Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ວັນທີ 16 ມິຖຸນາ 2020 ນີ້ ກອງບັນຊາການ ປກສ ແຂວງບໍລິ ຄຳໄຊ ໄດ້ຈັດຕັ້ງເຜີຍແຜ່ເຊື່ອມຊຶມຄຳສັ່ງແນະ ນຳວ່າດ້ວຍການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ໂດຍການເຜີຍແຜ່ຂອງ ພັທ ເຄນວອນ ລໍວັນໄຊ ຄະນະພັກ ຮອງຫົວໜ້າກອງບັນຊາການ ປກສ ແຂວງ, ມີຄະນະກອງບັນຊາການ, ຫົວໜ້າ, ຄະນະຫ້ອງ, ກອງ, ຄ້າຍຄຸມຂັງ-ດັດສ້າງ, ໂຮງ ຮຽນ ປກສ ຊັ້ນຕົ້ນເລກ 4 , ພະນັກງານ-ນັກຮົບ ເຂົ້າຮ່ວມຮັບຟັງ.

ພັທ ເຄນວອນ ລໍວັນໄຊ ກ່າວ ວ່າ ຄຳສັ່ງແນະນຳ ເລກທີ 01/ຄຕຟງ ລົງວັນທີ 8 ມັງກອນ 2020 ວ່າດ້ວຍການດຳເນີນຄະ ດີຟອກເງີນ ແລະ ການສະໜອງທຶນໃຫ້ແກ່ການກໍ່ການຮ້າຍ ປະກອບມີ 6 ໝວດ 26 ມາດຕາ, ເຊິ່ງຄຳສັ່ງສະບັບນີ້ ກຳນົດຫຼັກການ, ລະບຽບການ, ວິທີການ ແລະ ຂັ້ນຕອນຂອງການສືບສວນ-ສອບສວນ, ການສັ່ງຟ້ອງຜູ້ຖືກຫາ, ການຕັດສິນ ແລະ ການຈັດຕັ້ງປະຕິບັດຄຳຕັດສິນທີ່ໃຊ້ໄດ້ຢ່າງເດັດ ຂາດກ່ຽວ ກັບຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ເພື່ອຮັບປະກັນການຈັດຕັ້ງປະຕິບັດກົດໝາຍ ແລະ ນິຕິກຳອື່ນທີ່ກ່ຽວຂ້ອງກັບວຽກງານ ການຕ້ານການສະກັດກັ້ນການຟອກເງິນ ແລະ ການສະໜອງທຶນ ໃຫ້ແກ່ການກໍ່ການຮ້າຍ ແນໃສ່ໃຫ້ອົງການດຳເນີນຄະດີອາຍາ ມີບ່ອນອີງໃນການຈັດຕັ້ງປະຕິບັດຢ່າງມີ ປະສິດທິພາບ ແລະ ດຳລັດເລກທີ 127/ລບ ລົງວັນທີ 20 ກຸມພາ 2020 ວ່າດ້ວຍ ຄວາມຮັບຜິດຊອບ ໃນການຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ ແກ່ການກໍ່ການຮ້າຍ ລວມມີ 4 ໝວດ 16 ມາດຕາ, ດຳລັດສະບັບນີ້ ວາງອອກ ເພື່ອຜັນຂະຫຍາຍກົດ ໝາຍວ່າດ້ວຍການຕ້ານສະກັດກັ້ນ ການຟອກເງີນ ແລະ ການ ສະໜອງ ທຶນໃຫ້ແກ່ການກໍ່ການຮ້າຍແນ່ ໃສ່ເຮັດໃຫ້ການເຄື່ອນໄຫວຕ້ານ ສະກັດກັ້ນ ການຟອກເງິນ ແລະ ການສະໜອງທຶນໃຫ້ແກ່ການກໍ່ ການຮ້າຍຂອງກະຊວງ, ອົງການ ແລະ ຫົວໜ່ວຍທີ່ມີໜ້າທີ່ລາຍງານ ມີຄວາມ ຈະແຈ້ງ ແລະ ເປັນເອກະພາບ, ການເຜຍແຜ່ເຊື່ອມຊຶມຄຳສັ່ງແນະນຳ ແລະ ດຳລັດດັ່ງກ່າວໃນ ຄັ້ງນີ້ ກໍ່ເພື່ອ ແນ່ໃສ່ເຮັດໃຫ້ຄະນະພັກ, ຄະນະບັນຊາແຕ່ລະຂັ້ນພ້ອມ ດ້ວຍພະນັກງານ-ນັກຮົບທຸກສະ ຫາຍໄດ້ຮັບຮູ້ເຂົ້າໃຈ ໂດຍສະເພາະເຈົ້າໜ້າທີ່ ສືບສວນ-ສອບສວນກຳ ໄດ້ບັັນດາເນື້ອໃນ, ມາດຕະການ ຕ່າງໆຢູ່ໃນຄຳສັ່ງແນະນຳ ແລະ ດຳ ລັດສະບັບນີ້ ເພື່ອນຳໄປຈັດຕັ້ງປະຕິບັດໃຫ້ຖືກຕ້ອງ ແລະ ໄດ້ຮັບ ຜົນສຳເລັດຕາມລະດັບຄາດ ໝາຍ.

ຕອນທ້າຍທ່ານປະທານຍັງ ໄດ້ເນັ້ນໜັກໃຫ້ພະນັກງານ-ນັກ ຮົບທຸກສະຫາຍ ຈົ່ງເປັນເຈົ້າການ ນຳເອົາຄຳສັ່ງ ແນະນຳ ແລະ ດຳລັດ ສະບັບນີ້ ໄປໝູນໃຊ້ເຂົ້າໃນການ ເຄື່ອນໄຫວໜ້າທີ່ວຽກງານວິຊາ ສະເພາະຢ່າງເໝາະສົມ ເພື່ອເປັນການປົກປ້ອງສິດຜົນປະໂຫຍດ ອັນຊອບທຳຂອງຜົນລະເມືອງ ລາວ ແນ່ໃສ່ເພື່ອປົກປັກຮັກສາສະຖຽນ ລະພາບ ທາງດ້ານການເມືອງ, ຄວາມສະຫງົບ ແລະ ຄວາມເປັນ ລະບຽບຮຽບຮ້ອຍທາງສັງຄົມ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ