ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Lao Public Security
Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

  ອາຊຽນ ໃຫ້ຄວາມສຳຄັນການກວດສອບອາຫານ ທີ່ມີການປ່ຽນແປງຄຸນລັກສະນະ

  ວັນ​ທີ 14-15ສິງຫາ 2014ນີ້ ສະ​ຖາ​ບັນ​ນິເວດ​ວິທະຍາ ແລະ ເຕັກ​ໂນ​ໂລ​ຊີຊີວະ​ພາບ ກະຊວງວິທະ ຍາສາດ ແລະ ເຕັກ​ໂນ​ໂລ​ຊີ ໄດ້​ເປັນ​ເຈົ້າພາບ​ຈັດ​ກອງ​ປະຊຸມເຄືອ​ຂ່າຍ​ອາ​ຊຽນ​ຄັ້ງ​ທີ 11ກ່ຽວກັບ​ການ ​ກວດ​ສອບ​ອາຫານ ທີ່​ມີການ​ປ່ຽນແປງ​ຄຸນ​ລັກສະນະ​ດ້ານພັນທຸ​ກຳ​ຂຶ້ນທີ່​ໂຮງແຮມ​ລາວພລາ​ຊາ ນະຄອນ ຫຼວງ​ວຽງ​ຈັນ  ເປັນ​ປະທານ​ຂອງ​ທ່ານ ​ດຣ. ສຸ​ລິ​ອຸ​ດົງ ສຸນ​ດາລາ ຫົວໜ້າ​ສະຖາ​ບັນ​ນິ ເວດ​ວິທະຍາ ແລະ ເຕັກໂນ​ໂລ​ຊີ​ຊີວະ​ພາບ ໃຫ້​ກຽດ​ເຂົ້າຮ່ວມ​ມີ​ທ່ານ ຫຸມພັນ ອິນ​ທະ​ຣາດ ລັດຖະມົນຕີ​ຊ່ວຍ​ວ່າການ​ກະຊວງ ​ວິທະຍາສາດ ແລະ ເຕັກ​ໂນ​ໂລ​ຊີ ມີ​ຕົວ​ແທນ​ຈາກ​ບັນ ດາ​ປະເທດ ສະ​ມະ​ຊິກ​ອາ​ຊຽນ ກອງ​ເລຂາ​ອາ ຊຽນ ບັນດາ​ປະເທດ​ຄູ່​ຮ່ວມ​ເຈລະ​ຈາ ແລະ ​ສປປ ລາວ ເຂົ້າຮ່ວມ​ຈຳນວນ 40ທ່ານ.

   ກອງ​ປະຊຸມ​ຄັ້ງ​ນີ້​ແມ່ນ​ເພື່ອປຶກສາ​ຫາລື​ ກ່ຽວ​ກັບ​ບັນດາ​ໜ້າວຽກ​ຄວາມ​ຄືບ​ໜ້າ ແລະ ການຮ່ວມ​ມື​ລະ ດັບ​ພາກ​ພື້ນ​ໃນ​ຂົງເຂດວຽກ​ງານ​ກວດ​ສອບ​ອາຫານ ໄດ້ຈາກ​ການ​ປ່ຽນແປງ​ຄຸນ​ລັກສະນະ​ດ້ານ​ພັນທຸ​ກຳ(Genetic modified food) ເພື່ອ​ເປັນ​ການເປີດ​ໂອກາດ​ໃຫ້​ບັນດາ​ປະເທດ​ສະມາຊິກ​ອາ​ຊຽນ​ ໄດ້​ມີ​ການ ​ພົບ​ປະ ແລະ ແລກປ່ຽນ​ບົດຮຽນ​ ໃນ​ຂົງເຂດ​ວຽກ​ງານ​ດັ່ງກ່າວ ນອກຈາກນີ້ໃນ​ກອງ​ປະຊຸມ​ຍັງ​ໄດ້​ຮັບ​ຟັງ ການ​ຂຶ້ນ​ລາຍ​ງານ​ສະພາບຄວາມ ​ຄືບ​ໜ້າ​ກ່ຽວ​ກັບ​ ວຽກ​ງານທີ່​ຜ່ານ​ມາ ຈາກ​ຕົວ​ແທນ​ຂອງ​ບັນດາ​ ປະເທດ​ ສະມາຊິກ​ອາ​ຊຽນເຊິ່ງ​ໃນ​ນາມ​ປະເທດ​ເຈົ້າພາບຮ່ວມ​ກັບ​ກອງ​ເລຂາ​ອາ​ຊຽນ​ໄດ້ຮີບ​ໂຮມ​ຜົນສຳເລັດ​ກອງ​ປະ ຊຸມເພື່ອ​ລາຍ​ງານ​ ຕໍ່​ກອງ​ປະຊຸມ​ ຜູ້ອາວຸໂສ​ອາ​ຊຽນ​ດ້ານ​ກະສິກຳ ແລະ ປ່າໄມ້ ຄັ້ງ​ທີ 35 ໃນ​ວັນ​ທີ 18 ສິງຫາ 2014ທີ່​ປະເທດ​ມາ​ເລເຊຍ (35th SSOM AMAF).

  ການ​ຈັດ​ກອງ​ປະຊຸມ​ຄັ້ງ​ນີ້ ນອກຈາກ​ຈະ​ເປັນ​ການ​ປະຕິບັດພັນທະ​ຂອງ ​ສປປ ລາວ ຍັງ​ມີ​ຄວາມ​ສຳຄັນ ແລະມີ​ຜົນ​ປະໂຫຍດ​ຕໍ່​ວຽກງານ​ການ​ກວດ​ສອບ​ອາຫານ ຈາກ​ສິ່ງ​ທີ່​ມີ​ຊີວິດ​ທີ່​ມີ​ການ​ປ່ຽນແປງ​ຄຸນ​ລັກສະນະ ​ດ້ານ​ພັນທຸ​ກຳ ແລກປ່ຽນ​ບົດຮຽນໃນ​ການ​ຈັດຕັ້ງປະຕິບັດ​ກົດໝາຍ​ວ່າ​ດ້ວຍຄວາມ​ປອດ​ໄພ​ດ້ານ​ເຕັກ​ໂນ​ໂລ​ຊີ ຊີວະ​ພາບ​ຂອງ ​ສປປ ລາວ ແລະ ຍັງ​ຈະ​ເປັນ​ການ​ຍາດ​ແຍ່ງ​ການຮ່ວມ​ມື​ຈາກ​ບັນດາ​ປະເທດ​ຄູ່​ຮ່ວມເຈ ລະຈາ.

 

 

 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ