງ ປກສ ໄດ້ ເນັ້ນໃຫ້ກົມກອງຕ່າງໆເອົາໃຈໃສ່ຫັນ ເອົາ 13 ວຽກງານ ຍຸດທະສາດຂອງຕົນ ເຂົ້າເປັນຫຼັກສູດສອນຢູ່ໂຮງຮຽນວິຊາສະ ເພາະຕ່າງໆຢູ່ຂັ້ນປະລິນຍາຕີ, ຊັ້ນກາງ, ຊັ້ນຕົ້ນ ແລະ ບໍາລຸງໄລຍະສັ້ນໃຫ້ມີຄຸນ ນະພາບສູງຂຶ້ນ.

ກອງປະຊຸມປຶກສາຫາລືນີ້ຈັດຂຶ້ນໃນ ວັນທີ 10 ມິຖຸນາ 2014, ໃຫ້ກຽດເຂົ້າ ຮ່ວມໂດຍທ່ານ ພັອ ສະແຫວງ ພົມມະລີ ຫົວໜ້າກົມຕໍາຫຼວດຄຸມຂັງ-ດັດ ສ້າງ, ມີບັນດາຄະນະພັກ-ຄະນະ ບັນຊາ, ພະນັກ ງານວິຊາການ ພາຍ ໃນກົມຕໍາຫຼວດຄຸມຂັງດັດສ້າງ ແລະ ຄະນະຄູ-ອາຈານໃນຄະນະ ວິຊາຄຸມຂັງ-ດັດສ້າງ ວິທະຍາຄານ ຕໍາຫຼວດປະຊາຊົນ ເຂົ້າຮ່ວມຢ່າງ ພ້ອມພຽງ.

ກອງປະຊຸມ, ໄດ້ຄົ້ນຄວ້າ ແລະ ປຶກສາຫາລື 13 ຫົວບົດໃຫຍ່ເຊັ່ນ: ວຽກງານປ້ອງກັນຄ້າຍຄຸມຂັງ- ດັດ ສ້າງ, ວຽກງານກວດຄົ້ນແບບເປີດ ເຜີຍຢູ່ໃນຄ້າຍຄຸມຂັງ-ດັດສ້າງ, ວຽກງານຄຸ້ມຄອງ ແລະ ຈັດແບ່ງ ປະເພດນັກໂທດ-ຜູ້ຖືກດັດສ້າງ, ວຽກງານສຶກສາອົບຮົມນັກໂທດ- ຜູ້ຖືກດັດສ້າງ, ວຽກງານຊອກຄົ້ນ ຫາຂໍ້ມູນຈາກນັກໂທດ-ຜູ້ຖືກດັດ ສ້າງ, ວຽກງານໄລ່ຊອກຈັບຕົວນັກ ໂທດ-ຜູ້ຖືກດັດສ້າງທີ່ໂຕນໜີອອກ ຈາກຄ້າຍຄຸມຂັງ-ດັດສ້າງ ແລະ ອື່ນໆ. ນອກຈາກນີ້, ຍັງຈະໄດ້ປຶກ ສາຫາລືໃນການສ້າງໜ້າປົກຂອງ ຕໍາລາການສິດສອນ ແລະ ລະຫັດ ຂອງວິຊາຄຸມຂັງ-ດັດສ້າງ ເພື່ອໃຫ້ ມີຄວາມສະດວກໃນການນໍາໃຊ້ ເຂົ້າໃນການສິດສອນ.

ທ່ານ ພັອ ສະແຫວງ ພົມມະລີ ຫົວໜ້າກົມຕໍາຫຼວດຄຸມຂັງ-ດັດ ສ້າງ ກ່າວວ່າ: ການປຶກສາຫາລື ໃນຄັ້ງນີ້ ແມ່ນມີຄວາມສໍາຄັນຫຼາຍ ສໍາລັບວຽກງານຄຸມຂັງ-ດັດສ້າງ ຂອງພວກເຮົາ ເພື່ອເຮັດໃຫ້ນັກ ສຶກສາ ແລະ ພະນັກງານ ວິຊາການ ໄດ້ຮັບຮູ້ ແລະ ເຂົ້າໃຈຢ່າງຈະແຈ້ງ ວຽກກັບວຽກງານຄຸມຂັງ-ດັດສ້າງ ເນື່ອງຈາກວ່າວຽກງານຄຸມຂັງ- ດັດສ້າງ ແມ່ນວຽກງານໜຶ່ງທີ່ມີ ຄວາມສໍາຄັນທີ່ສຸດຂອງກໍາລັງ ປ້ອງກັນຄວາມສະຫງົບ ເປັນເຄື່ອງ ມືທີ່ມີອໍານາດຂອງອໍານາດລັດ, ຕໍ່ກັບຜູ້ທີ່ບໍ່ໄປຕາມແນວທາງຂອງ ພັກ, ຝ່າຝືນຕໍ່ກົດໝາຍຂອງລັດ ເພື່ອຄຸ້ມຄອງ ແລະ ສຶກສາອົບ ຮົມພວກເຂົາ ເຫຼົ່ານັ້ນໃຫ້ເຂົ້າໃຈ ແຈ້ງ ຕໍ່ແນວທາງນະໂຍບາຍອັນ ຖືກຕ້ອງ, ເປັນທໍາຂອງພັກ, ລະ ບຽບກົດໝາຍຂອງລັດ ເພື່ອໃຫ້ ພວກເຂົາ ມີຄວາມຕື່ນຕົວຝຶກຝົນ ຫຼ່ໍຫຼອມດັດສ້າງຕົນເອງ ໃຫ້ກາຍ  ເປັນຄົນດີຂອງຊາດ.

* ັດຈາກ: ໜັງສືພິມຄວາມສະຫງົບ (ພາບ-ຂ່າວ)

 
 

ເລືອກພາສາ:

  |

 
 
 
 
 
 

 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ