ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ອາຊຽນຈະປັບປຸງລະບຽບການຕ່າງໆ ໃນສັນຍາການຄ້າເສລີ

ວັນ​ທີ 20-21 ຕຸລາ 2014 ກະຊວງ​ອຸດສາຫະກຳ ແລະ ການຄ້າ ຈັດ​ກອງ​ປະຊຸມ​ອາ​ນຸ​ກຳ​ມະການ ​ວ່າ​ດ້ວຍ ​ແຫຼ່ງ​ກຳເນີດ​ສິນຄ້າ ພາຍ​ໃຕ້​ສັນຍາ​ການ​ຄ້າ​ດ້ານ​ສິນຄ້າ​ອາ​ຊຽນ ຄັ້ງ​ທີ 16 ທີ່​ໂຮງແຮມດອນ​ຈັນ​ພາ​ເລດ ນະຄອນຫຼວງວຽງ​ຈັນ ໂດຍ​ເປັນ​ປະທານ​ຂອງທ່ານ ເຂັມ​ເດັດ ສີ​ຫາ​ວົງ ຮອງຫົວໜ້າ​ກົມ​ນຳ​ເຂົ້າ ແລະ ສົ່ງອອກ ກະຊວງ​ອຸດສາຫະກຳ ແລະ ການ​ຄ້າ ເຊິ່ງ​ມີ​ຄະນະ​ຜູ້​ແທນຈາກ​ບັນດາ​ປະເທດ​ສະມາຊິກ​ອາຊຽນ 10 ປະເທດ​ເຂົ້າ​ຮ່ວມ.

ກອງ​ປະຊຸມ​ຄັ້ງ​ນີ້ ເພື່ອ​ປຶກສາ​ຫາລື​ກັບ​ບັນດາ​ປະເທດ​ສະມາຊິກ​ອາ​ຊຽນ ​ກ່ຽວ​ກັບ​ການ​ປັບປຸງລະບຽບ​ການ ​ຕ່າງໆ ​ໃນ​ສັນຍາການ​ຄ້າ​ເສລີ​ອາ​ຊຽນ ​ໃຫ້​ມີ​ເນື້ອໃນ​ຄົບ​ຖ້ວນ ແລະ ຮັດກຸມ​ກວ່າເກົ່າ ໂດຍ​ສະເພາະແມ່ນ​ ວຽກງານ​ຕ່າງໆ ​ທີ່​ຕິດ​ພັນ​ກັບ​ລະບຽບແຫຼ່ງ​ກຳເນີດ​ສິນຄ້າ ເຊັ່ນ: ການປັບປຸງ​ສັນຍາ​ການ​ຄ້າ​ເສລີ​ອາຊຽນ ​ໃຫ້​ສາມາດ​ຮອງ​ຮັບ​ການອອກ​ໃບຢັ້ງຢືນ​ແຫຼ່ງ​ກຳເນີດ​ສິນຄ້າ​ ຜ່ານ​ລະບົບ​ອີ​ເລັກ​ໂຕຣ​ນິກ ການ​ເຈລະຈາ​ ເພື່ອ​ລົບ​ລ້າງ​ມູນຄ່າ FOB ແລະ From D ໃນ​ທຸກກໍລະນີ​ທີ່​ໄດ້​ຍົກ​ຂຶ້ນ ໂດຍ​ປະເທດສະມາຊິກ​ອາ​ຊຽນ ເຊັ່ນ: ສິງ​ກາໂປ ບຣູ​ໄນ ແລະ ມາ​ເລ​ເຊຍ ອີກດ້ານ​ໜຶ່ງ​ການ​ຈັດ​ກອງ​ປະຊຸມ​ຄັ້ງນີ້​ ກໍ່​ເປັນ​ການ​ປັບປຸງ​ຂັ້ນ​ຂອດ​ ການດຳເນີນ​ເອກະສານ​ໃຫ້​ກະທັດ​ຮັດ ແລະ ມີ​ຄວາມ​ສະດວກ​ຂຶ້ນ ພ້ອມນັ້ນ ກໍ່​ເພື່ອ​ລາຍ​ງານ​ຄວາມ​ຄືບໜ້າ ​ກ່ຽວ​ກັບ​ວຽກ​ງານ ​ທີ່​ໄດ້​ຈັດ​ຕັ້ງ​ປະຕິບັດ​ຜ່ານ​ມາ ເຊັ່ນ: ໂຄງການທົດ​ລອງ​ຢັ້ງຢືນ​ແຫຼ່ງ​ກຳເນີດ​ດ້ວຍຕົວ​ເອງ.

ຜົນສຳເລັດ​ກອງ​ປະຊຸມ​ຄັ້ງ​ນີ້ ແມ່ນ​ຈະ​ໄດ້​ນຳໄປ​ລາຍ​ງານ​ຕໍ່ກອງ​ປະຊຸມ ​ຄະນະ​ກຳມະການ​ປະສານ​ງານ​ຈັດ​ຕັ້ງ ​ປະຕິບັດ​ສັນຍາການ​ຄ້າ ດ້ານ​ສິນຄ້າ​ອາ​ຊຽນ ຄັ້ງທີ 16 ທີ່​ຈະ​ໄດ້​ຈັດ​ຂຶ້ນ​ໃນ​ວັນ​ທີ 22-24 ຕຸລາ 2014 ເພື່ອ​ຮັບຮອງ​ເອົາ​ຜົນ​ຂອງ​ການ​ປຶກສາຫາລື​ ຂອງ​ກອງ​ປະຊຸມ​ອະນຸ​ກຳມະ​ການ ວ່າ​ດ້ວຍ​ແຫຼ່ງ​ກຳເນີດສິນຄ້າ ​ພາຍ​ໃຕ້​ສັນຍາ​ການ​ຄ້າດ້ານ​ສິນຄ້າ​ອາ​ຊຽນ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ