ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ກຳແໜ້ນ 4 ບັນຫາ ເພື່ອຍົກສູງຄຸນນະພາບການສິດສອນຂອງຄູ-ອາຈານ ໂຮງຮຽນທິດສະດີການເມືອງ ປກສ

ພັອ ດຣ. ວິໄລ ເພັດມີໄຊ ອໍານວຍການໂຮງຮຽນທິດສະດີການເມືອງ ປກສ ປະທານກອງປະຊຸມສະຫຼຸບ ວຽກງານ ປະຈໍາປີ 2014 ແລະທິດທາງ ແຜນການປີ 2015 ທີ່ຈັດຂຶ້ນໃນວັນທີ 10 ກຸມພານີ້, ໄດ້ເນັ້ນໃຫ້ຄະນະຄູ-ອາຈານທົ່ວ ໂຮງຮຽນ ດັ່ງກ່າວເອົາໃຈໃສ່ກໍາແໜ້ນ 4 ບັນຫາຕົ້ນຕໍເພື່ອເປັນການຍົກສູງຄຸນນະພາບ ການ ສິດສອນ ໃຫ້ ພັດທະນາຂຶ້ນກວ່າເກົ່າ, ປະກອບສ່ວນເຂົ້າໃນການກໍ່ສ້າງພະນັກງານຂັ້ນນໍາພາ-ບັນຊາໃນ ກໍາລັງ ປກສ ໃຫ້ມີຈໍານວນເພີ່ມຂຶ້ນ ແລະ ຮັບປະກັນຄຸນນະພາບ.

ທ່ານກ່າວວ່າ: " 4 ບັນຫາຕົ້ນຕໍທີ່ບັນດາຄູ-ອາຈານຕ້ອງໄດ້ກໍາແໜ້ນແລະສຸມໃສ່ຈັດຕັ້ງປະຕິບັດມີຄື: ຄູຕ້ອງມີຄຸນທາດການເມືອງໜັກແໜ້ນ, ຄູຕ້ອງມີຄວາມຮັບຜິດຊອບ, ຄູຕ້ອງມີຄວາມຮູ້ຄວາມສາມາດຮອບດ້ານ ແລະ ຄູຕ້ອງມີລະບຽບວິໄນເຂັ້ມງວດ ";ເພື່ອເຮັດໃຫ້ການປະຕິບັດ 4 ບັນຫາດັ່ງກ່າວປະກົດຜົນເປັນຈິງ, ພັອ ດຣ. ວິໄລ ເພັດມີໄຊ ເນັ້ນວ່າ: ໃນຕໍ່ໜ້າ, ຄູ-ອາຈານໂຮງຮຽນທິດສະດີການເມືອງປກສຕ້ອງຝຶກຝົນຫຼໍ່ຫຼອມຕົນເອງ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີຄວາມຈົງຮັກພັກດີຕໍ່ພັກຕໍ່ຊາດ-ຕໍ່ປະຊາຊົນ ໂດຍການເອົາໃຈໃສ່ຄົ້ນຄວ້າເຊື່ອມຊຶມເອກະສານສໍາຄັນຕ່າງໆທີ່ໂຮງຮຽນໄດ້ຈັດຕັ້ງເຜີຍແຜ່ຂຶ້ນ ແລະ ຊອກຮູ້ ຮໍ່າຮຽນດ້ວຍຕົນເອງ ໄປຄ່ຽງຄູ່ກັບການຍົກສູງຄວາມຮັບຜິດຊອບຕໍ່ໜ້າທີ່ວິຊາສະເພາະ;ເວົ້າລວມ, ເວົ້າສະ ເພາະຕ້ອງຮັກອາຊີບຄູ, ປະພຶດຕົນໃຫ້ເປັນແບບຢ່າງທີ່ດີຂອງນັກສຶກສາແລະມະຫາຊົນ, ຄູ-ອາຈານ ຕ້ອງ ມີຄວາມຮູ້ຄວາມສາມາດຮອບດ້ານ; ເຊິ່ງຕ້ອງໝັ່ນອ່ານ, ໝັ່ນຄົ້ນຄວ້າ, ໝັ່ນຝຶກແອບ, ຮຽນນໍາໝູ່ ແລະ ແລກປ່ຽນບົດຮຽນນໍາຄູ-ອາຈານ, ຄູ- ອາຈານຕ້ອງເປັນຜູ້ທີ່ມີລະບຽບວິໄນເຂັ້ມງວດໝາຍຄວາມວ່າ ຕ້ອງເຂັ້ມ ງວດທັງຄວາມເວົ້າ ເຂັ້ມງວດລະບຽບການປະພຶດ, ບໍລິຫານເວລາໃຫ້ຖືກຕ້ອງ, ນໍາໃຊ້ເວລາໃຫ້ເປັນ ປະໂຫຍດ ແລະ ຮັກສາຄວາມສາມັກຄີພາຍໃນ ແລະ ພາຍນອກ ຫ້ແໜ້ນແຟ້ນ.

ພັອສີນວນພົມມະຈັນຮອງອໍານວຍການໂຮງຮຽນທິດສະດີການເມືອງປກສໄດ້ສະຫຼຸບການຈັດຕັ້ງປະຕິບັດ ວຽກງານໃນໄລຍະປ 2014 ຜ່ານມາວ່າ: ຄະນະອໍານວຍການໂຮງຮຽນທິດສະດີການເມືອງ ປກສ  ໄດ້ເອົາ ໃຈໃສ່ຊີ້ນໍາ-ນໍາພາການຮຽນ-ການສອນຢ່າງຕັ້ງໜ້າເຮັດໃຫ້ມີຜົນສໍາເລັດຫຼາຍດ້ານ; ສະແດງອອກຄື: ໄດ້ສໍາ ເລັດການຄົ້ນຄວ້າຫົວຂໍ້ວິທະຍາສາດແລະປັບປຸງໂຄງການຫຼັກສູດການຮຽນ-ການສອນວິຊາວຽກງານ ພັກການ ເມືອງຂອງລະບົບເລັ່ງລັດ 5 ເດືອນຈໍານວນ 21 ບົດແລະຈັດຕັ້ງກອງປະຊຸມຄັດເລືອກຫົວບົດ, ຈັດຕັ້ງພິທີ ປ້ອງກັນບົດຈົບຊັ້ນ, ປິດຊຸດອົບຮົມແລະໃບມອບປະກາສະນິຍະບັດໃຫ້ນັກສຶກສາລະບົບກໍ່ສ້າງ 2 ປີຮຸ່ນທີ VII ແລະລະບົບເລັ່ງລັດ 5 ເດືອນຮຸ່ນທີ II ແລະ III ລວມທັງໝົດ 160 ສະຫາຍ; ພ້ອມທັງສໍາເລັດແຜນການຮັບ ນັກສຶກສາລະບົບເລັ່ງລັດຮຸ່ນທີ IV ຈໍານວນ 50 ສະຫາຍ, ລະບົບກໍ່ສ້າງ 2 ປີ, ຮຸ່ນທີ IX ຈໍານວນ 61 ສະຫາຍ; ນອກນີ້, ຍັງໄດ້ປັບປຸງແລະຂະຫຍາຍພະນັກງານ- ຄູ-ອາຈານມີການເຕີບໃຫຍ່ຂະຫຍາຍຕົວທັງດ້ານ ປະລິມານແລະຄຸນນະພາບ; ເຊິ່ງໄດ້ເປັນເຈົ້າການປະຕິບັດໂມງເວລາຂຶ້ນຫ້ອງສິດສອນ ແລະ ນໍາພານັກສຶກສາ ສໍາມະນາທັງໝົດ 80%, ຊີ້ນໍາບົດປ້ອງກັນຈົບຊັ້ນໄດ້ 115 ບົດແລະໄດ້ແຕ່ງບົດສອນກ່ອນຂຶ້ນສອນເຮັດ ໃຫ້ການຮຽນ-ການສອນ ໄດ້ຮັບຜົນສໍາເລັດໂດຍພື້ນຖານ.

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ