ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Lao Public Security
Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ລາວ-ຈີນ ເພີ່ມທະວີການຮ່ວມມື ວຽກງານແກ້ໄຂຄວາມທຸກຍາກ

   ຄະນະ​ພັດທະນາ​ຊົນນະບົດ-ລຶບລ້າງ​ຄວາມທຸກ​ຍາກ​ຂັ້ນ​ສູນກາງແຫ່ງ ​ສປປ ລາວ ແລະ ສູນສາກົນ​ຫຼຸດ ຜ່ອນ​ຄວາມທຸກ​ຍາກແຫ່ງ ​ສປ ຈີນ ເພີ່ມ​ທະວີ​ການຮ່ວມ​ມື​ໃນ​ການ​ແກ້​ໄຂ​ຄວາມທຸກຍາກ ຕາມ​ກອບ​ສັນຍາ ​ແມ່​ບົດການ​ຮ່ວມ​ມື​ດ້ານ​ເສດຖະກິດ​ເຕັກນິກ ລາວ - ຈີນ ທີ່​ລັດຖະບານ​ທັງສອງ​ຝ່າຍ​ໄດ້​ເຊັນ.

   ການ​ພົບ​ປະ​ສອງ​ຝ່າຍ ໄດ້​ມີຂຶ້ນ​ໃນ​ວັນ​ທີ 4 ສິງຫາ ທີ່​ໂຮງແຮມ​ລາວ​ພລາ​ຊາ ເຊິ່ງ​ຝ່າຍ​ລາວ​ນຳ​ ໂດຍ ທ່ານ ບຸນ​ເຮືອງ ດວງ​ພະຈັນ ລັດຖະມົນຕີ​ປະຈຳ​ຫ້ອງການ​ລັດຖະບານ ຫົວໜ້າຄະນະ​ພັດທະນາ​ຊົນນະ ບົດ ແລະ ລຶບລ້າງ​ຄວາມທຸກ​ຍາກ​ຂັ້ນ​ສູນ​ກາງ ແລະ ​ຝ່າຍ​ຈີນນຳ​ໂດຍ ທ່ານ ຫຼິວ ຢົງ​ຟູ້ ລັດຖະມົນຕີ ຮອງ ​ຫົວໜ້າ​ຄະນະ​ຊີ້​ນຳ​ການ​ແກ້​ໄຂ​ຄວາມທຸກ​ຍາກ ແລະ ການພັດທະນາ ການ​ພົບ​ປະ​ສອງ​ຝ່າຍຄັ້ງ​ນີ້​ໄດ້​ ແຈ້ງ​ສະພາບ​ລວມ​ການເຄື່ອນ​ໄຫວ ​ຈັດ​ຕັ້ງ​ປະຕິບັດ​ວຽກງານ​ແກ້​ໄຂ​ຄວາມທຸກ​ຍາກ.

   ທ່ານ ຫຼິວ ຢົງຟູ້ ກ່າວ​ວ່າ: ພັກ - ລັດຖະບານ​ຈີນ ໄດ້​ເອົາໃຈໃສ່​ໃນ​ການ​ແກ້​ໄຂ​ຄວາມທຸກ​ຍາກເປັນ​ແຕ່​ ລະໄລຍະ​ມາເຮັດ​ໃຫ້ວຽກ​ງານ​ດັ່ງກ່າວ​ມາ ​ໄດ້​ມີ​ການຂະຫຍາຍຕົວ​ຢ່າງ​ຕໍ່​ເນື່ອງຢ່າງໃດ​ກໍ່​ຕາມ​ການ​ແກ້​ໄຂ​ ຄວາມທຸກຍາກ​ແມ່ນ​ຍັງ​ຈະ​ສືບຕໍ່​ເອົາໃຈໃສ່ໃຫ້​ປະສົບ​ຜົນສຳເລັດ ໂດຍ​ໄດ້ວາງ​ຄາດໝາຍ​ໃຫ້​ຫຼຸດພົ້ນ​ອອກ ຈາກ​ຄວາມທຸກ​ຍາກ ​ໃນ​ປີ 2020 ໃນ​ຈຳນວນ​ຄົນ​ທີ່​ທຸກ​ຍາກ 90 ລ້ານ​ຄົນ.

   ທ່ານ ບຸນ​ເຮືອງ ດວງ​ພະຈັນ ໄດ້​ກ່າວ​ສະແດງ​ຄວາມ​ຊົມເຊີຍ​ຕໍ່ຜົນສຳເລັດ ​ຂອງ​ການຈັດຕັ້ງ​ປະຕິບັດ​ ວຽກ​ງານຂອງສູນ​ສາກົນ ​ຫຼຸດຜ່ອນ​ຄວາມທຸກ​ຍາກ ​ສປ ຈີນ ພ້ອມ​ທັງ​ກ່າວ​ວ່າ ການ​ພົບ​ປະສອງ​ຝ່າຍ​ຄັ້ງ​ນີ້​ ແມ່ນ​ມີ​ຄວາມ​ສຳຄັນ​ໃນ​ການ​ແລກປ່ຽນ​ບົດຮຽນ ປະສົບ​ການ​ໃນ​ການ​ແກ້​ໄຂ​ຄວາມທຸກ​ຍາກລະຫວ່າງ ສອງ ​ຝ່າຍໂດຍ​ສະເພາະ​ແມ່ນ ​ສປປ ລາວ ເພື່ອ​ນຳ​ເອົາ​ບົດຮຽນ​ດັ່ງກ່າວ ​ໝູນໃຊ້​ເຂົ້າ​ໃນ​ການຈັດຕັ້ງ​ປະຕິບັດຕົວ ​ຈິງສຳລັບ ​ສປປ ລາວ ເອງການ​ລຶບລ້າງ​ຄວາມທຸກ​ຍາກແມ່ນ​ຍັງ​ປະສົບ​ກັບ​ຫຼາຍ​ບັນຫາ ປະຊາຊົນ​ລາວ ​ບັນດາເຜົ່າ ​ຢູ່​ເຂດຊົນນະບົດ ຫ່າງ​ໄກ​ສອກຫຼີກ ຍັງດຳລົງ​ຊີວິດ​ດ້ວຍ​ຄວາມ​ຫຍຸ້ງຍາກ​ຂາດເຂີນບໍ່​ສາມາດ​ ເຂົ້າເຖິງ​ດ້ານ​ການ​ບໍລິການ​ຕ່າງໆ 25% ຂອງ​ຈຳນວນ​ບ້ານ​ທົ່ວ​ປະເທດ ​ທີ່​ມີ​ປະຊາຊົນ​ອາໄສ​ຢູ່​ນັ້ນ 9% ແມ່ນ​ບໍ່​ມີ​ທາງ​ລົດ​ທຽວ​ໄດ້ສອງ​ລະດູ ແລະ ໃນ​ຈຳນວນ 2 ສ່ວນ 3 ຂອງ​ຈຳນວນ​ຄອບຄົວທົ່ວ​ປະເທດຍັງ​ ບໍ່​ສາມາດ​ຜະລິດສິນຄ້າເພື່ອ​ສົ່ງ​ຂາຍ​ຢູ່​ຕະຫຼາດ​ໄດ້ ການ​ຜະລິດ​ກະສິກຳ​ກໍ່​ພໍ​ແຕ່​ກຸ້ມກິນ ແລະ ອາໄສ​ທຳ​ມະ​ ຊາດ​ເປັນຕົ້ນ.

   ການ​ພົບ​ປະ​ຄັ້ງ​ນີ້ ທັງ​ສອງຝ່າຍ​ຍັງ​ໄດ້​ລົງ​ນາມ​ບົດ​ບັນທຶກຄວາມ​ເຂົ້າໃຈ ​ກ່ຽວ​ກັບ​ການ​ຮ່ວມມື​ແຕ່​ປີ 2014 - 2016 ຕາງໜ້າຝ່າຍ​ລາວ​ລົງ​ນາມ​ຄັ້ງ​ນີ້ແມ່ນ ທ່ານ ຈິດ ທະວີ​ໃສ ຫົວໜ້າ​ຫ້ອງການ​ແຜນການ ແລະ ພົວພັນຕ່າງປະເທດ ແລະ ຕາງໜ້າ​ຝ່າຍຈີນ​ແມ່ນ ທ່ານ ​ດຣ. ຈົ້ວ ສາງເຊີງ ຫົວໜ້າ​ສູນ ​ຫຼຸດ ຜ່ອນ ​ຄວາມທຸກ​ຍາກ​ສາກົນ ​ສປ ຈີນ.

 

 

 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ