ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  
ສປປ ລາວ ໃຫ້ຄວາມສຳຄັນ ໃນການສະກັດກັ້ນການຄ້າມະນຸດ

  ຄະນະ​ກຳມະການ​ຊີ້​ນຳ​ລະດັບຊາດ​ຕ້ານ​ການ​ຄ້າ​ມະນຸດ ໄດ້​ຈັດງານ​ໂຮມ​ຊຸມນຸມພື່ອ​ສະເຫຼີມ​ສະຫຼອງ​ວັນ​ສາ ກົນ​ຕ້ານ​ການ​ຄ້າ​ມະນຸດ​ຂຶ້ນ ວັນ​ທີ 12 ທັນວາ 2014 ທີ່​ຫໍ​ປະຊຸມ​ແຫ່ງ​ຊາດ ເປັນ​ປະທານ​ຂອງ​ ທ່ານ ອາ ​ຊາງ ລາວ​ລີ ຮອງ​ນາຍົກລັດຖະມົນຕີ ປະທານຄະນະ​ຊີ້​ນຳ​ລະດັບ​ຊາດ​ຕ້ານການ​ຄ້າ​ມະນຸດ ມີ​ຄະນະ​ຊີ້​ ນຳ​ລະດັບ​ຊາດ​ຕ້ານ​ການ​ຄ້າ​ມະນຸດ ບັນດາ​ທູຕານຸທູດ ກົງ​ສູນ​ກິ​ຕິ​ມະ​ສັກ ອົງ​ການຈັດຕັ້ງ​ສາກົນອົງການຈັດ ​ຕັ້ງບໍ່​ສັງກັດ​ລັດຖະບານ ຜູ້ຕາງໜ້າ​ຈາກ​ກະຊວງ ອົງການອ້ອມ​ຂ້າງ​ສູນ​ກາງ ແລະ ຊາວ​ນະຄອນ​ຫຼວງ​ວຽງ ​ຈັນ​ເຂົ້າ​ຮ່ວມ​ພັນກວ່າ​ຄົນ.

  ການ​ຈັດ​ໂຮມ​ຊຸມນຸມ​ໃນ​ຄັ້ງ​ນີ້ ໄດ້​ຈັດ​ຂຶ້ນ​ເພື່ອ​ລະນຶກ​ເຖິງ​ວັນ​ສາກົນ​ຕ້ານ​ການ​ຄ້າ​ມະນຸດ ເພື່ອ​ສະແດງ​ພະ ລັງ​ແຮງ​ຂອງ​ປະຊາຊົນລາວ​ທັງ​ຊາດ ຮ່ວມ​ກັບ​ປະຊາຊາດ​ໃນ​ໂລກ ເພື່ອ​ຕໍ່ສູ້​ຕ້ານ​ການຄ້າ​ມະນຸດ​ຢູ່​ໃນ​ໂລກ ກໍ່​ຄື ​ສປປ ລາວ ນັບ​ແຕ່​ປີ 2004 ເປັນຕົ້ນມາ ລັດຖະບານ ​ສປປ ລາວ ໄດ້ເອົາໃຈໃສ່ ແລະ ຖື​ສຳຄັນ ​ວຽກງານ​ສະກັດ​ກັ້ນ ແລະ ຕ້ານ​ການຄ້າ​ມະນຸດ ໄດ້​ຮ່ວມ​ກັບ​ບັນດາ​ປະເທດ​ເພື່ອນ​ມິດ ອົງ​ການຈັດຕັ້ງສາກົນ ແລະພາກສ່ວນ​ທີ່​ກ່ຽວຂ້ອງ​ດຳເນີນ​ໂຄງການກິດຈະກຳຕ່າງໆ ເພື່ອ​ຕອບ​ໂຕ້​ການ​ຄ້າ​ມະນຸດ​ຢ່າງ​ຕັ້ງໜ້າ ແລະ ສາມາດເຮັດ​ສຳເລັດ​ໃນ​ຫຼາຍ​ດ້ານ ຍາດໄດ້​ວຽກ​ງານ​ພົ້ນ​ເດັ່ນຄື: ລັດ​ຖະບານ​ໄດ້​ມີ​ກົນ​ໄກ​ຕ້ານ​ການ​ຄ້າ​ມະນຸດ ​ຢູ່​ຂັ້ນ​ສູນ​ກາງ ແລະ ທ້ອງຖິ່ນ ໂດຍ​ສ້າງຕັ້ງ​ຄະນະ​ຊີ້​ນຳ​ລະດັບຊາດ​ຕ້ານ​ການ​ຄ້າ​ມະນຸດ ແລະ ມີ​ກອງ​ເລຂາ​ ເປັນ​ເສນາ​ທິ​ການເຮັດ​ວຽກ​ຕົວ​ຈິງ ​ໃຫ້​ຄະນະ​ຊີ້​ນຳລະດັບ​ຊາດ​ຕ້ານ​ການ​ຄ້າ​ມະນຸດ ມີ​ແຜນ​ງານ​ແຫ່ງ​ຊາດ ​ກ່ຽວ​ກັບການ​ສະກັດ​ກັ້ນ ແລະ ຕ້ານ​ການຄ້າ​ມະນຸດ​ເປັນ​ອັນ​ສະເພາະ ລວມທັງ​ໄດ້​ສະໜອງ​ງົບປະມານເພື່ອ ຈັດ​ຕັ້ງ​ປະຕິບັດ​ແຜນ​ງານ​ດັ່ງກ່າວ ໄດ້​ມີ​ກົດໝາຍ​ກ່ຽວຂ້ອງ​ກັບ​ການສະກັດ​ກັ້ນ ແລະ ຕ້ານ​ການ​ຄ້າມະນຸດ ພ້ອມ​ທັງ​ໄດ້​ນຳ​ໃຊ້​ກົດໝາຍ​ເຫຼົ່ານັ້ນ​ ເຂົ້າ​ໃນ​ການ​ດຳເນີນ​ຄະດີ​ຕໍ່​ຜູ້​ກະທຳ​ຜິດ ແລະ ຊ່ວຍເຫຼືອ​ຜູ້​ຖືກ​ເຄາະ ​ຮ້າຍ​ຢ່າງ​ມີປະ​ສິດທິ​ຜົນ ປັດຈຸບັນ ພວມ​ຮ່າງກົດໝາຍ​ວ່າ​ດ້ວຍ​ການ​ຕ້ານ​ການຄ້າ​ມະນຸດ ຄາດ​ວ່າ​ຈະ​ສຳເລັດ ແລະ ຮັບຮອງ​ໃນ​ທ້າຍ​ປີ 2015.

   ລັດຖະບານ​ໄດ້​ຖືກ​ສຳຄັນ​ ວຽກງານ​ສະກັດ​ກັ້ນ​ການ​ຄ້າ​ມະນຸດ ໂດຍ​ເອົາໃຈໃສ່​ສຶກ​ສາ​ອົບຮົມສ້າງ​ສະຕິ ເຄົາລົບ ແລະ ປະຕິບັດກົດໝາຍ ໂຄສະນາ​ປູກ​ຈິດ​ສຳນຶກກ່ຽວ​ກັບ​ການ​ຄ້າ​ມະນຸດ​ດ້ວຍຫຼາຍ​ຮູບ​ການສົ່ງ ເສີມ​ການ​ສຶກສາ​ເພື່ອ​ໝົດ​ທຸກ​ຄົນ ການ​ເຝິກ​ອົບຮົມ​ວິຊາ​ຊີບ-ພັດທະນາ​ສີມື​ແຮງງານ ​ເພື່ອ​ສ້າງ​ວຽກ​ເຮັດງານ ​ທຳແລະ ດຳເນີນ​ໂຄງການ​ລົບ​ລ້າງຄວາມທຸກ​ຍາກ ​ໃນ​ຂອບ​ເຂດ​ທົ່ວປະເທດ ແນໃສ່​ຫຼຸດຜ່ອນ​ບັນດາສາ ເຫດ​ທີ່​ພາໃຫ້​ເກີດ​ການ​ຄ້າ​ມະນຸດ ໃນ​ປີ 2013-2014 ສາມາດນຳ​ເອົາ​ຜູ້​ກະທຳ​ຜິດ​ມາ​ລົງໂທດດຳເນີນ​ຄະ ດີ​ຄ້າ​ມະນຸດທັງ​ໝົດ 90 ເລື່ອງ ຜູ້​ຖືກ​ຫາ 129 ຄົນ ຜູ້ຖືກ​ເຄາະ​ຮ້າຍ 242 ຄົນ ແລະ ສຳພາດຜູ້​ຖືກ​ ເຄາະຮ້າຍ​ສົ່ງ​ມາແຕ່​ປະເທດ​ໃກ້​ຄຽງ ຈຳນວນ 236 ຄົນ ພ້ອມ​ນັ້ນ​ຍັງ​ເປີດ​ໃຊ້​ໂທລະ​ສັບ​ສາຍ​ດ່ວນ​ເບີ 1300 ເພື່ອຮັບ​ແຈ້ງ​ກ່ຽວ​ກັບ​ການ​ຄ້າ​ມະນຸດ ທີ່​ຂຶ້ນ​ກັບ​ກະຊວງ​ປ້ອງ​ກັນ​ຄວາມສະຫງົບ ແລະ ໂທລະສັບ​ສາຍດ່ວນ​ ຕ້ານ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່ຍິງ ເບີ 1362 ຂຶ້ນ​ກັບ​ສູນສະຫະພັນ​ແມ່ຍິງ​ລາວ ແລະ ຊ່ວຍເຫຼືອ​ອັນ​ຈຳ ເປັນ​ດ້ານ​ການກິນ​ຢູ່​ພັກ​ເຊົາ ດ້ານ​ການ​ແພດ ດ້ານ​ກົດໝາຍ ແລະ ການ​ເຝິກອົບຮົມ​ວິຊາ​ຊີບ ແລະ ການ​ ກັບຄືນ​ສູ່​ສັງຄົມ ແກ່​ຜູ້​ເຄາະ​ຮ້າຍຈາກ​ການ​ຄ້າ​ມະນຸດ ທັງ​ພາຍ​ໃນ ແລະ ຕ່າງປະເທດ.

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ