ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  


ຊ່ວຍເຫຼືອວຽກງານດ້ານກົດໝາຍ ເພື່ອຄວບຄຸມຢາເສບຕິດ

ລັດຖະບານ ແລະ ປະຊາຊົນ ສະຫະລັດ​ອາ​ເມ​ຣິ​ກາ ໄດ້​ໃຫ້ການຊ່ວຍເຫຼືອ​ມູນ​ຄ່າ 450.000 ໂດລາ​ສະຫະລັດ ຫຼື ປະມານ 3,6 ຕື້ກີບ ແກ່​ລັດຖະບານ​ລາວ ເພື່ອ​ນຳໃຊ້​ເຂົ້າ​ໃນ​ວຽກ​ງານ​ຟື້ນ​ຟູ​ສຸ​ຂະພາບ​ຜູ້​ຕິດ​ຢາ​ເສບ​ຕິດ ໃນ​ຂອບເຂດ​ທົ່ວ​ປະເທດ ພິທີ​ເຊັນ ​ສັນຍາຮັບ​ເອົາ​ການ​ຊ່ວຍເຫຼືອ​ລ້າ​ ໂຄງການ​ປະຕິບັດ​ມາດ​ຕະການ​ທາງດ້ານ​ກົດໝາຍ ເພື່ອ​ຄວບ​ຄຸມ​ຢາເສບ​ຕິດ ແລະ ໂຄງການ ​ປິ່ນ​ປົ່ວ-ຟື້ນ​ຟູ​ສຸຂະພາບ​ຜູ້​ຕິດ​ຢາ​ເສບ​ຕິດ ປະຈຳ​ສົກ​ປີ 2014-2015 ລະຫວ່າງລັດຖະບານ​ລາວ ແລະ ລັດຖະບານ​ອາ​ເມ​ຣິ​ກາ ຈັດ​ຂຶ້ນວັນ​ທີ 10 ກໍລະກົດ 2014 ຢູ່​ທີ່ຫ້ອງ​ວ່າການ​ລັດຖະບານ ຕາງໜ້າ​ລັດຖະບານ​ລາວ ຮ່ວມ​ລົງນາມ​ໂດຍ​ທ່ານ ກຸ ຈັນ​ສີ​ນາ ປະທານ​ຄະນະ​ກຳມະການ​ແຫ່ງ​ຊາດ ເພື່ອ​ກວດກາ ແລະ ຄວບ​ຄຸມ​ຢາເສບ​ຕິດ ແລະ ທ່ານ ເດ​ນຽວ ຄຣູນ Daniel A Clune ເອກ​ອັກຄະ​ລັດ​ຖະ​ທູດ​ອາ​ເມ​ຣິ​ກາ ປະຈຳລາວ ມີ​ພະນັກງານ-ວິຊາ​ການກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ.

ທ່ານ ກຸ ຈັນ​ສີ​ນາ ໄດ້​ສະແດງ​ຄວາມ​ຂອບໃຈ​ຕໍ່​ການ​ຊ່ວຍເຫຼືອ​ຂອງ​ລັດຖະບານ ແລະ ປະຊາ​ຊົນອາ​ເມ​ຣິ​ກາ​ຄັ້ງ​ນີ້ ຖື​ເປັນການ​ຊຸກຍູ້ ແລະ ເພີ່ມ​ທະວີ​ການຊ່ວຍເຫຼືອ​ແກ້​ໄຂ​ວຽກ​ງານ​ຢາເສບ​ຕິດ​ຂອງ​ລາວ ເຊິ່ງ​ກ່ອນ​ໜ້ານີ້ ​ລັດຖະບານ​ອາ​ເມ​ຣິ​ກາ ​ກໍ່​ໄດ້ຊ່ວຍເຫຼືອ ​ວຽກ​ງານ​ແກ້​ໄຂ​ບັນຫາຢາ​ເສບ​ຕິດ ໂດຍ​ຜ່ານ​ສຳນັກງານໃຫຍ່ ອົງການ​ສະຫະ​ປະຊາ​ຊາດ ເພື່ອ​ຄວບ​ຄຸມ​ຢາ​ເສບ​ຕິດ ແລະ ຕ້ານ ​ອາ​ຊະ​ຍາ​ກຳ​ທີ່​ກຸງ​ວຽນ​ນາປະເທດ​ໂອ​ຕຣິດ ມູນ​ຄ່າ 200.000 ໂດ​ລາ​ສະ​ຫາ​ລັດ ຫຼື ປະມານ 1,6 ຕື້​ກີບ ໂດຍ​ເລັ່ງ​ໃສ່ວຽກ​ງານ ​ການ​ໃຫ້​ຄຳ​ປຶກສາ ​ແກ່​ຜູ້​ທີ່ຢູ່​ໃນ​ຄວາມ​ສ່ຽງ​ຂອງ​ການ​ຕິດຢາ​ເສບ​ຕິດ ​ຢູ່​ນະຄອນຫຼວງ​ວຽງຈັນ.

 

 

 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

[../../foot.html]