Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຮອງລັດຖະມົນຕີ ຊີ້ນຳປກສ ແຂວງບໍລິຄຳໄຊນຳພາການເມືອງ-ແນວຄິດໃຫ້ພະນັກງານນັກຮົບ

ພົຕກົງທອງພົງວິຈິດຮອງລັດຖະມົນຕີກະຊວງປກສໄດ້ຊີ້ນໍາຄະນະພັກ-ຄະນະບັນຊາກອງບັນຊາການ ປກສ ແຂວງ ບໍລິ ຄໍາໄຊ ຈົ່ງເອົາໃຈໃສ່ຊີ້ນໍາ-ນໍາພາ, ວຽກງານການເມືອງ-ແນວຄິດໃຫ້ພະນັກງານ-ນັກຮົບທຸກສະຫາຍໃຫ້ມີຄວາມອຸ່ນອຽນທຸ່ນ ທ່ຽງ, ມີແນວຄິດຫຼັກໝັ້ນຕໍ່ອຸດົມການຂອງພັກ-ລັດ, ຮັກສາມູນເຊື້ອອັນດີງາມຂອງຊາດກໍຄືກໍາລັງປ້ອງກັນຄວາມສະຫງົບ ປະຊາຊົນ, ປັບປຸງແບບແຜນວິທີເຮັດວຽກໃຫ້ແທດເໝາະກັບສະພາບຕົວຈິງ ໂດຍຕິດພັນກັບການຂະຫຍາຍຕົວຂອງສັງ ຄົມ, ກໍ່ສ້າງພະນັກງານ, ເຫຼົ່າຮົບວິຊາສະເພາະໃຫ້ມີຄວາມຮູ້ຄວາມສາມາດຕາມໄລຍະໃໝ່.

ການຊີ້ນໍາຄັ້ງນີ້, ມີຂຶ້ນໃນໂອກາດທີ່ທ່ານລົງຊີ້ນໍາວຽກງານວິຊາສະເພາະຢູ່ກອງບັນຊາການ ປກສ ແຂວງບໍລິຄໍາໄຊ ໃນວັນທີ 14 ມີນາ 2018, ທ່ານກ່າວວ່າ: ຄະນະພັກ-ຄະນະນໍາກອງບັນຊາການ ປກສ ແຂວງບໍລິຄໍາໄຊ ຈົ່ງພ້ອມ ກັນເປັນເຈົ້າການຢ່າງເຂັ້ມແຂງ ໃນການສ້າງແບບແຜນຊີ້ນໍາ-ນໍາພາວຽກງານດ້ານຕ່າງໆເປັນຕົ້ນແມ່ນວຽກງານຊີ້ນໍາ-ນໍາພາ ຄະນະນໍາທຸກຂັ້ນ, ທຸກຫ້ອງ, ພະແນກການ, ໜ່ວຍງານໃຫ້ເອົາໃຈໃສ່ໃນການສຶກສາອົບຮົມການເມືອງ-ນໍາພາແນວຄິດ ຂອງພະນັກງານ-ນັກຮົບໃຫ້ມີແນວຄິດຫຼັກໝັ້ນ, ການເມືອງໜັກແໜ້ນ, ເຊື່ອໝັ້ນຕໍ່ການນໍາພາຂອງພັກ-ລັດ, ແນວທາງ ນະໂຍບາຍ, ຈໍາແນກໄດ້ມິດ-ສັດຕຢ່າງຈະແຈ້ງ, ຫ້າວຫັນຕໍ່ໜ້າທີ່ການເມືອງທີ່ໄດ້ຮັບມອບໝາຍ, ເຮັດໜ້າທີ່ໃຫ້ມີຜົນສໍາ ເລັດ, ຖືກຕ້ອງຕາມຫຼັກການຈັນຍາບັນຂອງພະນັກງານກໍຄືຂອງກໍາລັງປ້ອງກັນຄວາມສະຫງົບ ໃຫ້ສົມກັບເປັນຜູ້ພິທັກສັນ ຕິລາດທີ່ປະຊາຊົນເພິ່ງພາອາໄສໄດ້.

ພັອ ທອງໃບ ລໍວັນໄຊ ຫົວໜ້າກອງບັນຊາການ ປກສ ແຂວງບໍລິຄໍາໄຊກ່າວວ່າ: ໃນ 3 ເດືອນຜ່ານມາ, ຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ຍົກສູງຄວາມຮັບຜິດຊອບ ຕໍ່ວຽກງານສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບ, ສະມາຊິກພັກເປັນປະຈໍາເຮັດພະນັກງານ-ນັກຮົບສ່ວນຫຼາຍໄດ້ມີຄຸນທາດການເມືອງໜັກແໜ້ນ, ມີແນວຄິດ ອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນໍາພາສະແດງອອກທົ່ວແຂວມີຄະດີເກີດຂຶ້ນທັງໝົດ 44 ເລື່ອງ, ສາມາດມ້າງໄດ້ 36 ເລື່ອງ, ກັກຕົວຜູ້ກະທໍາຜິດໄດ້ 52 ຄົນຍິງ 7 ຄົນ. ໃນນັ້ນ, ຄະດີຄ້າ-ຂາຍຢາເສບຕິດມີ 23 ເລື່ອງ, ກັກຜູ້ກະທໍາຜິດໄດ້ 33 ຄົນຍິງ 6 ຄົນ, ຂອງກາງທີ່ເກັບກູ້ມາໄດ້ມີຢາບ້າ 87.114 ເມັດ, ຢາໄອສ໌ 49 ກິໂລກຼາມ, ຢາຝິ່ນ 1 ຫຼອດນ້ອຍ, ອຸບັດຕິເຫດເກີດຂຶ້ນທັງໝົດ 34 ເລື່ອງ, ພາຫະນະເປ່ເພຈໍານວນ 61 ຄັນ, ຄົນໄດ້ຮັບບາດເຈັບ 64 ຄົນມີຜູ້ເສຍຊີວິດ 12 ຄົນຍິງ 5 ຄົນ, ອັກຄີໄພເກີດຂຶ້ນ 4 ຄັ້ງຜົນເສຍຫາຍເຮືອນປະຊາຊົນ 2 ຫຼັງ, ຫ້ອງການ 1 ຫຼັງ, ລົດເມ 1 ຄັນ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ