ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

 ອົງຄະນະພັກກົມໃຫຍ່ 502 ມີສະມາຊິກພັກເຂັ້ມແຂງຫຼາຍກວ່າ 90%

   ໃນກອງປະຊຸມໃຫຍ່ ຄັ້ງທີ V ຂອງອົງຄະນະພັກກົມໃຫຍ່ສັນຕິບານ ( ກົມໃຫຍ່ 502 ) ຍົກໃຫ້ເຫັນວ່າ: ຊຸມປີ 2010-2014 ຄະນະພັກກົມໃຫຍ່ 502 ໄດ້ມີຄວາມເອົາໃຈໃສ່ຊີ້ນໍາ-ນໍາພາວຽກງານກໍ່ສ້າງພັກໃຫ້ມີ ຄວາມເຂັ້ມແຂງທາງດ້ານການຈັດຕັ້ງ ແລະ ສ້າງສະມາຊິກພັກໃຫ້ຮັບປະກັນທາງດ້ານປະລິມານ ແລະ ຄຸນນະພາບ, ສະແດງອອກໃນແຕ່ລະປີບັນດາໜ່ວຍພັກ ແລະ ສະມາຊິກພັກຈັດຢູ່ໃນປະເພດເຂັ້ມແຂງ ມີຈຳນວນເພີ່ມຂຶ້ນ, ສະເພາະປີ 2014 ກໍສາມາດຕີລາຄາແບ່ງປະເພດສະມາຊິກພັກ ເຂັ້ມແຂງ ຈຳນວນ 537 ສະຫາຍ ເທົ່າກັບ 91,95%.

  ກອງປະຊຸມດັ່ງກ່າວຈັດຂຶ້ນໃນວັນທີ 6 ກຸມພານີ້, ເປັນກຽດເຂົ້າຮ່ວມໂດຍ ພົຈວ ສົມແກ້ວ ສີລາວົງ ກຳມະການສູນກາງພັກ ຮັກສາການເລຂາຄະນະພັກ ຮັກສາການລັດຖະມົນຕີວ່າການກະຊວງ ປກສ ພ້ອມດ້ວຍຄະນະພັກກົມກອງອ້ອມຂ້າງກະຊວງ ແລະ ສະມາຊິກພັກທີ່ເປັນຕົວແທນໃຫ້ສະມາຊິກທົ່ວກົມໃຫຍ່ 502 ຈຳນວນ 105 ສະຫາຍ.

  ພົຈວ ບຸນທ່ຽງ ຈັນທະມຸງຄຸນ ເລຂາຄະນະພັກ ຫົວໜ້າກົມໃຫຍ່ 502 ປະທານກອງປະຊຸມ ໄດ້ຂຶ້ນຜ່ານ ຮ່າງບົດລາຍງານ ການເມືອງ ຕໍ່ກອງປະຊຸມ, ໂດຍຍົກໃຫ້ເຫັນວ່າ: ຊຸມປີຜ່ານມາ, ຄະນະພັກກົມໃຫຍ່ 502 ໄດ້ຊີ້ນຳ-ນຳພາປັບປຸງການຈັດຕັ້ງ ພັກຂັ້ນກົມວິຊາສະເພາະໃຫ້ມີຄວາມໜັກແໜ້ນເຂັ້ມແຂງ ໂດຍສະເພາະ ການນຳພາສ້າງກົມກອງເຂັ້ມແຂງ-ໜ່ວຍພັກຮູ້ນຳພາ ຮອບດ້ານໃນການເປີດບັ້ນດຳເນີນຊີວິດການເມືອງ ພ້ອມທັງຄັດເລືອກປະເພດສະມາຊິກພັກເຊິ່ງມີຈຳນວນເພີ່ມຂຶ້ນໃນແຕ່ລະປີ; ສະແດງອອກສະເພາະປີ 2014 ມີຈຳນວນສະມາຊິກພັກ 584 ສະຫາຍ, ຍິງ 129 ສະຫາຍເຂົ້າຮ່ວມຄັດເລືອກປະເພດ
(ຂອງຈຳ
ນວນສະມາຊິກພັກທັງໝົດ 611 ສະຫາຍ), ໃນນີ້ສາມາດຄັດເລືອກປະເພດສະມາຊິກພັກເຂັ້ມແຂງໄດ້ 537 ສະຫາຍ, ຍິງ 118 ສະຫາຍ ເທົ່າກັບ 91,95%, ແຂງ 46 ສະຫາຍ, ຍິງ 11 ສະຫາຍ ເທົ່າກັບ 7,88%, ອ່ອນ 1 ສະຫາຍ ເທົ່າກັບ 0,17%, ບໍ່ໄດ້ຈັດປະເພດ 27 ສະຫາຍ ເທົ່າກັບ 4,42%; ນອກນັ້ນ ຍັງສະເໜີຂັ້ນເທິງອະນຸມັດໃຫ້ 12 ໜ່ວຍພັກຂຶ້ນກັບໃຫ້ໄດ ຮັບການຄັດເລືອກປະເພດເຂັ້ມແຂງ-ຮູ້ນຳພາ ຮອບດ້ານ.

  ນັບແຕ່ນີ້ເຖິງປີ 2019 ຄະນະພັກກົມໃຫຍ່ 502 ຈະເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ພະນັກ ງານ-ນັກຮົບມີຄຸນທາດການເມືອງໜັກແໜ້ນ, ເຂັ້ມແຂງທາງດ້ານການຈັດຕັ້ງ, ມີແບບແຜນນຳພາທີ່ສອດຄ່ອງ, ມີຄວາມຊຳນິຊຳ ນານ ແລະ ມີຄວາມແຫຼມຄົມດ້ານວິຊາສະເພາະ, ສ້າງ ສະຕິກຽມພ້ອມສູ້ຮົບ, ເຄົາລົບ ແລະ ປະຕິບັດລະບຽບວິໄນຂອງພັກ, ກົດໝາຍຂອງລັດ ແລະ ວິໄນຂອງ ກຳລັງ ປກສ ດ້ວຍຄວາມຮັບຜິດຊອບສູງ.

 ຄຽງຄູ່ກັບການສືບຕໍ່ຕັ້ງໜ້າກໍ່ສ້າງກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານໃຫ້ໄດ້ 90% ຂຶ້ນໄປ, ຫຼີກ ເວັ້ນບໍ່ໃຫ້ມີໜ່ວຍພັກ ກາງ-ອ່ອນ, ສະມາຊິກພັກເສຍທາດຢ່າງເດັດຂາດ, ສູ້ຊົນຂະຫຍາຍສະມາຊິກພັກ ໃຫ້ມີຈຳນວນເພີ່ມຂຶ້ນກັບປະກັນຄຸນນະພາບ, ເອົາ ໃຈໃສ່ກໍ່ສ້າງພະນັກງານສືບທອດປ່ຽວນແທນ ຕຳແໜ່ງ ນຳພາ-ບັນຊາຢ່າງມີແຜນການ.

  ໃນກອງປະຊຸມ, ບັນດາຜູ້ແທນສົມບູນປ່ອນບັດຄັດເລືອກເອົາຄະນະພັກຊຸດໃໝ່ໄດ້ຢ່າງຖືກຕ້ອງສອດຄ່ອງ ກັບມາດຖານ ເງື່ອນໄຂ ທີ່ກຳນົດໄວ້; ເຊິ່ງມີຜູ້ຮັບສະໝັກເລືອກຕັ້ງ 18 ສະຫາຍໃນນີ້ສາມາດເລືອກໄດ້ 15 ສະຫາຍເປັນຄະນະພັກກົມໃຫຍ່502 ເພື່ອສື ບຕໍ່ຊີ້ນຳ-ນຳພາທິດທາງທີ່ວາງໄວ້ໃຫ້ຮັບຜົນສຳເລັດຂຶ້ນກວ່າເກົ່າ ໃນນີ້ເລືອກຕັ້ງເອົາສະຫາຍ ພົຈວ ບຸນທ່ຽງ ຈັນທະມຸງຄຸນ ເປັນເລຂາ, ສະຫາຍ ພັອ ດຣ ບົວວັນ ວົງສາວັນ ທອງ ເປັນຮອງເລຂາ, ສະຫາຍ ພັອ ດຣ ຄຳມ້າວ ຫຼ້າຈັນເພັດ ເປັນ ປະທານກວດກາ, ສະຫາຍ ພັທ ທອງສ່ຽນ ສຸນາເຄນ  ແລະ ສະຫາຍ ພັຕ ສຸລິວັນ ແກ້ວມະນີວົງ ເປັນຮອງປະທານກວດກາ.

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ