ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ທ່ານນາຍົກ ເນັ້ນ 5 ບັນຫາໃຫ້ອົງການກວດສອບ ເອົາໃຈໃສ່ຈັດຕັ້ງປະຕິບັດ

ກອງ​ປະຊຸມເປີດ​ກວ້າງ​ກ່ຽວກັບ​ ວຽກ​ງານ​ກວດ​ສອບ​ງົບ​ປະມານ​ ປະຈຳ​ປີ 2013-2014 ໄດ້ປິດ​ລົງ​ໃນ ​ຕອນ​ ບ່າຍ ​ຂອງ​ວັນ​ທີ 14 ຕຸລາ 2014 ທີ່​ສູນ​ຮ່ວມ​ມື​ສາກົນລາວ-ຍີ່ປຸ່ນ ໂດຍ​ການ​ເປັນ​ປະທານຂອງ​ທ່ານ​ນາງ ​ດຣ. ວຽງ​ທອງ ສີ​ພັນ​ດອນ ປະທານ​ອົງການ​ກວດສອບ​ແຫ່ງ​ລັດ ແລະ ເປັນ​ກຽດເຂົ້າ​ຮ່ວມ​ຂອງທ່ານ ທອງ​ສິງ ທຳ​ມະ​ວົງ ນາຍົກລັດຖະມົນຕີ ພ້ອມ​ດ້ວຍ​ລັດຖະມົນຕີ​ຊ່ວຍ​ວ່າການ ຮອງ​ເຈົ້າແຂວງ ຮອງ​ເຈົ້າຄອງ ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ກອງ​ປະຊຸມ​ດັ່ງກ່າວ ​ໄດ້​ຈັດຂຶ້ນ​ເປັນ​ເວລາ 2 ວັນ ໂດຍ​ໄດ້​ທົບທວນ​ການຈັດຕັ້ງ​ປະຕິບັດ​ບົດ​ສະຫຼຸບ​ຂາດ​ຕົວ ການຈັດຕັ້ງ​ງົບ​ປະມານ​ແຫ່ງ​ລັດ​ປະຈຳ​ສົກ​ປີ 2011-2012 ການເຄື່ອນໄຫວວຽກ​ງານ​ຂອງ​ອົງການ​ກວດສອບ ​ແຫ່ງ​ລັດ ປະຈຳ​ສົກ​ປີ 2013-2014 ແລະ ທິດ​ທາງ​ແຜນການ 2014-2015 ພ້ອມ​ທັງ​ໄດ້​ຄົ້ນຄວ້າ ວິທີ​ການ ແລະ ມາດ​ຕະການ​ໃນ​ການ​ແກ້​ໄຂ​ປາກົດການຫຍໍ້ທໍ້ ທາງ​ດ້ານ​ການ​ເງິນ ແລະ ງົບປະມານ​ແຫ່ງ​ລັດ ເພື່ອ​ ປະກອບ​ສ່ວນ​ເຮັດ​ໃຫ້ການ​ຄຸ້ມ​ຄອງລັດ ຄຸ້ມ​ຄອງ​ເສດຖະກິດ ​ມີ​ຄວາມເຂັ້ມແຂງ​ໂປ່ງ​ໃສ.

ໃນ​ຕອນ​ທ້າຍ​ຂອງ​ກອງ​ປະຊຸມ​ຄັ້ງ​ນີ້ ທ່ານ​ນາຍົກ​ລັດ​ຖະ​ມົນຕີ ໄດ້​ຂຶ້ນ​ມີ​ຄຳ​ເຫັນ ແລະ ໂອ້​ລົມ ໂດຍ​ໄດ້​ເນັ້ນ 5 ບັນຫາ​ໃຫ້​ອົງການ​ກວດ​ສອບ​ແຫ່ງ​ລັດ ສືບຕໍ່ແກ້​ໄຂຄື: ສຸມ​ໃສ່​ສ້າງ ແລະ ປັບປຸງ​ມາດຕະຖານ ປື້ມ​ຄູ່​ມື​ການ ກວດ​ສອບ ກົດ​ຈັນ​ຍາ​ບັນ​ຂອງ​ນັກກວດ​ສອບ ແລະ ວິທີ​ການ​ກວດສອບໃນ​ຫົວຂໍ້​ຕ່າງໆ ​ໃຫ້​ແທດເໝາະ​ກັບ ​ສະພາບ​ການ​ຂະຫຍາຍຕົວ​ຂອງ​ເສດຖະກິດ ໃນ​ແຕ່​ລະ​ໄລຍະ ການ​ສ້າງ​ແຜນ​ກວດ​ສອບ ຕ້ອງ​ມີ​ຈຸດ​ສຸມເລັ່ງ​ ກວດ​ສອບ​ບັນຫາ​ທີ່​ມີ​ລັກສະນະ​ພົ້ນ​ເດັ່ນ ຂອງລະບົບ​ງົບປະມານ​ແຫ່ງ​ລັດ ບັນຫາ​ທີ່​ເປັນ​ລັກ​ຊະນະ​ຊ້ຳ​ເຮື້ອ ແລະ ບັນຫາ​ທີ່​ສັງຄົມໃຫ້​ຄວາມ​ສົນໃຈ ກໍ່​ຄືບັນຫາ​ການ​ເກັບ​ລາຍຮັບ​ງົບປະມານ ແລະ ລາຍ​ຈ່າຍ ພ້ອມ​ນັ້ນ ສຳລັບ​ ການ​ກວດ​ສອບ ຢູ່​ບັນດາວິ​ສະຫະ​ກິດ ທະນາຄານ ແລະ ໂຄງການ​ກູ້​ເງິນ ແລະ ຊ່ວຍເຫຼືອ​ລ້າ​ຈາກ​ຕ່າງ ປະເທດ ຕ້ອງ​ດຳເນີນ​ການ​ຢ່າງ​ເປັນ​ປົກ​ກະຕິ ແລະ ທົ່ວ​ເຖິງ ພ້ອມ​ນັ້ນ ເນື້ອໃນ​ການ​ກວດ​ສອບ ຕ້ອງ​ເຮັດ​ ຢ່າງມີ​ຈຸດ​ສຸມ ​ຕ້ອງ​ວິເຄາະ​ວິໄຈ​ໃຫ້ເຫັນ​ສາເຫດ​ຂອງ​ບັນຫາ​ທີ່​ເກີດຂຶ້ນ ເພື່ອ​ແນະນຳກຳນົດ​ມາດ​ຕະການ​ແກ້​ໄຂ ພ້ອມ​ທັງ​ຊອກ​ທາງອອກ​ໃຫ້​ພາກສ່ວນ​ທີ່​ຖືກ​ກວດສອບ​ຢ່າງ​ຖືກຕ້ອງ ສອດຄ່ອງຕາມ​ລະບຽບ​ກົດໝາຍ ມີ​ຄວາມ ເປັນ​ທຳ​ກັບ​ທຸກ​ຝ່າຍ​ບົນ​ພື້ນຖານຂໍ້​ມູນ​ຫຼັກ​ຖານ ແລະ ຄວາມ​ເປັນຈິງ ແລະ ໃນ​ການ​ດຳເນີນ​ການກວດ​ສອບ ​ຕົວ​ຈິງ ​ຫາກ​ພົບ​ເຫັນວ່າ​ມີ​ກົດໝາຍ ແລະ ນິຕິ​ກຳ​ລຸ່ມກົດໝາຍ​ສະບັບ​ໃດ ​ບໍ່​ສອດຄ່ອງ ບໍ່​ແທດເໝາະ ແລະ ບໍ່​ເອື້ອ​ອຳນວຍ​ໃຫ້​ແກ່​ຜົນ​ປະໂຫຍດ​ຂອງລັດ ແລະ ມີ​ຄວາມ​ສ່ຽງ​ທີ່​ຈະເຮັດ​ໃຫ້​ມີ​ການ​ຕີ​ຄວາມ​ໝາຍ​ຜິດພາດ ແລະ ໃຫ້​ເກີດ​ມີ​ຊ່ອງ​ຫວ່າງ ສວຍ​ໃຊ້ໃນ​ທາງ​ບໍ່​ຖືກຕ້ອງ​ນັ້ນ ຕ້ອງ​ຮີບ​ຮ້ອນ​ສັງ​ລວມ​ບັນຫາ ແລ້ວ​ນຳ​ສະເໜີ​ຕໍ່​ ລັດຖະບານ ແລະ ສະພາ​ແຫ່ງ​ຊາດ ພິ​ຈາລະນາ​ແກ້​ໄຂ​ໃຫ້​ທັນ​ເວລາ ແລະ ບັນຫາ​ສຸດ​ທ້າຍ ແມ່ນ​ຕໍ່​ກັບ​ຜົນ​ ການກວດ​ສອບ ທີ່​ອົງການ​ກວດ​ສອບແຫ່ງ​ລັດ ໄດ້​ດຳເນີນ​ການ​ກວດສອບ​ໃນ​ແຕ່​ລະ​ສົກ​ປີ ຕ້ອງ​ມີ​ການຕິດຕາມ ​ກວດກາ ແລະ ປະ​ເມີນຜົນ​ຢ່າງ​ເປັນ​ປະຈຳ ແລະ ບັນຫາໃດ​ທີ່​ຫົວໜ່ວຍ​ງົບປະມານ​ໄດ້​ແກ້ໄຂ​ແລ້ວ ແລະ ບັນຫາ​ໃດ​ທີ່​ຄົງຄ້າງ ແມ່ນ​ໃຫ້​ລາຍ​ງານ​ຕໍ່​ລັດ​ຖະບານ ແລະ ສະພາ​ແຫ່ງ​ຊາດ​ຮັບຊາບ ເພື່ອ​ຫາ​ວິທີ​ປັບປຸງ​ແກ້​ໄຂ ນອກ​ນັ້ນ ກໍ່​ຍັງ​ສະເໜີ​ໃຫ້​ຫົວໜ່ວຍ​ງົບປະມານທຸກ​ຂັ້ນ ບັນດາລັດ​ວິ​ສະຫະ​ກິດ ທະນາຄານ ແລະ ອົງການ​ ທີ່​ຄຸ້ມ​ຄອງ​ໂຄງການ​ເງິນ​ກູ້​ຢືມ ແລະ ຊ່ວຍເຫຼືອລ້າ ຕະຫຼອດ​ຮອດຂະແໜງ​ສູນກາງ ແລະ ທ້ອງຖິ່ນ​ ຈົ່ງ​ໃຫ້ການ ຮ່ວມ​ມື ແລະ ອຳນວຍ​ຄວາມ​ສະດວກ​ແກ່​ອົງການ​ກວດ​ສອບ​ແຫ່ງລັດ ໃຫ້​ສາມາດ​ເຄື່ອນ​ໄຫວ​ວຽກງານ​ຕາມ ​ພາລະ​ບົດບາດ ໜ້າທີ່ ແລະ ຄວາມ​ຮັບຜິດຊອບ​ໄດ້​ຢ່າງເຕັມ​ສ່ວນ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ