ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

   ສະຫາຍ ດຣ. ບຸນປອນ ບຸດຕະນະວົງ ຕ້ອນຮັບຄະນະຜູ້ແທນສັນຕິພາບຫວຽດນາມ

  ເນື່ອງ​ໃນ​ໂອກາດ​ທີ່​ທາງ​ຄະນະ​ຜູ້​ແທນ​ສັນຕິພາບ ​ສສ ຫວຽດນາມ ນຳ​ໂດຍ​ສະຫາຍ ຟາມ ວັນເຈືອງ ອະດີດ​ຮອງ​ຫົວໜ້າ​ຄະນະພົວພັນ​ຕ່າງປະເທດ ​ສູນ​ກາງ​ພັກກອມ​ມູ​ນິດຫວຽດນາມ ຮອງ​ປະທານ​ຄະນະ​ສັນ ຕິພາບຫວຽດນາມ ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ໃນລະຫວ່າງ ວັນ​ທີ 21-25 ກໍລະກົດ 2014 ໃນ​ວັນ​ທີ 22 ກໍລະກົດ 2014 ທາງ​ຄະນະ​ຜູ້​ແທນ ໄດ້​ເຂົ້າຢ້ຽມ​ຄຳນັບ ສະຫາຍ ​ດຣ. ບຸນ​ປອນ ບຸດ​ຕະ​ນະ​ວົງ ກຳ​ມະການ​ກົມ​ການເມືອງ​ສູນ​ກາງ​ພັກ ຄະນະ​ເລຂາທິການ​ສູນ​ກາງ​ພັກ ຫົວໜ້າ​ ຫ້ອງ​ວ່າການ​ສູນ​ກາງ​ພັກ ຢູ່​ທີ່​ຫ້ອງ​ວ່າການ​ສູນ​ກາງ​ພັກ.

  ໂອກາດ​ນີ້​ສະຫາຍ ​ດຣ. ບຸນ​ປອນ ບຸດ​ຕະ​ນະ​ວົງ ກໍ່​ໄດ້​ກ່າວຕ້ອນຮັບ​ທາງ​ຄະນະ​ຜູ້​ແທນ ດ້ວຍບັນຍາ ກາດ​ອັນ​ອົບ​ອຸ່ນເຕັມ​ໄປດ້ວຍ​ໄມຕີ​ຈິດ​ມິດຕະພາບ ພ້ອມທັງ​ຕີ​ລາ​ສູງ​ຕໍ່​ການ​ເດີນທາງ​ມາຢ້ຽມຢາມ ແລະ ເຮັດ​ ວຽກຂອງຄະນະ​ຜູ້​ແທນ​ໃນ​ຄັ້ງ​ນີ້ ອັນ​ເປັນການ​ປະກອບສ່ວນ​ຮັດ​ ແໜ້ນ​ສາຍພົວພັນ​ມິດຕະພາບຄວາມ​ສາ ມັກ​ຄີ​ພິເສດ ແລະ ການ​ຮ່ວມ​ມືຮອບດ້ານ ລະຫວ່າງສອງ​ພັກ ສອງ​ລັດ ກໍ່​ຄື​ປະຊາຊົນ​ສອງ​ຊາດລາວ - ຫວຽດນາມ ທີ່​ມີ​ມູນເຊື້ອມາ​ແຕ່​ດົນ​ນານໃຫ້​ນັບ​ມື້​ເພີ່ມ​ພູນຄູນ​ສ້າງກ້າວ​ຂຶ້ນ​ຢ່າງ​ບໍ່​ຢຸດ​ຢັ້ງ ພ້ອມ​ທັງ​ອວຍພອນ​ ໃຫ້​ທາງ​ຄະນະ​ຈົ່ງ​ປະສົບ​ຜົນສຳເລັດ​ໃນ​ການເດີນທາງ​ມາ​ຢ້ຽມຢາມ ແລະ ເຮັດ​ວຽກຢູ່ ​ສປປ ລາວ ​ໃນ​ຄັ້ງ​ນີ້.

   ຂ່າວ​ແຈ້ງ​ຕື່ມ​ວ່າ: ໃນ​ວັນດຽວ​ກັນທາງ​ຄະນະ​ຜູ້​ແທນ ກໍ່​ໄດ້ພົບ​ປະກັນ​ກັບ​ຄະນະ​ຜູ້​ແທນ​ສັນຕິພາບ ແລະ ສາມັກຄີ​ຂອງ​ລາວ ໂດຍ​ມີ​ສະຫາຍ ຄຳ​ພັນ ສີມ​ມະລາ​ວົງ ປະທານ​ຄະນະ​ສັນຕິພາບ ແລະ ສາມັກຄີ​ລາວ ພ້ອມ​ດ້ວຍຄະນະຢູ່​ທີ່​ໂຮງແຮມ​ວຽງ​ຈັນພລາ​ຊານະຄອນຫຼວງ​ວຽງ​ຈັນ ເຊິ່ງ​ທັງ​ສອງ​ຝ່າຍ​ຕ່າງ​ກໍ່​ໄດ້​ແຈ້ງສະ ພາບ​ການ​ພັດທະນາ​ເສດ​ຖະກິດ - ສັງຄົມ ໂດຍ​ຫຍໍ້​ຂອງ​ແຕ່ລະ​ປະເທດ​ໃຫ້​ກັນ​ຊາບ ພ້ອມ​ທັງຍົກ​ບັນຫາ​ສະ ພາບ​ພາກ​ພື້ນ ແລະ ສາກົນ​ທີ່​ພົ້ນ​ເດັ່ນມາ​ປຶກສາ​ຫາລື​ຖອດ​ຖອນ​ບົດຮຽນ​ກ່ຽວ​ກັບ​ ວຽກງານ​ການເຄື່ອນໄຫວ​ ວຽກ​ງານ​ສັນຕິພາບ ພ້ອມ​ທັງ​ສືບຕໍ່​ສະໜັບສະ​ໜູນ​ຊ່ວຍເຫຼືອ​ເຊິ່ງ​ກັນ ແລະ ກັນ ຢູ່​ໃນ​ເວທີ​ພາກ​ພື້ນ ແລະ ສາກົນ.

 

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ