ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ອົງການ NEDA ຈະສືບຕໍ່ໃຫ້ການພັດທະນານະຄອນຫຼວງ

ວັນ​ທີ 24 ມິຖຸນາ ທີ່​ສຳນັກງານ​ຫ້ອງ​ວ່າການ​ປົກຄອງ ນະຄອນຫຼວງ​ວຽງ​ຈັນ ທ່ານ ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ ນະຄອນຫຼວງ​ວຽງ​ຈັນ ໄດ້​ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ຂອງ​ທ່ານ ເນ​ວິນ ສິນ​ສິ​ຣິ ຜູ້ອຳນວຍການ​ສຳນັກງານ​ຄວາມ​ຮ່ວມ​ມື ພັດທະນາ​ເສດຖະກິດ​ກັບ​ປະເທດ​ເພື່ອນ​ບ້ານ (NEDA) ປະເທດ​ໄທ ພ້ອມ​ຄະນະ​ໃນ​ໂອກາດ​ທີ່​ໄດ້​ຂຶ້ນ​ຮັບ​ຕຳແໜ່ງ​ໃໝ່.

ການ​ເຂົ້າ​ຢ້ຽມ​ຄຳນັບ​ຄັ້ງ​ນີ້ ທ່ານ​ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ໄດ້​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ ແລະ ສະແດງ​ຄວາມ​ຊົມເຊີຍ​ ຕໍ່​ການ​ໄດ້​ຮັບ​ຕຳແໜ່ງ​ໃໝ່​ຂອງ​ທ່ານ ເນ​ວິນ ສິນ​ສິ​ຣິ ຄັ້ງ​ນີ້ ພ້ອມ​ດຽວ​ກັນ​ນັ້ນ ກໍ່​ໄດ້​ສະແດງ​ຄວາມ​ຊົມເຊີຍ​ຕໍ່​ການ​ເດີນທາງ​ມາ​ ຢ້ຽມຢາມ ​ສປປ ລາວ ກໍ່​ຄື​ນະຄອນຫຼວງ​ວຽງ​ຈັນ ເຊິ່ງ​ຈະ​ເປັນ​ການ​ປະກອບສ່ວນ​ສຳຄັນ ເຂົ້າ​ໃນ​ການ​ເສີມ​ສ້າງ​ສາຍ​ພົວພັນ ແລະ ການ​ຮ່ວມ​ມື​ລະຫວ່າງ​ສອງ​ປະເທດ ລາວ-ໄທ ທີ່​ມີ​ມາ​ແຕ່​ດົນ​ນານ ໃຫ້​ໄດ້​ຮັບ​ການ​ຂະຫຍາຍຕົວ​ຢ່າງ​ບໍ່​ຢຸດ​ຢັ້ງ.

ພ້ອມ​ນັ້ນ ທ່ານ​ຍັງ​ໄດ້​ສະແດງ​ຄວາມ​ຂອບໃຈ​ຕໍ່​ການ​ໃຫ້ການ​ຊ່ວຍເຫຼືອ​ຂອງ​ອົງການ NEDA ໃນ​ໄລຍະ​ຜ່ານ​ມາ ກໍ່​ຄື​ປັດຈຸບັນ ໂດຍ​ສະເພາະ​ແມ່ນ​ການ​ຊ່ວຍເຫຼືອ​ເຂົ້າ​ໃນ​ໂຄງການ​ກໍ່ສ້າງ​ພື້ນຖານ​ໂຄງ​ລ່າງ ເຊິ່ງ​ປະກອບສ່ວນ​ສຳຄັນ​ເຂົ້າ​ໃນ​ການ​ພັດທະນາ​ ເສດຖະກິດ ສັງຄົມ​ຂອງ ​ສປປ ລາວ ໄດ້​ຢ່າງ​ຫຼວງຫຼາຍ ແລະ ຫວັງ​ວ່າ​ອົງການ NEDA ຈະ​ສືບຕໍ່​ໃຫ້ການ​ຊ່ວຍເຫຼືອ​ໃນ​ການ ​ພັດທະນາ​ນະຄອນຫຼວງ​ວຽງ​ຈັນ.

ທ່ານ ເນ​ວິນ ສິນ​ສິ​ຣິ ໄດ້​ສະແດງ​ຄວາມ​ຂອບໃຈ ຕໍ່​ການ​ຕ້ອນຮັບ​ຂອງ​ທ່ານ​ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ​ຄັ້ງ​ນີ້ ພ້ອມ​ກ່າວ​ວ່າ ຈະ​ສືບຕໍ່​ໃຫ້ການ​ຊ່ວຍເຫຼືອ​ເຂົ້າ​ໃນ​ການ​ພັດທະນາ​ຕົວ​ເມືອງ ນະຄອນຫຼວງ​ວຽງ​ຈັນ ເພື່ອ​ກະກຽມ​ສະເຫຼີມສະຫຼອງ ຄົບຮອບ 40 ປີ ວັນ​ສະຖາປະນາ ສາທາລະນະ​ລັດ ປະຊາທິປະໄຕ ປະຊາຊົນ​ລາວ (2 ທັນວາ 1975-2 ທັນວາ 2015) ກະກຽມ​ເຂົ້າ​ສູ່​ປະຊາ​ຄົມ​ ເສດຖະກິດ​ອາ​ຊຽນ ໃນ​ປີ 2015 ພ້ອມ​ທັງ​ກຽມພ້ອມ​ຕໍ່​ການ​ເປັນ​ເຈົ້າພາບ​ກອງ​ປະຊຸມ​ອາ​ຊຽນ​ຂອງ ​ສປປ ລາວ ໃນ​ປີ 2016.

 

* ຄັດຈາກ: ໜັງສືພິມວຽງຈັນໃໝ່, ສະບັບວັນທີ 26-6-2014

 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ