ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 

Username 

Password 

LOG IN

 
 
 
 
ແຈ້ງເຫດ ສຸກເສີນ: 1191
 
 
 

 

  

ເພີ່ມກຳລັງ ຕມ ກຽມພ້ອມເຂົ້າປະຊາຊົນຄົມເສດຖະກິດອາຊຽນ

ກົມໃຫຍ່ສັນຕິບານ ກະຊວງ ປກສ ໄດ້ບັນຈຸສັບຊ້ອນກຳລັງໃໝ່ ແລະ ກຳລັງທົດແທນ 103 ຄົນ, ຍິງ 22 ຄົນ ໃຫ້ກົມກອງ ຕ່າງໆ ອ້ອມຂ້າງກົມໃຫຍ່ສັນຕິບານ ໂດຍສັບຊ້ອນໃຫ້ກົມຕຳຫຼວດກວດຄົນເຂົ້າ-ອອກເມືອງ 96 ຄົນ ເພື່ອກຽມພ້ອມຮັບມື້ໃນການ ເຂົ້າເປັນ ປະຊາຄົມເສດຖະກິດອາຊຽນ ຫຼື AEC ໃນຕໍ່ໜ້ານີ້, ກຳລັງໃໝ່ ແລະ ກຳລັງທົດແທນທີ່ກົມໃຫຍ່ສັນຕິບານສັບຊ້ອນ ໃຫ້ກົມກອງຕ່າງໆປະກອບຊັ້ນຮ້ອຍຕີ 91 ຄົນ, ວາທີ 12 ຄົນ, ເຊິ່ງສ່ວນຫຼາຍແມ່ນຮຽນຈົບຂະແໜງໄອທີ ແລະ ພາສາຕ່າງ ປະເທດ.

ເຈົ້າໜ້າທີ່ກ່າວວ່າ: ພາຍຫຼັງທີ່ ສປປ ລາວໄດ້ເຂົ້າ AEC ແລ້ວແນ່ນອນວ່າຈະມີຊາວຕ່າງປະເທດເຂົ້າມາເປັນຈຳນວນຫຼວງຫຼາຍ ເຊິ່ງມີຄວາມຮຽກຮ້ອງໃຫ້ກຳລັງ ຕາມ ທີ່ປະຈຳແຕ່ລະດ້ານຕ້ອງມີຈຳນວນເພີ່ມຂຶ້ນ ແລະ ມີຄວາມຊຳນິຊຳນານທາງດ້ານວຽກງານ ວິຊາສະເພາະສູງຂຶ້ນກວ່າເກົ່າ ເປັນຕົ້ນດ້ານໄອທີ ແລະ ພາສາຕ່າງປະເທດ ພ້ອມທັງເຂັ້ມງວດຕໍ່ການກວດກາຄົນເຂົ້າ-ອອກ ເມືອງ ແນໃສ່ໃຫ້ ສປປ ລາວ ສືບຕໍ່ມີຄວາມສະຫງົບໂດຍພື້ນຖານ.

ທ່ານ ພົຈວ ບຸນທ່ຽງ ຈັນທະມຸງຄຸນ ຫົວໜ້າກົມໃຫຍ່ສັນຕິບານ ໄດ້ໂອ້ລົມຕໍ່ກຳລັງໃໝ່ໃນວັນທີ 20 ມິຖຸນາ 2014 ວ່າ: ບັນດາ ກຳລັງໃໝ່ ແລະ ກຳລັງທົດແທນທີ່ກ້າວເຂົ້າມາເປັນກຳລັງຕ້ອງໄດ້ຝຶກຝົນຫຼໍ່ຫຼອມຕົນເອງໃນການບຸກບຶນຫ້າວຫັນປະຕິບັດ ໜ້າທີ່ ຢ່າງສຸດຄວາມສາມາດ ເພາະວ່າ ທຸກວຽກງານໃນຂົງເຂດສັນຕິບານ ແມ່ນມີຄວາມສຳຄັນຫຼາຍໃນການປົກປັກຮັກສາຄວາມ ສະຫງົບທາງດ້ານການເມືອງ ໃຫ້ປະເທດຊາດມີຄວາມສະຫງົບສຸກ ຈະເລີນກ້າວໜ້າ ແລະ ໃຫ້ປະຊາຊົນດຳລັງຊີວິດດ້ວຍ ຄວາມຢູ່ເຢັນເປັນສຸກ, ຈຳແນກໄດ້ມີດ-ສັດຕູ ຢ່າງຈະແຈ້ງ, ເຖິງແມ່ນວ່າວຽກງານດັ່ງກ່າວຈະຫຍຸ້ງຍາກພຽງໃດກໍຕາມ ໃຫ້ບັນດາ ພະນັກງານ-ນັກຮົບໃໝ່ ຈົ່ງຖືວ່າເປັນໜ້າທີ່ອັນມີກຽດສະຫງ່າງາມທີ່ພັກ-ລັດ ແລະ ປະຊາຊົນມອບໝາຍໃຫ້ ແລະ ຈົ່ງພ້ອມກັນ ເຮັດສຳເລັດໜ້າທີ່.

ຄຽງຄູ່ກັນນີ້, ທ່ານຍັງໄດ້ເນັ້ນໃຫ້ບັນດາກຳລັງໃໝ່ ຈົ່ງປະຕິບັດລະບຽບຄຳສັ່ງຂອງກຳລັງປ້ອງກັນຄວາມສະຫງົບຢ່າງເຂັ້ມງວດ ເປັນຕົ້ນ: ລະບຽບການນຸ່ງຖື, ການໄປ-ມາ, ການຄົບລົບເຊິ່ງກັນແລະກັນ ລະຫວ່າງຂັ້ນເທິງ-ຂັ້ນລຸ່ມ ພ້ອມທັງເປັນແບບຢ່າງທີ່ດີ ໃຫ້ທຸກຊັ້ນຄົນໃນການດຳລັງຊີວິດດ້ວຍຄວາມປອດໃສຂາວສະອາດ, ຮູ້ຈັກປະຢັດມັດທະຍັດ ເພື່ອສ້າງໃຫ້ຕົນເອງກາຍເປັນກຳລັງ ປກສ ກໍຄືກຳລັງສັນຕິບານທີ່ເຂັ້ມແຂງໃນທຸກດ້ານ.

ໂອກາດດຽວກັນ, ບັນດາກຳລັງໃໝ່ກໍໄດ້ຮັບຮູ້ເຊື່ອມຊຶມກ່ຽວກັບກົດໝາຍ ວ່າດ້ວຍກຳລັງປ້ອງກັນຄວາມສະຫງົບປະຊາຊົນ ແລະ ເອກະສານກ່ຽວກັບທີ່ຕັ້ງ, ພາລະບົດບາດ, ສິດ ແລະ ໜ້າທີ່ຂອງກົມໃຫຍ່ສັນຕິບານ ເພື່ອເປັນບົດຮຽນນຳໃຊ້ເຂົ້າໃນການ ປະຕິບັດໜ້າທີ່ວິຊາສະເພາະໃຫ້ຖືກຕ້ອງຕາມລະບຽບຂອງກຳລັງປ້ອງກັນຄວາມສະຫງົບ.

* ຄັດຈາກ: ໜັງສືພິມ ສຽງຂອງກຳລັງປ້ອງກັນຄວາມສະຫງົບປະຊາຊົນລາວ, ສະບັບວັນທີ: 25-6-2014

 
 

ເລືອກພາສາ:

  |

 
 
 
 
 
 

 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ