ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

  ກູເກີ ຈະຖ່າຍພາບປະເທດລາວ ອອກສູ່ສາຍຕາຊາວໂລກທ້າຍປີນີ້

  ກູ​ເກີ (Google) ກຽມ​ຖ່າຍ​ທັດສະນີ​ຍະ​ພາບ​ຕ່າງໆໃນ​ນະຄອນຫລວງ​ວຽງ​ຈັນ ໃນ​ທ້າຍ​ປີ​ນີ້ເພື່ອ​ຖ່າຍ​ ທອດຄວາມ​ສວຍ​ງາມ​ຂອງ​ປະເທດ​ລາວ ຂຶ້ນ​ແຜນທີ່​ອອນ​ໄລ​ໃນ​ເວບ​ໄຊ​ຂອງ ກູ​ເກີ ອອກ​ສູ່​ສາຍຕາ​ຊາວ​ ໂລກ, ເຊິ່ງ​ພິທີ​ຖະແຫຼງ​ຂ່າວ​ກ່ຽວ​ກັບ​ການ​ຖ່າຍ​ພາບ​ຕົວ​ເມືອງ​ຂອງ​ປະເທດ​ລາວ ແບບ​ສະ​ຕຣີດ​ວິວ (Street View) ດ້ວຍ​ລົດ​ຕິດ​ກ້ອງ​ແບບ​ພິເສດ​ຂອງ ກູ​ເກີ ໄດ້​ຈັດ​ຂຶ້ນ​ໂດຍ​ກະຊວງ​ໄປສະນີ ໂທລະ​ຄົມມະນາຄົມ ແລະ ການ​ສື່ສານ ແລະ ບໍລິສັດ Google ໃນ​ວັນ​ທີ 23 ເດືອນ​ກໍລະກົດ​ປີ 2014 ຢູ່​ທີ່​ໂຮງແຮມ​ດອນ​ ຈັນພາ​ເລດນະຄອນຫຼວງ​ວຽງ​ຈັນ, ມີ​ທ່ານ ພູ​ຂົງ ຈິດ​ຮູບ​ໂລກ ຫົວໜ້າ​ກົມ​ແຜນການ ແລະ ການ​ຮ່ວມ​ມື ​ກະຊວງ​ໄປສະນີ ໂທລະ​ຄົມມະນາຄົມ ແລະ ການ​ສື່ສານ, ທ່ານ ດີ​ວອນແລນ ຜູ້​ຈັດການ​ຝ່າຍ​ການ​ສື່ສານ ປະຈຳ​ພາກ​ພື້ນ​ອາຊີ - ປາ​ຊີ​ຟິກ ບໍລິສັດ Google ແລະ ວິຊາ​ການ​ທີ່​ກ່ຽວຂ້ອງ​ສອງ​ ຝ່າຍ ​ເຂົ້າ​ຮ່ວມ.

  ທ່ານ ພູ​ຂົງ ຈິດ​ຮູບ​ໂລກ ໄດ້​ກ່າວ​ວ່າ: ການ​ຖ່າຍ​ພາບ​ຕົວ​ເມືອງ (Google Street View) ຈະ​ຊ່ວຍ​ ໃຫ້​ຜູ້​ຄົນ​ສາມາດ​ຄົ້ນ​ພົບ​ປະເທດ​ລາວ ແລະ ວາງ​ແຜນການ​ເດີນທາງ​ມາ​ປະເທດ​ລາວ​ໄດ້​ງ່າຍ​ຂຶ້ນ. ຂະນະ​ ດຽວກັນຈະ​ຊ່ວຍ​ໃຫ້​ຄົນ​ລາວ ສາມາດ​ສຳ​ຫຼວດ​ເບິ່ງ​ພື້ນ​ທີ່​ຕ່າງໆ​ຂອງ​ປະເທດ ໄດ້​ແບບ​ອອນ​ລາຍເຊິ່ງ​ຈະ​ ຊ່ວຍໃຫ້​ສາມາດ​ເຫັນ​ໄດ້​ເຖິງ​ຄວາມ​ສວຍ​ສົດ​ງົດ​ງາມ ແລະ ຄວາມ​ອຸດົມສົມບູນ​ຂອງ​ວັດທະນະທຳ​ລາວໃນ​ ລະບົບ​ເຕັກ​ໂນ​ໂລ​ຊີ​ລະດັບ​ໂລກ, ລົດ​ຖ່າຍ​ພາບສະ​ຕຣີດ​ວີວຂອງ​ກູ​ເກີ ຈະ​ເລີ່ມ​ເກັບ​ກຳ​ພາບ​ໃນ​ນະຄອນ ຫຼວງວຽງ​ຈັນ ໃນ​ທ້າຍ​ປີ​ນີ້ຫຼັງ​ຈາກ​ນັ້ນ ຈຶ່ງ​ຈະ​ໄປ​ເກັບ​ກຳ​ຖ່າຍ​ພາບຢູ່​ບັນດາ​ແຂວງ​ຕ່າງໆ​ຂອງ​ປະເທດ ລາວ.

  ທ່ານ ດີ​ວອນແລນ ໄດ້​ກ່າວ​ວ່າ: ການ​ຖ່າຍ​ພາບ​ແບບ ສະ​ຕຣີດ​ວີວ ເປັນ​ການ​ຖ່າຍ​ພາບ​ສະຖານທີ່​ຈິງໃນ​ ມູມ​ມອງ​ຂອງ​ພາບ​ພາ​ໂນ​ຣາ​ມາ 360 ອົງສາ ໂດຍ​ນຳ​ໃຊ້​ລົດ​ທີ່​ຕິດ​ຕັ້ງ​ຄອມ​ພິວ​ເຕີ​ຫຼາຍ​ຊຸດ ເຂົ້າ​ໄປ​ດ້ານ​ ຫຼັງຂອງ​ລົດ ແລະ ຕິດ​ກ້ອງ​ເລ​ເຊີພ້ອມ​ອຸປະກອນ ຈີ​ພີ​ເອ​​ສ ໄວ້​ຫຼັງຄາ​ລົດ ເພື່ອ​ເກັບ​ກຳ​ພາບ​ຕ່າງໆ ແລະ ຜູ້​ຄົນກໍ​ສາມາດ​ເບິ່ງ​ເຫັນ​ທິວ​ທັດ​ເຫຼົ່ານັ້ນ​ຜ່ານ​ແຜນທີ່​ຂອງ ກູ​ເກີ. ການ​ຖ່າຍ​ພາບ​ຢູ່ ​ສປປ ລາວ ຈະ​ເຮັດໃຫ້​ ຜູ້​ຄົນ​ໃນ​ທົ່ວ​ໂລກ ໄດ້​ຮັບ​ປະສົບ​ການ​ໃໝ່ໆ​ໃນ​ການ​ເບິ່ງ​ປະເທດ​ລາວ ແລະ ມັນ​ຈະ​ຊ່ວຍ​ໃຫ້​ຄົນ​ໃນ​ໂລກໄດ້​ ຮູ້ຈັກ​ປະເທດ​ລາວ​ຫຼາຍ​ຂຶ້ນ ແລະ ດຶງ​ດູດ​ນັກ​ທ່ອງ​ທ່ຽວ​ໃຫ້​ເຂົ້າ​ມາ​ທ່ອງ​ທ່ຽວ​ລາວ​ຫຼາຍ​ຂຶ້ນ, ການ​ຖ່າຍ​ພາບ Google ສະ​ຕຣີດ​ວີວ ພວມ​ໄດ້​ຮັບ​ຄວາມ​ນິຍົມ​ສູງ ໃນ​ແຜນທີ່​ຂອງ ກູ​ເກີ (Google Maps) ໃນ​ປັດຈຸບັນ, ມີ 56 ປະເທດ​ທົ່ວ​ໂລກ​ທີ່​ນຳ​ໃຊ້​ໂປຣ​ແກຣມ​ນີ້ ເຊິ່ງ​ຈະ​ຊ່ວຍ​ໃຫ້​ຜູ້​ຄົນ​ສາມາດ​ສຳ​ຫຼວດ​ພື້ນ​ທີ່​ອ້ອມ​ຮອບ ແລະ ການ​ນຳ​ທາງ​ຜ່ານ​ລະບົບ​ອິນ​ເຕີ​ເນັດ​ໄດ້, ສາມາດ​ເບິ່ງ​ຮູບ​ພາບ​ຂອງ​ສະຖານທີ່, ແຜນທີ່​ໂດຍ​ການ​ດຶງ​ ພາບທີ່​ຕ້ອງການ, ນອກ​ນີ້ຍັງ​ສາມາດ​ປ້ອງ​ກັນ​ຄວາມ​ເປັນ​ສ່ວນ​ຕົວ​ຂອງ​ຜູ້​ຄົນ​ໃນ​ແຜນທີ່, ປົກ​ປິດ​ພາບໃບ ​ໜ້າ​ຂອງ​ຄົນ ແລະ ພາບ​ປ້າຍ​ທະບຽນ​ລົດເພື່ອ​ເຮັດ​ໃຫ້​ພາບ​ເຫຼົ່ານັ້ນ ບໍ່​ສາມາດ​ເປັນ​ທີ່​ຈົດ​ຈຳ​ໄດ້ ແລະ ມີ​ ຄຸນສົມບັດ​ອື່ນໆ​ດ້ວຍ​ການ​ນຳ​ໃຊ້​ກ້ອງ 360 ອົງສາ ທີ່​ມີ​ພາບ​ຄົມ​ຊັດ​ແຈ່ມ​ແຈ້ງ​ທີ່​ສຸດ.

 

 

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ