ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 

 

  

ກອງປະຊຸມໃຫຍ່ຄັ້ງທີ II ໜ່ວຍພັກກົມຄຸ້ມຄອງທະນາຄານທຸລະກິດ

ກອງປະຊຸມໃຫຍ່ຄັ້ງ ທີ II ໜ່ວຍພັກກົມຄຸ້ມຄອງທະນາຄານທຸລະກິດ ທະນາຄານ ແຫ່ງ ສປປ ລາວ (ທຫລ) ໄດ້ໄຂ ຂຶ້ນ ແລະ ສຳເລັດລົງໃນວັນທີ 8 ກໍລະກົດ ທີ່ສຳນັກງານທະນາ ຄານດັ່ງກ່າວພາຍໃຕ້ການເປັນ ປະທານຂອງສະຫາຍ ພຸດທະ ໄຊ ສີວິໄລ ຄະນະພັກ ທຫລ, ເລຂາໜ່ວຍພັກ - ຫົວໜ້າກົມ ຄຸ້ມຄອງ ທະນາຄານທຸລະກິດ ໂດຍການໃຫ້ກຽດເຂົ້າຮ່ວມ ຂອງສະຫາຍ ຄຳວົງ ທິບພະວົງ ຮອງເລຂາຄະນະພັກ ທຫລ - ຮອງຜູ້ວ່າການ ທຫລ ຊຶ່ງມີບັນ ດາຄະນະພັກຮາກຖານ - ຄະ ນະໜ່ວຍພັກ, ຜູ້ແທນສົມບູນ ແລະ ແຂກຖືກເຊີນເຂົ້າຮ່ວມ.

   ກອງປະຊຸມຄັ້ງນີ້ໄດ້ສະຫຼຸຸບຕີລາຄາຄືນໝາກຜົນແຫ່ງການນຳພາ ແລະ ຈັດຕັ້ງປະຕິ ບັດວຽກງານຂອງ ໜ່ວຍພັກໃນ ໄລຍະຜ່ານ ມາ ພາຍໃຕ້ການນຳພາຂອງອົງຄະນະພັກ ທຫລ ຄະນະໜ່ວຍພັກຍາມໃດກໍໄດ້ ຖືສຳຄັນວຽກງານສຶກສາອົບ ຮົມການເມືອງແນວ ຄິດດ້ວຍຫຼາຍຮູບການອັນໄດ້ເຮັດໃຫ້ສະມາຊິກພັກ, ພະນັກ ງານ ມີແນວຄິດອຸ່ນອ່ຽນທຸ່ນທ່ຽງ, ມີຄວາມຮັບຜິດຊອບຕໍ່ໜ້າທີ່ ວຽກງານ ສາມາດເຮັດສຳເລັດ ໜ້າທີ່ ການເມືອງຂອງຕົນໄດ້ ເປັນຢ່າງດີ.

  ວຽກງານພັກ - ພະນັກງານ ແລະ ວຽກງານກວດກາໄດ້ສຳ ເລັດການແຍກບັນດາພະແນກ ຕາມເງື່ອນໄຂ ແລະ ຄວາມຮຽກ ຮ້ອງຕ້ອງການຂອງວຽກງານໄລ ຍະໃໝ່, ສ້າງມະຫາຊົນຜູ້ກ້າວ ໜ້າເຂົ້າຮຽນສະໜັບ ສະໜູນ 17 ສະຫາຍ, ຮຽນກົດລະບຽບ ພັກ 14 ສະຫາຍ, ກໍ່ສ້າງມະ ຫາຊົນຜູ້ກ້າວໜ້າເຂົ້າພັກ ໄດ້ 10 ສະຫາຍ, ການຂະ ຫຍາຍພັກທຽບໃສ່ແຜນປະຕິ ບັດໄດ້ 111%, ມີສະມາຊິກ ພັກ - ພະນັກງານຍົກລະດັບ ທິດສະດີການເມືອງ 11 ສະ ຫາຍ ແລະ ວິຊາສະເພາະຈຳ ນວນ 355 ເທື່ອຄົນ, ຈາກຜົນ ງານທີ່ຍາດ ມາໄດ້ໃນຊຸມປີ ຜ່ານມານັ້ນ ໜ່ວຍພັກກົມຄຸ້ມ ຄອງທະນາຄານທຸລະກິດ ຊຶ່ງ ໄດ້ຖືກຮັບຮອງເປັນໜ່ວຍພັກ ເຂັມແຂງ - ຮູ້ນຳພາຮອບດ້ານ 4 ສະໄໝ.

   ກອງປະຊຸມຍັງໄດ້ຜ່ານທິດທາງແຜນການແຕ່ນີ້ຮອດ ປີ 2016, ຈາກນັ້ນກໍໄດ້ດຳເນີນ ການປ່ອນບັດ ຄັດເລືອກເອົາ ຄະນະໜ່ວຍ ພັກຊຸດໃໝ່, ສະຫາຍ ພຸດທະໄຊ ສີວິໄລ ໄດ້ ຮັບເລືອກເປັນເລຂາໜ່ວຍພັກ, ສະຫາຍນາງ ອ່ອນຈັນ ໄຊຄຳ ເພັງ ເປັນຮອງເລຂາ ແລະ ສະຫາຍນາງ ທິບພະວັນຈັນ ທະຜາສຸກ ເປັນກຳມະການ - ທັງເປັນຜູ້ເຮັດວຽກງານກວດກາ ພ້ອມນີ້ກອງປະຊຸມຍັງໄດ້ ປ່ອນບັດເລືອກເອົາຜູ້ແທນ ເຂົ້າຮ່ວມກອງປະຊຸມໃຫຍ່ຄັ້ງທີ III ອົງຄະນະພັກ ທຫລ ທີ່ຈະ ໄຂຂຶ້ນໃນຕໍ່ໜ້ານີ້.

 
 

ເລືອກພາສາ:

  |

 
 
 
 
 
 

 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ