ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ວາງສີລາລຶກໂຄງການກໍ່ສ້າງຄຸມຂັງ-ດັດສ້າງ ( ນາຂ່າ-ຕານປ່ຽວ )

ພົຈວ ສົມແກ້ວ ສີລາວົງ ຮັກສາການລັດຖະມົນຕີວ່າການກະຊວງ ປກສ ພ້ອມດ້ວຍບັນດາຫົວໜ້າກົມ-ຮອງກົມໃຫຍ່, ຫົວໜ້າກົມ-ຮອງກົມຄຸມຂັງ-ດັດສ້າງ, ຫົວໜ້າກອງບັນຊາການ ປກສ ນະຄອນຫຼວງວຽງ ຈັນ, ອົງການໄອຍະປະຊາຊົນແລະບໍລິສັດດາລາຈະເລີນກໍ່ສ້າງ-ຂົວທາງຈໍາກັດໄດ້ວາງສີລາລືກໂຄງການ ກໍ່ສ້າງຄຸມຂັງ-ດັດສ້າງ ( ນາຂ່າ-ຕານປ່ຽວ ) ແລະຫ້ອງການກົມຄຸມຂັງ-ດັດສ້າງໃນວັນທີ 16 ກຸມພານີ້,ທີ່ ບ້ານນາຂ່າເມືອງນາຊາຍທອງນະຄອນຫຼວງວຽງຈັນ.

ທ່ານ ບຸນຈອນ ແສງດາລາ ປະທານບໍລິສັດດາລາຈະເລີນກໍ່ສ້າງ-ຂົວທາງຈໍາກັດຜູ້ຮັບເໝົາກໍ່ສ້າງໂຄງ ການກ່າວວ່າ: ການຮັບເໝົາໂຄງການກໍ່ສ້າງລະບົບຄຸມຂັງ-ດັດສ້າງໃນຄັ້ງນີ້, ລວມມີຄຸມຂັງ-ດັດສ້າງ 2 ແຫ່ງ, ຫ້ອງການກົມຄຸມຂັງ-ດັດສ້າງ 1 ຫຼັງ, ທີ່ເຮັດດ້ວຍລະບົບໂຄງສ້າງເບຕົງເສີມເຫຼັກ, ມຸງດ້ວຍກະ ເບື້ອງ, ຕັ້ງຢູ່ບ້ານນາຂ່າເມືອງນາຊາຍທອງນະຄອນຫຼວງວຽງຈັນ ແລະບ້ານຕານປ່ຽວເມືອງທຸລະຄົມ ແຂວງ ວຽງຈັນ ດ້ວຍການໃຊ້ເວລາກໍ່ສ້າງ 30 ເດືອນ ( 29 ກັນຍາ 2014-30 ມີນາ 2017 ), ລວມມູນຄ່າ ການກໍ່ສ້າງທັງໝົດ 384.997.407.000ກີບດ້ວຍການນໍາໃຊ້ທຶນຂອງບໍລິສັດກ່ອນ 100%, ສ່ວນການສໍາລະ ແມ່ນອີງຕາມແຜນຫງົບປະມານຂອງລັດຖະບານແຕ່ລະສົກປີ ມາຮອດປັດຈຸບັນ, ແມ່ນເລີ່ມກໍ່ສ້າງມາແລ້ວ 4 ເດືອນ ( 29 ກັນຍາ 2014-30 ມັງກອນ 2015 ); ໃນນີ້, ໂຄງການກໍ່ສ້າງລະບົບຄຸມຂັງຕານປ່ຽວມີມູນ ຄ່າການກໍ່ສ້າງທັງໝົດ 235.240.172.000 ກີບ, ປະກອບມີຫ້ອງການພະນັກງານ-ນັກຮົບຄຸມຂັງ-ດັດສ້າງ ຂະໜາດ 8x28 ສອງຊັ້ນ 1 ຫຼັງ, ເຮືອນກັກຂັງພິເສດ 10x24 1 ຫຼັງ, ເຮືອນກັກຂັງ 13,5x61 ສອງຊັ້ນ 9 ຫຼັງ, ເຮືອນຄົວລວມນັກໂທດ 10x36 ໜຶ່ງຊັ້ນ 9 ຫຼັງ, ກໍາແພງນອກສູງ 3 ແມັດຍາດ 1.783 ແມັດ, ສະໂມສອນ 16x56 ໜຶ່ງຊັ້ນ 1 ຫຼັງ, ອ່າງເກັບນໍ້າສູງແລະເຈາະບາດານ 7 ຈຸດ; ປັດຈຸບັນ, ສໍາເລັດແລ້ວ 3,44%.

  ສ່ວນໂຄງການກໍ່ສ້າງລະບົບຄຸມຂັງ-ດັດສ້າງນາຂ່າມີມູນຄ່າການກໍ່ສ້າງທັງໝົດ102.787.791.000 ກີບ,ປະ ກອບມີເຮືອນຄົວລວມຂະໜາດ 10x20 ໜຶ່ງຊັ້ນ 9 ຫຼັງ, ເຮືອນຄົວລວມ 8x16 ໜຶ່ງຊັ້ນ 5 ຫຼັງ, ເຮືອນ ຄົວລວມ 8x12 ໜຶ່ງຊັ້ນ 2 ຫຼັງ, ເຮືອນສອບສວນ 6x18 ໜຶ່ງຊັ້ນ 2 ຫຼັງ, ເຮືອນກັກຂັງ 7,5x29 ໜຶ່ງ ຊັ້ນ 2 ຫຼັງ, ເຮືອນກັກຂັງ 5x40 ໜຶ່ງຊັ້ນ 2 ຫຼັງ, ເຮືອນລະບຽບ 5x45 ໜຶ່ງຊັ້ນ 1 ຫຼັງ, ເຮືອນກັກຂັງ 12x20 ໜຶ່ງຊັ້ນ 3 ຫຼັງ, ເຮືອນກັກຂັງພິເສດ 10x24 ໜຶ່ງຊັ້ນ 1 ຫຼັງ, ເຮືອນກັກຂັງ 12x40 ໜຶ່ງຊັ້ນ 8 ຫຼັງ, ອ່າງເກັບນໍ້າສູງແລະເຈາະບາດານ 6 ຈຸດ; ປັດຈຸບັນ, ສໍາເລັດແລ້ວ 20,56% ແລະໂຄງການກໍ່ສ້າງຫ້ອງ ການຄຸມຂັງ-ດັດສ້າງມີມູນຄ່າທັງໜົດ46.969.444.000ກີບ; ປັດຈຸບັນ, ສໍາເລັດແລ້ວ3,07%.

 

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ