ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

    ທ່ານ ບຸນຍັງ ວໍລະຈິດ ເນັ້ນຄະນະພັກກະຊວງ ປກສ ເພີ່ມທະວີຊີ້ນຳແກ້ໄຂປະກົດ ການ ຫຍໍ້ໃນສັງຄົມ

     ໃນກອງປະຊຸມເປີດກວ້າງຄະນະບໍລິຫານງານພັກກະຊວງ ຄັ້ງທີ 13 ສະໄໝທີ III ທີ່ຈັດຂຶ້ນໃນ ວັນທີ 16 ກໍລະກົດນີ້, ທ່ານ ບຸນຍັງ ວໍລະຈິດ ກໍາມະການກົມການເມືອງສູນກາງພັກ ຜູ້ປະຈໍາການ ຄະນະເລຂາທິການສູນກາງພັກ ຮອງປະທານປະເທດໄດ້ເນັ້ນໃຫ້ ຄະນະພັກ - ຄະນະບັນ ຊາກະຊວງ ປກສ ແລະ ທ້ອງຖິ່ນ ຈົ່ງພ້ອມກັນສຸມໃສ່ປະຕິບັດ ໂຄງການແກ້ໄຂປະກົດການຫຍໍ້ທໍ້ໃນສັງຄົມ ໃຫ້ກວ້າງ ຂວາງ ແລະ ມີປະສິດຕິຜົນເພື່ອຮັບປະກັນໃຫ້ສັງຄົມມີຄວາມສະຫງົບປອດໄພ.

ທ່ານ ບຸນຍັງ ວໍລະຈິດ ກ່າວວ່າ: ເພື່ອສືບຕໍ່ແກ້ໄຂບັນດາປະກົດການຫຍໍ້ທໍ້ໃນສັງຄົມ ເຮົາໃຫ້ຫຼຸດ ໜ້ອຍຖ້ອຍລົງໃນຕໍ່ໜ້ານີ້ ຄະນະພັກ - ຄະນະບັນຊາ ແລະ ພະນັກງານ - ນັກຮົບທົ່ວກໍາລັງ ປກສ ຕ້ອງ ສືບຕໍ່ປະຕິບັດໂຄງການແກ້ໄຂປະກົດການ ຫຍໍ້ທໍ້ໃນສັງຄົມຕາມແຜນການທີ່ກໍານົດໄວ້ ໃຫ້ກາຍເປັນຂະ  ບວນການທົ່ວສັງຄົມຢ່າງແທ້ຈິງ ແລະ ຮັບປະກັນໃຫ້ສັງຄົມມີຄວາມສະຫງົບປອດໄພ  ເຊິ່ງຕ້ອງຮູ້ໃຊ້ວິ ຊາສະເພາະເຂົ້າໃນການສະກັດກັ້ນ ແລະ ແກ້ໄຂໜໍ່ແໜງປັດໄຈທີ່ບໍ່ດີ ແລະ ກໍາຈັດບັນຫາທີ່ເປັນ ໄພຕໍ່ສັງຄົມ, ຕໍ່ຄວາມໝັ້ນຄົງຂອງຊາດ ແລະ ສ້າງເງື່ອນໄຂຄວາມພ້ອມທຸກດ້ານໃຫ້ ແກ່ຄວາມສະຫງົບ ສຸກຂອງສັງຄົມ; ນອກຈາກນີ້ຍັງຕ້ອງ ສືບຕໍ່ຫັນລົງກໍ່ສ້າງຮາກຖານ ການເມືອງ, ການພັດທະນາຊົນ ນະບົດຮອບດ້ານ ກໍຄືການສ້າງບ້ານ ແລະ ກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍ ພ້ອມທັງເລັ່ງໃສ່ປັບປຸງກໍາລັງປ້ອງກັນຄວາມສະຫງົບ ຢູ່ຂັ້ນຮາກຖານໃຫ້ມີຄວາມໜັກແໜ້ນທາງດ້ານ ການ ເມືອງ ແລະ ເຂັ້ມແຂງດ້ານການ ຕັ້ງມີຄວາມສາມາດດ້ານວິຊາສະເພາະ, ຮູ້ປຸກລະດົມຂົນຂວາຍ ປະຊາ ຊົນໃຫ້ມີຄວາມຕື່ນຕົວເຂົ້າຮ່ວມວຽກງານປ້ອງກັນຊາດ - ປ້ອງກັນຄວາມສະຫງົບຢ່າງແຂງແຮງ ແລະ ກວ້າງ ກວ່າເກົ່າຄຽງຄູ່ກັບການເອົາໃຈໃສ່ກໍາແໜ້ນສະພາບການ, ກໍາແໜ້ນກົນອຸບາຍ, ແຜນການ - ວິທີ່ ການມ້າງເພທໍາລາຍຂອງພວກສັດຕູ ແລະ ກຸ່ມຄົນບໍ່ດີທັງຢູ່ພາຍໃນ ແລະ ຕ່າງປະເທດ ໂດຍສຸ່ມໃສ່ຕາ ໜ່າງສືບຂ່າວທີ່ມີຄຸນນະພາບໃຫ້ຫຼາຍຂຶ້ນ.

ໃນກອງປະຊຸມໄດ້ສະຫຼຸບການຈັດຕັ້ງປະຕິບັດວຽກງານຂອງອົງຄະນະພັກກະຊວງໃນ 6 ເດືອນຕົ້ນ ປີ 2014 ແລະ ທິດທາງແຜນການໃນ 6 ເດືອນທ້າຍປີນີ້ໂດຍໄດ້ຍົກໃຫ້ເຫັນວ່າ: ຄະນະພັກ - ຄະນະ ບັນຊາພວກເຮົາທຸກຂັ້ນໄດ້ເອົາໃຈໃສ່ຊີ້ນໍາ - ນໍາພາວຽກງານປ້ອງກັນຊາດ - ປ້ອງກັນຄວາມສະຫງົບ ຢ່າງ ໃກ້ຊິດຕິດແທດ ສາມາດຮັກສາສະຖຽນລະພາບທາງດ້ານການເມືອງມີຄວາມສະຫງົບໂດຍພື້ນຖານ, ສາ ມາດກໍາແໜ້ນ ແລະ ແກ້ໄຂສະພາບການທີ່ເກີດຂຶ້ນໃຫ້ທັນເວລາ.

ໃນ 6 ເດືອນຕົ້ນປີ 2014 ມີຄະດີອາຍາເກີດຂຶ້ນທັງໝົດ 2.211 ລາຍ, ສາມາດມ້າງໄດ້ 645 ລາຍ, ກັກຕົວຕ້ອງຫາໄດ້ 2.298 ຄົນ, ມີອຸປະຕິເຫດເກີດຂຶ້ນທັງໝົດ 3.056 ລາຍ, ພາຫະນະເປ່ເພ 4.864 ຄັນ, ຄົນໄດ້ຮັບາດເຈັບ 5.193 ຄົນ ແລະ ເສຍຊີວິດ 556 ຄົນ, ມີອະຄີໄພເກີດຂຶ້ນທັງໝົດ 98 ຄັ້ງ ເຊິ່ງສ້າງມູນຄ່າເສຍຫາຍເກືອບ  17 ຕື້ກີບ, ມີຄະດີຢາເສບຕິດເກີດຂຶ້ນທັງໝົດ 747 ລາຍ ກັກຕົວ 1.163 ຄົນ.

ໃຫ້ກຽດເປັນປະທານໃນກອງປະຊຸມດັ່ງກ່າວໂດຍທ່ານ ພົຈວ ສົມແກ້ວ ສີລາວົງ ຮັກສາການລັດ ຖະມົນຕີວ່າການກະຊວງ ປກສ, ມີບັນດາຄະນະປະຈໍາ, ຄະນະບໍລິຫານງານກະຊວງ, ຄະນະພັກອ້ອມ ຂ້າງກະຊວງ ແລະ ກົມກອງທ້ອງຖິ່ນທົ່ວປະເທດເຂົ້າຮ່ວມ ເຊິ່ງກອງປະຊຸມດັ່ງກາວແມ່ນຈະດໍາເນີນໄປ ເປັນເວລາ 2 ວັນ ( 16 - 17 ກໍລະກົດ 2014 ) ເຊິ່ງຄະນະຜູ້ແທນຍັງໄດ້ພ້ອມກັນເຊື່ອມຊຶມເນື້ອໃນຈິດ ໃຈຂອງມະຕິກອງປະຊຸມຄົບຄະນະສູນກາງພັກ ຄັ້ງທີ VIII, ແນະນໍາການກະກຽມ ແລະ ດໍາເນີນກອງ ປະຊຸມໃຫຍ່ຂອງອົງຄະນະພັກກະຊວງ ຄັ້ງທີ IV ເປັນຕົ້ນແມ່ນຮ່າງບົດລາຍງານການເມືອງ ແລະ ທິດ ທາງວຽກງານຍຸດທະສາດ ປີ 2014 - 2015 ແລະ ວິໄສທັດຮອດປີ 2016.

 

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ