ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
     
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 

ປັບປຸງກົງຈັກຄ້າຍຄຸມຂັງ-ດັດສ້າງທົ່ວປະເທດ ແນໃສ່ຄຸ້ມຄອງນັກໂທດ ແລະ ຜູ້ຖືກຫາເຂົ້າສູ່ລະບຽບ

ກົມຕໍາຫຼວດຄຸມຂັງ-ດັດສ້າງກະຊວງປກສຈັດກອງປະຊຸມປຶກສາຫາລືກ່ຽວກັບການປັບປຸງກົງຈັກການຈັດຕັ້ງ, ດ້ານກໍາລັງແລະນິຕິກໍາໃນຂົງເຂດວຽກງານຄຸມຂັງ-ດັດສ້າງຮ່ວມກັບບັນດາກົມ-ກອງທີ່ກ່ຽວຂ້ອງອ້ອມຂ້າງ ກະຊວງ ປກສ ເພື່ອຈັດສັນລະບົບການຄຸ້ມຄອງຄ້າຍຄຸມຂັງ, ຄ້າຍດັດສ້າງໃນຂອບເຂດທົ່ວປະເທດຄືນໃໝ່; ແນໃສ່ ໃຫ້ການຄຸ້ມຄອງນັກໂທດ, ຜູ້ຖືກດັດສ້າງແລະຜູ້ຖືກຫາເຂົ້າສູ່ລະບຽບຫຼັກການຢ່າງເຂັ້ມງວດ.

ກອງປະຊຸມດັ່ງກ່າວຈັດຂຶ້ນໃນວັນທີ 11 ພຶດສະພານີ້, ເປັນກຽດເຂົ້າຮ່ວມຂອງພົຈວສິນທະວົງໄຊຍະກອນ ລັດຖະມົນຕີຊ່ວຍວ່າການກະຊວງປກສ, ມີທ່ານຫົວໜ້າກົມໃຫຍ່, ຫົວໜ້າກອງບັນຊາການປກສແຂວງທີ່ກ່ຽວ ຂ້ອງ, ພ້ອມດ້ວຍຄະນະບັນຊາກົມຕໍາຫຼວດຄຸມຂັງ-ດັດສ້າງ.

ພັອສະແຫວງພົມມະລີຫົວໜ້າກົມຕໍາຫຼວດຄຸມຂັງ-ດັດສ້າງກະຊວງປກສກ່າວວ່າ ການເປີດກອງປະຊຸມ ປຶກສາຫາລືຮ່ວມກັບບັນດາກົມ-ກອງທີ່ກ່ຽວຂ້ອງອ້ອມຂ້າງກະຊວງໃນຄັ້ງນີ້ເພື່ອເປັນການປັບປຸງ ຈັດສັນລະບຽບ ການຄຸ້ມຄອງຄ້າຍຄຸມຂັງ, ຄ້າຍດັດສ້າງໃນຂອບເຂດທົ່ວປະເທດຄືນໃໝ່; ໂດຍກໍານົດເອົາຄ້າຍຄຸມຂັງ ອີກຈໍາ ນວນ 3 ຄ້າຍຂອງທ້ອງຖິ່ນມາຂຶ້ນກັບການຄຸ້ມຄອງຊີ້ນໍາໂດຍກົງຂອງກົມຕໍາຫຼວດຄຸມຂັງ-ດັດສ້າງເຊັ່ນ: ຄ້າຍຄຸມຂັງ ບຸນເໜືອ ຢູ່ແຂວງຜົ້ງສາລີ, ຄ້າຍຄຸມຂັງໄຂຢູ່ແຂວງຊຽງຂວາງ, ຄ້າຍຄຸມຂັງແກ້ງຄັນຢູ່ແຂວງສະຫວັນນະເຂດ ແລະ ຄ້າຍ ຄຸມຂັງ ແຂວງຈໍາປາສັກ ທີ່ຈະສ້າງຂຶ້ນໃໝ່; ບັນດາຄ້າຍຄຸມຂັງດັ່ງກ່າວ, ແມ່ນຈະໃຊ້ຄຸ້ມຄອງ ສະເພາະແຕ່ຜູ້ທີ່ ເປັນນັກໂທດເທົ່ານັ້ນ, ຈະບໍ່ໃຫ້ມີຜູ້ຕ້ອງ ຫາຫຼືຜູ້ຖືກຫາ ຄຸມຂັງປົນເປຢູ່ນໍາ; ສ່ວນບັນດາຄ້າຍ ຂອງທ້ອງຖິ່ນອື່ນໆ ແມ່ນຈະຫັນເປັນຄ້າຍກັກຂັງຊົ່ວຄາວຂຶ້ນກັບກອງບັນຊາການປກສແຂວງ; ເຊິ່ງຈະໃຫ້ ຄຸ້ມຄອງແຕ່ຜູ້ຖືກຫາ ເທົ່າ ນັ້ນ, ສໍາລັບນັກໂທດຕ່າງປະເທດພາຍຫຼັງຕັດສິນແລ້ວແມ່ນຈະເຄື່ອນຍ້າຍມາຢູ່ຄ້າຍ ຄຸມຂັງໂພນຕ້ອງຈຸດດຽວ; ສໍາລັບດ້ານກໍາລັງແກ້ໄຂສະເພາະໜ້າແລະຮີບດ່ວນແມ່ນສະເໜີ ໃຫ້ການນໍາຄົ້ນຄວ້າ ຊອກກໍາລັງຢູ່ ພາກສ່ວນອື່ນ ເປັນຕົ້ນແມ່ນ ກຳລັງປ້ອງກັນເຄື່ອນທີ່, ປ້ອງກັນທີ່ຕັ້ງມາຊ່ວຍເຮັດວຽກຢູ່ບັນດາ ຄ້າຍຄຸມຂັງ-ດັດສ້າງ, ແກ້ໄຂຍາວ ນານແມ່ນສະເໜີໃຫ້ກະຊວງຮັບກໍາລັງເພີ່ມໃຫ້ກົມຕໍາຫຼວດຄຸມຂັງ-ດັດສ້າງ ທຸກໆປີແລ້ວມາຝຶກອົບຮົມໄລຍະສັ້ນ ເພື່ອສົ່ງເຂົ້າປະຕິບັດໜ້າທີ່ວິຊາສະເພາະ; ດ້ານນິຕິກໍາຍົກລະດັບຂໍ້ຕົກລົງ ຂອງລັດຖະມົນຕີວ່າການກະຊວງ ປກສ ວ່າດ້ວຍວຽກງານຄຸ້ມຂັງ- ດັດສ້າງຂຶ້ນເປັນດຳລັດຂອງ ນາຍົກລັດ ຖະມົນຕີແນໃສ່ໃຫ້ວຽກງານຄຸມຂັງ-ດັດສ້າງໄດ້ຮັບການເຄື່ອນໄຫວຈັດຕັ້ງປະຕິບັດຖືກຕາມພາລະບົດບາດ ແລະ ມີສ່ວນຮ່ວມຂອງຫຼາຍພາກສ່ວນ.

ພົຈວສິນທະວົງໄຊຍະກອນກ່າວວ່າ: ການທີ່ກົມຕຳຫຼວດຄຸມຂັງ-ດັດສ້າງສະເໜີປັບປຸງກົງຈັກການຈັດຕັ້ງນັ້ນ, ແມ່ນ ເຫັນດີນໍາເພາະການກໍານົດຈັດສັນລະບົບການຄຸ້ມຄອງຄ້າຍຄຸ້ມຂັງດັ່ງກ່າວເປັນເງື່ອນໄຂທີ່ດີຫຼາຍຢ່າງ ໃຫ້ແກ່ ພວກເຮົາໃນ ເງື່ອນໄຂທີ່ປະເທດເຮົາ ເຊື່ອມໂຍມເຂົ້າສາກົນໂດຍສະເພາະແມ່ນການເຂົ້າເປັນປະຊາຄົມ ເສດ ຖະກິດອາຊຽນໃນທ້າຍປີ 2015 ນີ້; ພ້ອມດຽວກັນນີ້, ຈະເຮັດໃຫ້ການຄຸ້ມຄອງຕໍ່ກັບການຈັດຕັ້ງປະຕິບັດ ວຽກ ງານຄຸມຂັງ-ດັດສ້າງມີຄວາມເປັນເອກະພາບ, ວ່ອງໄວແລະບໍ່ມີຫຼາຍຂັ້ນຫຼາຍຂອດຄືປັດຈຸບັນ; ພິເສດ, ພວກເຮົາ ສາມາດແບ່ງຂັ້ນຄຸ້ມຄອງຕາມແຕ່ລະເປົ້າໝາຍແລະແຍກລະຫວ່າງຜູ້ຖືກຫາແລະໃນຕໍ່ໜ້າອາດຈະສ້າງ ຄ້າຍ ຄຸມຂັງຂອງສູນກາງຢູ່ພາກໃຕ້ຕື່ມອີກ; ຕໍ່ກັບບັນດາການຂາດແຄນກໍາລັງທາງກະຊວງຂອງພວກເຮົາ ຈະມອບ ໃຫ້ກົມໃຫຍ່ການເມືອງນໍາໄປ ຄົ້ນຄວ້າຢ່າງລະອຽດ, ແລ້ວນໍາສະເໜີເຂົ້າຜ່ານຄະນະປະຈໍາພັກກະຊວງ ເພື່ອ ຄົ້ນຄວ້າຕົກລົງ ສ່ວນການສະເໜີຍົກລະດັບຂໍ້ຕົກລົງຂອງລັດຖະມົນຕີວ່າການກະຊວງປກສຂຶ້ນເປັນດໍາລັດ ຂອງນາຍົກລັດຖະມົນຕີ ນັ້ນ, ແມ່ນເຫັນວ່າມີຄວາມຈໍາເປັນແທ້. ສະນັ້ນ, ມອບໃຫ້ກົມຄົ້ນຄວ້ານິຕິກໍາ ແລະ ກົດໝາຍເປັນເຈົ້າການປະສານກັບພາກສ່ວນທີ່ກ່ຽວຂ້ອງໃນການປັບປຸງ ນິຕິກໍາດັ່ງກ່າວ ຕາມລະບຽບການ.

 

 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ