ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 

 

  

ກອງບັນຊາການປ້ອງກັນທີ່ຕັ້ງປະກາດປັບປຸງການຈັດຕັ້ງ

ວັນທີ 3 ກໍລະກົດນີ້, ກອງບັນຊາການປ້ອງກັນທີ່ຕັ້ງກະຊວງ ປກສ ໄດ້ປະກາດການຈັດຕັ້ງຂັ້ນຫ້ອງ, ກອງພັນທີ່ຂຶ້ນ ກັບ ກອງບັນຊາການເພື່ອ ຮັບປະກັນໃຫ້ແກ່ການຊີ້ນຳ - ບັນຊາປະຕິບັດໜ້າທີ່ການເມືອງ - ວິຊາສະເພາະ ໃຫ້ມີປະສິດທິຜົນມີ ຄວາມ ສຳເລັດດີຂຶ້ນກວ່າເກົ່າ; ໃຫ້ກຽດເປັນປະທານໂດຍ ທ່ານ ພັອ ບຸບຜາ ສີພົມມາ ຫົວໜ້າ ກອງບັນຊາການ, ມີບັນດາພະນັກ ງານຫຼັກແຫຼ່ງ ຂັ້ນນໍາພາບັນຊາ 4 ຫ້ອງ, 3 ກອງພັນ, ກອງຮ້ອຍເອກະລາດ ຕະຫຼອດຮອດພະນັກງານ -ນັກຮົບ ເຂົ້າຮ່ວມ.

ທ່ານ ພັອ ທອງໃບ ລໍວັນໄຊ ຮອງກອງບັນຊາການປ້ອງກັນທີ່ຕັ້ງ ໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງ ປ້ອງກັນຄວາມ ສະຫງົບສະບັບເລກທີ 1604/ກມປສ ລົງວັນທີ 11 ມິຖຸນາ 2014 ວ່າດ້ວຍການແຕ່ງຕັ້ງຫົວໜ້າ ແລະ ຮອງບັນດາຫ້ອງ, ກອງພັນທີ່ຂຶ້ນກັບ ກອງບັນຊາການປ້ອງກັນທີ່ຕັ້ງ. ໃນນີ້, ໄດ້ແຕ່ງຕັ້ງ ທ່ານ ພັທ ວິຊຽນ ຊິນນະວົງ ເປັນຫົວໜ້າ ຫ້ອງເສນາທິການ; ທ່ານ ພັທ ນາງບຸນທ່ຽງ ພົມແພງມີ ເປັນຫົວໜ້າ ຫ້ອງການເມືອງ, ທ່ານ ພັທ ສົມພອນ ບຸນທະເພັງ ແລະ ທ່ານ ຮອ ນາງຈັນທະຈອນ ທໍາມະວົງ ເປັນຮອງ; ທ່ານ ພັທ ອ່ອນຕາ ເພັດບູລີ ເປັນຫົວໜ້າ ຫ້ອງພະລາທິການ; ທ່ານ ພັທ ໄຊເຕົາວີລະຈິດ ເປັນຮອງກອງພັນ 205; ທ່ານ ພັທ ບຸນເພັງ ສີສຸມັງ ເປັນຫົວໜ້າ ກອງພັນ 206, ທ່ານ ພັທ ຄໍາທີ ເພົ້າບຸນລະປານ ແລະ ທ່ານ ພັທ ພົມມີໄຊ ດວງຊະນະ ເປັນຮອງ; ທ່ານ ພັທ ຄໍາພູ ມີດີມາກ ເປັນຫົວໜ້າ ກອງພັນ 207, ທ່ານ ພັທ ທອງວັນ ໄຊຍະພອນ ແລະ ທ່ານ ພັທ ທອງພູນ ແກ້ວວົງໄຊ ເປັນຮອງ; ສໍາລັບຫົວໜ້າ ແລະ ຮອງ ໃນຕໍາແໜ່ງ ຕ່າງໆທີ່ມີຢູ່ ແລ້ວ ແມ່ນຮັກສາໄວ້ຄືເກົ່າ.

ນອກນັ້ນ, ຍັງໄດ້ປະກາດການແຕ່ງຕັ້ງຫົວໜ້າ ແລະ ຮອງບັນດາພະແນກຂອງບັນດາຫ້ອງ, ຫົວໜ້າ ແລະ ຮອງກອງຮ້ອຍ, ຫົວໜ້າ - ຮອງໝວດ, ໝູ່ຂອງບັນດາກອງພັນ - ກອງຮ້ອຍເອກະລາດທີ່ຂຶ້ນກັບ ກອງບັນຊາການປ້ອງກັນທີ່ຕັ້ງອີກຈໍານວນໜຶ່ງ.

  ທ່ານ ພັອ ບຸບຜາ ສີພົມມາ ໄດ້ເນັ້ນໃຫ້ຫົວໜ້າ ແລະ ຮອງຫ້ອງ, ກອງພັນ, ພະແນກ, ກອງຮ້ອຍ, ໝວດ ແລະ ໝູ່ຊຸດໃໝ່ ທີ່ ຂຶ້ນກັບກອງບັນຊາການໃນຄັ້ງນີ້.       

ຈົ່ງເອົາໃຈໃສ່ປະຕິບັດໜ້າທີ່ວິຊາສະເພາະ ທີ່ໄດ້ຮັບການມອບໝາຍ ຢ່າງສຸດຄວາມສາມາດເພື່ອ ຍາດໃຫ້ ໄດ້ຜົນງານໄຊຊະນະ ໃໝ່ ໃຫຍ່ຫຼວງກວ່າເກົ່າ; ເພີ່ມທະວີຄວາມຮັບຜິດຊອບ ໃນການເປັນແບບຢ່າງ ນຳໜ້າປະຕິບັດໜ້າທີ່ການເມືອງ ທີ່ການຈັດຕັ້ງຂັ້ນ ເທິງ ມອບໝາຍໃຫ້ສຳເລັດຜົນສູງສຸດ.

*ຄັດຈາກ: ໜັງສືພີມສຽງຂອງກຳລັງປ້ອງກັນຄວາມສະຫງົບປະຊາຊົນລາວ, ສະບັບວັນທີ 07/07/2014

 

 
 
 
 
 

ເລືອກພາສາ:

  |

 
 
 
 
 
 

 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ