ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ເປີດກວ້າງວຽກງານດ້ານການຄ້າ ເພື່ອກ້າວເຂົ້າສູ່ AEC

ັນ​ທີ 16 ທັນວາ 2014 ຢູ່​ທີ່ສູນ​ການ​ຮ່ວມ​ມື​ສາກົນ ລາວ-ຍີ່ປຸ່ນ (ຫຼັກ 5) ນະຄອນຫຼວງ​ວຽງຈັນ ສະຖານທູດ​ ອັງກິດ ປະຈຳ ​ສປປ ລາວ ຮ່ວມ​ກັບ​ກົມ​ນະ​ໂຍບາຍ​ການ​ຄ້າ​ຕ່າງປະເທດ ກະຊວງ​ອຸດສາຫະກຳ ແລະ ການ​ຄ້າ ໄດ້​ຈັດ​ງານ​ແລກປ່ຽນ​ຄວາມ​ຄິດເຫັນ​ລະຫວ່າງ​ພາກ​ລັດ ແລະ ທຸລະ​ກິດ ວຽກ​ງານ​ການ​ເຊື່ອມ​ໂຍງ ເສດຖະກິດ​ສາກົນ ພາຍຫຼັງ​ທີ່ ​ສປປ ລາວ ເຂົ້າ​ເປັນ​ສະມາຊິກອົງການ​ການ​ຄ້າ​ໂລກ (WTO) ແລະ ການ​ ກະກຽມ​ເຂົ້າ​ສູ່​ປະຊາຄົມ​ເສດຖະກິດ​ອາ​ຊຽນ (AEC) ໃນ​ປີ 2015 ນີ້ ເຂົ້າ​ຮ່ວມ​ງານຄັ້ງ​ນີ້​ມີ​ທ່ານ ​ດຣ. ລາວ​ຮົວ ເຈີ​ຈິງ ຮອງ​ຫົວໜ້າ​ກົມ​ນະໂຍບາຍ​ການຄ້າ​ຕ່າງປະເທດ ທ່ານ ຟິ​ລິບ ມາ​ໂລນ ເອກ​ອັກຄະລາຊະທູດອັງກິດ ​ປະຈຳ​ລາວ ພ້ອມ​ດ້ວຍ​ຜູ້ຕາງໜ້າ​ຈາກ​ກົມ ພະແນກການຄ້າ ນັກທຸລະກິດ ແລະ ແຂກ​ທີ່ຖືກ​ເຊີນ​ເຂົ້າ​ຮ່ວມ.

ໂອກາດ​ດັ່ງກ່າວ ທ່ານ ສັນຕິ​ສຸກ ພູນ​ສະ​ຫວັດ ຫົວໜ້າ​ພະແນກການ​ຄ້າ​ຫຼາຍ​ຝ່າຍ ໄດ້ອະທິບາຍກ່ຽວ​ກັບ​ ຄວາມ​ໝາຍຄວາມ​ຈຳເປັນ ແລະ ທິດ​ທາງຂອງ​ການ​ເຊື່ອມ​ໂຍງ ການ​ເປີດກວ້າງ​ດ້ານ​ການ​ຄ້າ-ການ​ລົງທຶນ ເປັນຕົ້ນ​ແມ່ນ​ການ​ເຄື່ອນ​ຍ້າຍ​ສິນຄ້າ ການ​ລົງທຶນ​ຢ່າງ​ເສລີ ແລະ ການ​ເຄື່ອນ​ຍ້າຍ​ແຮງ​ງານ​ມີ​ສີມື ທັງ​ນີ້​ກໍ່​ເພື່ອ ​ແນໃສ່​ເປີດ​ໂອກາດໃຫ້​ພາກ​ລັດ-ທຸລະ​ກິດ ໄດ້​ຮ່ວມແລກປ່ຽນ​ຄຳ​ຄິດ​ເຫັນ ​ທີ່​ຕິດ​ພັນກັບ​ການ​ເຊື່ອມ​ໂຍງ​ໃນ​ຂອບ WTO ແລະ AEC ໂດຍ​ສະເພາະແມ່ນ​ ວຽກ​ງານ​ນະໂຍບາຍການ​ຄ້າ​ຕ່າງປະເທດ ນຳ​ເຂົ້າ-ສົ່ງ​ອອກ ສຸ​ຂະ​ນາ​ໄມ-ສຸຂາ​ນາ​ໄມ ພືດ ພາສີ ແລະ ເຕັກນິກ​ມາດ​ຕະຖານ​ສິນຄ້າ ແລະ ການ​ບໍລິການ ພ້ອມ​ນັ້ນ ໃນ​ງານ​ຍັງ​ໄດ້​ຮັບ​ຟັງຄວາມ​ຄິດ​ເຫັນ​ ບັນຫາ​ທີ່​ຫົວໜ່ວຍ​ທຸລະ​ກິດ​ພົບພໍ້ ເປີດ​ໂອກາດ​ໃຫ້​ມີການ​ແລກປ່ຽນ ແລະ ສະໜອງຂໍ້​ມູນ​ທີ່​ຈຳເປັນ ​ຕໍ່​ການ​ກະກຽມ​ທຸລະ​ກິດ​ໃນ​ໄລຍະ​ທີ່ ​ສປປ ລາວ ໄດ້ເປັນ​ສະມາຊິກ WTO ແລະ ກຳລັງ​ກ້າວ​ເຂົ້າ​ສູ່ AEC ແລະ ໃນຂະນະ​ດຽວ​ກັນ ຈະ​ເປີດ​ໂອກາດໃຫ້​ນັກທຸລະກິດ​ໄດ້​ຮັບ​ຂໍ້​ມູນ​ທີ່​ຕົນ ຕ້ອງການຜ່ານ​ການ​ຖາມ-ຕອບໂດຍ​ກົງ ​ຕໍ່​ພະນັກງານ​ຜູ້​ຮັບ​ຜິດຊອບ​ວຽກ​ງານ​ທີ່​ຕິດ​ພັນ​ກັບ​ການຄ້າ ແລະ ທັງ​ເປັນ​ໂອກາດໃນ​ການ​ສ້າງ​ຕາ​ໜ່າງ ການ​ພົວພັນລະຫວ່າງນັກທຸລະກິດ​ທັງພາກ​ລັດ-ເອກະ​ຊົນ ດ້ວຍ​ກັນ ​ຕື່ມອີກ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ