ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

APCSS ຈະຊ່ວຍເຫຼືອຝືກອົບຮົມວຽກງານປ້ອງກັນຄວາມສະຫງົບໃຫ້ ກະຊວງ ປກສ ລາວ

   ສູນຄົ້ນຄວ້າຄວາມໝັ້ນຄົງເຂດອາຊີ-ປາຊີຟິກ (APCSS) ລັດຮາວາຍ ສະຫະລັດອາເມລິກາ ຈະໃຫ້ການ ຊ່ວຍເຫຼືອ ທາງດ້ານການພັດທະນາບຸກຄະລາກອນໃນດ້ານພາສາອັງກິດ ແລະ ວຽກງານປ້ອງກັນຄວາມ ສະຫງົບ ເພື່ອຮັບມືໃນການເປັນ ເຈົ້າພາບກອງປະຊຸມສຸດຍອດອາຊຽນ ໃນປີ 2016 ທີ່ຈະມາເຖິງນີ້.

ໃນວັນທີ 6 ກຸມພາ 2015, ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການ ກະຊວງ ປກສ ໄດ້ຕ້ອນຮັບ ພົທ Dam Feaf ຫົວໜ້າສູນຄົ້ນຄວ້າຄວາມໝັ້ນຄົງເຂດອາຊີ-ປາຊີຟິກ ພ້ອມດ້ວຍຄະນະທີ່ໄດເຂົ້າພົບປະ ເພື່ອປືກສາຫາລືກ່ຽວກັບ ການກະກຽມກັບການເປັນເຈົ້າພາບໃນການຈັດກອງປະຊຸມສຸດຍອດ ອາຊຽນ ໃນປີ 2016 ຂອງ ສປປ ລາວ.

ພົຈວ ສິນທະວົງ ໄຊຍະກອນ ກ່າວວ່າ: ປັດຈຸບັນກະຊວງ ປກສ ຂອງພວກເຮົາໄດ້ສົ່ງພະນັກງານ-ນັກຮົບໄປຝືກອົບຮົມ ກ່ຽວກັບບັນຫາຕ່າງໆ ເພື່ອຕ້ານ ແລະ ແກ້ໄຂປະກົດການຫຍໍ້ທໍ້ຕ່າງໆທີ່ເກີດຂື້ນໃນ ສປປ ລາວ, ກ່ຽວກັບການເປັນເຈົ້າພາບ ກອງປະຊຸມສຸດຍອດອາຊຽນທີ່ຈະມາເຖິງນີ້ພວກເຮົາຍັງຈະໄດ ໄດ້ປືກສາຫາລືກັນຕື່ມອີກ, ສ່ວນວຽກງານການຍົກລະດັບພາສາ ຕ່າງປະເທດເປັນຕົ້ນແມ່ນພາສາອັງກິດ ບວກກັບວຽກງານໂຄງການຕ່າງໆ ໃນການຕ້ານບັນຫາອາດສະຍາກໍາຂ້າມຊາດຂອງ ພວກເຮົາຍັງປະສົບ ການບໍ່ທັນຫຼາຍເທື່ອ, ພວກເຮົາຈຶ່ງມີຄວາມຈໍາເປັນໃນການກະກຽມພະນັກງານ-ນັກຮົບຂອງພວກເຮົາໄປຝືກ ອົບຮົມນໍາສູນ APCSS ເພາະສູນຂອງທ່ານແມ່ນມີຄວາມປະສົບການ, ມີບົດຮຽນສູງ, ມີຄຸນນະພາບເປັນເລີດ ໃນການຝືກອົບຮົມ ວຽກງານຕ່າງໆ ເປັນຕົ້ນກໍແມ່ນວຽກງານການຕ້ານອາດຊະຍາກໍາຂ້າມຊາດ ແລະ ບັນຫາ ອື່ນໆທີ່ກ່ຽວພັນກັບຄວາມສະຫງົບ ສຸກຂອງປະເທດ ເພື່ອເຮັດໃຫ້ ສປປ ລາວ ຂອງພວກເຮົາມີຄວາມສະຫງົບ ປອດໄພດີຂື້ນກວ່າເກົ່າໃນອານາຄົດ.

ພົທ Dam Feaf ກ່າວວ່າ: ຢູ່ສູນຄົ້ນຄວ້າຄວາມໝັ້ນຄົງເຂດອາຊີ-ປາຊີຟິກ ຂອງພວກເຮົາຜ່ານມາ  ແມ່ນມີຜູ້ເຂົ້າຮ່ວມ ຝືກອົບຮົມຈາກຫຼາຍປະເທດ, ຫຼາຍກະຊວງ, ຫຼາຍອົງການ; ສ່ວນ ສປປ ລາວແມ່ນ: ມີກະຊວງ ປກຊ, ປກສ ແລະ ບັນດາ ອົງການອື່ນໆ; ປັດຈຸບັນສູນພວກເຮົາກໍາລັງປະສານກັບພາກສ່ວນ ທີ່ກ່ຽວຂ້ອງໃນການຈັດຝືກອົບຮົມກ່ຽວກັບພາສາອັງກິດ ເພື່ອ ສ້າງຄວາມອາດສາມາດໃຫ້ບັນດາເຈົ້າໜ້າທີ່ ປະຕິບັດວຽກງານຕ້ານອາດສະຍາກໍາຂ້າມຊາດ ຫຼື ບັນຫາຕ່າງໆທີ່ກ່ຽວພັນກັບ ວຽກງານປ້ອງກັນຄວາມ ສະຫງົບສຸກຂອງປະເທດ, ກ່ຽວກັບບັນຫາດັ່ງກ່າວນີ້, ພວກເຮົາຍິນດີທີ່ຈະຮັບຝັງໃຫ້ການຊ່ວຍເຫຼືອກະຊວງ ປກສ ລາວ, ຖ້າວ່າມີບັນຫາໄດ້ຈະສະເໜີຕື່ມໃຫ້ສະເໜີຜ່ານສະຖານທູດຂອງພວກເຮົາໄດ້ສູນ ຂອງພວກເຮົາ ພ້ອມແລ້ວທີ່ຈະ ໃຫ້ການຊ່ວຍເຫຼືອ.

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ