ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ທຸກຊັ້ນຄົນຕ້ອງເປັນເຈົ້າການ ຈັດງານບຸນອອກພັນສາ ພ້ອມເນັ້ນ ເຮືອໄຟເຮັດຈາກວັດຖຸທຳມະຊາດ

ການ​ກະກຽມ​ງານ​ສະເຫຼີມສະຫຼອງ ​ບຸນ​ອອກ​ພັນ​ສາ​ປະ​ວໍລະນາ ແລະ ຊ່ວງ​ເຮືອ​ປະຈຳ​ປີ 2014 ທີ່​ທ່າ​ວັດ​ຈັນ ເມືອງ​ຈັນທະ​ບູ​ລີ ນະຄອນຫຼວງ​ວຽງ​ຈັນ ປັດຈຸບັນ​ແມ່ນ​ກຽມ​ຄວາມ​ພ້ອມ 100% ແລ້ວໃນ​ທຸກໆ​ດ້ານ ຂະນະ​ທີ່ ​ຮຽກຮ້ອງ​ໃຫ້​ບັນດາ​ຊັ້ນ​ຄົນ​ໃນ​ສັງຄົມ ມີ​ສະຕິ​ລະວັງ​ຕົວ ແລະ ຕ້ອງ​ເປັນ​ເຈົ້າ​ການໃນ​ການ​ປ້ອງກັນ ​ຄວາມ​ ສະຫງົບ ຄວາມ​ເປັນລະບຽບ​ຮຽບ​ຮ້ອຍ ແລະ ຮັກສາອະນາໄມ​ຄວາມ​ສະອາດ​ຈົບງາມ ແລະ ເຮືອ​ໄຟ​ທີ່​ຈະ​ນຳ​ ມາ​ໄຫຼ​ທີ່ທ່າ​ວັດ​ຈັນ ເນັ້ນ​ເປັນ​ວັດຖຸ​ທີ່​ມາຈາກ​ທຳ​ມະ​ຊາດ ເປື່ອຍ​ງ່າຍ ເຊັ່ນ: ຕົ້ນ​ກ້ວຍ ແລະ ອື່ນໆ ເພື່ອເປັນ ​ການ​ປະກອບສ່ວນ​ຮັກສາ​ສິ່ງແວດ​ລ້ອມ.


ຮູບປະກອບ

ທ່ານ ສາຍທອງ ແກ້ວ​ດວງ​ດີ ຮອງ​ເຈົ້າ​ຄອງ​ນະຄອນຫຼວງ ປະທານ​ຄະນະ​ກຳມະການ​ຈັດ​ງານບຸນ​ອອກ​ພັນ​ສາ​ ປະ​ວໍລະນາ ແລະ ຊ່ວງ​ເຮືອ ປະຈຳ​ປີ 2014 ທີ່​ທ່າວັດ​ຈັນ ໄດ້​ຖະແຫຼງ​ຂ່າວ​ຕໍ່​ສື່​ມວນຊົນ​ວ່າ: ຈຸດປະສົງ​ຂອງ​ ງານ​ບຸນໃນ​ປີ​ນີ້ ເພື່ອ​ປົກ​ປັກ​ຮັກສາ ເສີມຂະຫຍາຍ​ມູນເຊື້ອ​ວັດທະນະທຳ ຮີດຄອງ​ປະເພນີ​ຂອງ​ຊາດ ກໍ່​ຄືຂອງ ​ນະຄອນຫຼວງ ທີ່​ສືບ​ທອດ​ກັນມາ​ແຕ່​ບູຮານ​ນະ​ການ ທັງ​ເປັນການ​ສ້າງ​ຂະ​ບວນ​ການ​ຄຳນັບ​ຮັບຕ້ອນ ສະເຫຼີມ ສະຫຼອງ 2 ວັນ​ປະຫວັດ​ສາດຄື: ວັນ​ສ້າງຕັ້ງ​ພັກປະຊາຊົນປະຕິວັດ​ລາວ ຄົບຮອບ 60 ປີ ວັນ​ສະຖາປະນາ ​ສປປ ລາວ ຄົບຮອບ 40 ປີ ຮັບປະກັນໃຫ້​ງານ​ບຸນ​ມີ​ຄວາມ​ມ່ວນຊື່ນ ມີບັນຍາກາດ​ຟົດຟື້ນ​ໃນ​ສັງຄົມ ທັງ ສິລະ​ປະ​ວັນນະຄະດີ ການ​ແຂ່ງຂັນ​ຊ່ວງ​ເຮືອ​ປະເພດ​ຕ່າງໆ ຕ້ອງຮັບປະກັນ​ຄວາມ​ສະຫງົບ​ປອດ​ໄພ ຮອບດ້ານ ນັບ​ຕັ້ງແຕ່​ໄລຍະ​ການກະກຽມຈັດ​ງານ​ບຸນ ຊຸກຍູ້​ໃຫ້​ສັງຄົມ​ໄດ້​ຄ້າຂາຍ ໄດ້​ບໍລິການຕ່າງໆ ໃຫ້​ມີ​ລາຍ​ຮັບ ເປັນ​ບ່ອນແລກປ່ຽນ​ສິນຄ້າ ແລະ ສົ່ງເສີມການ​ຄ້າຂາຍ​ຜະລິດ​ຕະ​ພັນ​ຕ່າງໆ ພ້ອມ​ນັ້ນ ຍັງ​ຮັບປະກັນ​ຄວາມ ສະອາດ​ຈົບງາມ ຕົ້ນໄມ້ ສວນດອກ​ໄມ້ ສວນ​ຫຍ້າ ບໍ່​ໃຫ້​ຖືກ​ເປ່ເພ​ເສຍ​ຫາຍ.

ກິດຈະກຳ​ໃນ​ງານ​ບຸນ ຈະ​ປະກອບ​ມີ: ການວາງສະແດງ-ຂາຍສິນຄ້າ ເຊິ່ງ​ໃນ​ປີ​ນີ້ ຈະ​ມີ​ຜະລິດຕະ​ພັນ ODOP ຈາກ 9 ຕົວເມືອງ ທົ່ວ​ນະຄອນຫຼວງ​ວຽງ​ຈັນ ແລະ ຜະລິດ​ຕະ​ພັນ​ຈາກ​ໂຮງ​ຈັກ ໂຮງງານ ທັງ​ພາຍ​ໃນ ແລະ ຕ່າງປະເທດ ມາ​ວາງສະແດງ ແລະ ຈຳໜ່າຍ ມີ​ການສະແດງສິລະ​ປະ​ວັນນະຄະດີຈາກ​ທ້ອງຖິ່ນ ເມືອງ ບ້ານ ແລະ ກົມ​ກອງ ແລະ ມວນ​ຊົນ​ທົ່ວ​ໄປ ຈະ​ຈັດ​ມີກິດຈະກຳ​ເຮັດອະນາໄມ​ທຳຄວາມ​ສະອາດ​ສວຍ​ງາມ ໂດຍ​ ມີການ​ຊຸກຍູ້​ຂະ​ບວນ​ການ​ອະນາໄມ ປະດັບ​ປະດາ​ຕົວ​ເມືອງ ສຳນັກ ງານ​ອົງການ ສ່ວນ​ບໍລິເວນ​ງານບຸນ ​ແມ່ນ​ຈະ​ມອບ​ໃຫ້​ອົງການ​ພັດທະ​ນາ ແລະ ບໍລິຫານ​ຕົວ​ເມືອງ ນະຄອນຫຼວງ​ວຽງ​ຈັນ (​ອພບ) ແລະ ບໍລິສັດ​ ຜູ້​ສຳ​ປະທານ ສ່ວນກິດຈະກຳ​ທາງ​ດ້ານ​ສາສະໜາ ແລະ ຮີດຄອງ ໃນ​ເວລາ 7:00 ໂມງຂອງ​ວັນ​ທີ 8 ຕຸລາ ຈະ​ມີພິທີ​ຕັກບາດ​ຖວາຍ​ສັງຄະ​ທານ ຕາມ​ວັດ​ວາ​ອາ​ຮາມ​ຕ່າງໆ ທົ່ວນະຄອນຫຼວງ ແລະ ໃນ​ຕອນ​ຄ່ຳຂອງ​ ວັນ​ດຽວ​ກັນ​ຕາມ​ວັດ​ວາ​ອາຮາມ​ຕ່າງໆ ກໍ່​ຈະ​ມີ​ພິທີ​ວຽນທຽນ ຂະ​ບວນ​ໄຫຼເຮືອໄຟຕາມ​ລຳ​ແມ່ນ້ຳຂອງ ແລະ ສາຍ​ນ້ຳ​ຕ່າງໆ ທົ່ວ​ນະຄອນຫຼວງ​ວຽງ​ຈັນ.

ສຳລັບ​ກິດຈະກຳ​ຊ່ວງ​ເຮືອ ແມ່ນ​ຈະ​ມີ​ໃນ​ຕອນ​ບ່າຍ​ຂອງ​ວັນທີ 8 ຕຸລາ ເວລາ 13:00-17:00 ໂມງ ເປັນ​ ການ​ແຂ່ງຂັນ​ຊ່ວງ​ເຮືອເພດ​ຍິງ ແລະ ເຮືອ​ກີລາ 12 ສີພາຍ ສ່ວນ​ໃນ​ວັນ​ທີ 9 ຕຸລາ ນັບ ແຕ່​ເວລາ 7:30-17:00 ໂມງ ຈະ​ສືບຕໍ່​ການ​ແຂ່ງຂັນ​ຊ່ວງ​ເຮືອປະເພດ​ນີ​ຍິງ ແລະ ແຂ່ງຂັນ​ເຮືອປະເພນີ​ຊາຍ ເຮືອ​ສູດ​ຊາຍ ນອກນັ້ນ ຍັງ​ຈະ​ມີ​ກິດຈະກຳ​ເຮືອ​ເຊີ້ງ ເຮືອ​ໄຟ​ຈຶ້ງ ແລະ ເຮືອ​ໄຟ​ໄຫຼ.

ນອກຈາກ​ນັ້ນ ການ​ກຳນົດຄ່າ​ຝາກ​ລົດ ລົດຈັກແມ່ນ 5.000 ກີບ ລົດ​ຕຸກໆ-ຈຳ​ໂບ້ 10.000 ກີບ ແລະ ລົດ​ໃຫຍ່ 15.000 ກີບ ຈຸດ​ນີ້​ແມ່ນ​ຈະ​ມີ​ເຈົ້າໜ້າທີ່​ການ​ຄ້າ​ ລົງ​ຕິດຕາມ​ກວດກາ​ໃນ​ໄລຍະ​ຈັດ​ງານ​ບຸນ ຈັດ​ວາງກຳລັງ​ປ້ອງ​ກັນ​ຄວາມ​ສະຫງົບຕາມ​ສະຖານທີ່​ຕ່າງໆ ແລະ ໃນປີ​ນີ້ ມີ​ການ​ສັ່ງ​ຫ້າມ​ຈູດ​ກະໂພກ ອອກ​ຄຳ​ສັ່ງ​ເພື່ອ​ເຮັດ​ໃຫ້​ງານ​ບຸນມີ​ຄວາມ​ສະຫງົບ​ຮຽບ​ຮ້ອຍ.

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ