Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

      

ຄະນະພັກ-ຄະນະບັນຊາ ກອງບັນຊາການປ້ອງກັນສູນກາງ ກະຊວງ (ປກ) ປກສ ນໍາພາໂດຍ ພັອ ຄໍາເຜີຍ ຄໍາມີ ຮອງຫົວໜ້າກອງ ບັນ ຊາການປ້ອງກັນສູນກາງ ໄດ້ນໍາກະຕ່າດອກໄມ້ເຂົ້າວາງຢູ່ຕໍ່ໜ້າອະນຸ ສາວະລີ ປະທານ ໄກສອນ ພົມວິຫານ ໃນຕອນເຊົ້າຂອງວັນທີ 10 ພະຈິກ 2020 ເນື່ອງໃນໂອ ກາດ ວັນສ້າງຕັ້ງກໍາລັງປ້ອງກັນ ສູນກາງ ຄົບ ຮອບ 59 ປີ ( 11 ພະ ຈິກ 1961-11 ພະຈິກ 2020 ).

ການວາງກະຕ່າດອກໄມ້ຄັ້ງນີ້ ເພື່ອເປັນການລະນຶກເຖິງຄຸນງາມຄວາມດີຂອງບັນດານັກຮົບປະຕິວັດ ປະຊາຊົນ ລາວ ບັນດາເຜົ່າຜູ້ ເສຍສະຫຼະເລືອດເນື້ອ, ເຫື່ອແຮງ ແລະ ຊີວິດໃນການຕໍ່ສູ້ກູ້ຊາດຕ້ານ ພວກລ່າເມືອງຂຶ້ນແບບເກົ່າ ແລະ ແບບໃໝ່; ໂດຍສະເພາະແມ່ນປະທານໄກສອນ ພົມວິຫານ ພ້ອມບັນດາການນໍາຮຸ່ນກ່ອນທີ່ໄດ້ນຳພາປະຊາ ຊົນລາວ ພາຍໃຕ້ຄັນທຸງຂອງ ພັກປະຊາຊົນ ປະຕິວັດລາວ ຕໍ່ສູ້ ຈົນສາມາດເອົາຊະນະສັດຕູ, ໄດ້ຮັບໄຊຊະນະຄັ້ງຍິ່ງໃຫຍ່ ແລະ ສະຖາປະນາເປັນສາທາລະນາລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ເປັນຕົ້ນມາ.

ຈາກນັ້ນ ກອງບັນຊາການປ້ອງ ກັນສູນກາງ ໄດ້ຈັດພິທີໂຮມຊຸມ ນຸມລະນຶກວັນສ້າງຕັ້ງດັ່ງກ່າວ ໂດຍມີຄະນະ ພັກ-ຄະນະກອງບັນຊາການ, ພະນັກງານຫຼັກແຫຼ່ງ ເຂົ້າຮ່ວມ; ໃນພິທີ ພັອ ຄໍາເຜີຍ ຄໍາມີ ໄດ້ປາຖະກະຖາກ່ຽວກັບວັນສ້າງ ຕັ້ງກໍາລັງປ້ອງກັນສູນກາງ ຄົບຮອບ 59 ປີ ວ່າ: ເມື່ອຫວນຄືນກ່ອນ ໜ້ານີ້ ຄື ວັນທີ 11 ພະຈິກ 1961 ເຊິ່ງເປັນວັນ ກໍ່ຕັ້ງກໍາລັງປ້ອງກັນໃກ້ສິດໃນເມື່ອກ່ອນ ແລະ ເປັນກໍາລັງປ້ອງກັນສູນກາງໃນປັດຈຸບັນ, ກໍາລັງດັ່ງກ່າວໄດ້ກໍາເນີດ ເກີດຂຶ້ນ ໃນຂະບວນການປະຕິວັດຕໍ່ສູ້ກູ້ຊາດຕ້ານຈັກກະພັດຕ່າງດ້າວຜູ້ຮຸກຮານ ເຊິ່ງມີຕົ້ນກໍາເນີດມາຈາກມູນເຊື້ອ ນາຍ ແລະ ພົນທະຫານລາວ ອິດສະຫຼະໃນເມື່ອກ່ອນ; ການກໍາເນີດໃນເງື່ອນໄຂຂອງການປະຕິວັດຊາດທີ່ມີພັກ ປະຊາຊົນປະຕິວັດລາວ ເປັນຜູ້ນໍາພາ, ສະພາບ ການເວລານັ້ນ ພວກຈັກກະພັດໄດ້ບຽດຍຶດເຂົ້າເຂດທີ່ໝັ້ນຂອງການ ປະຕິວັດ. ຕໍ່ໜ້າສະພາບການດັ່ງກ່າວ ສູນກາງພັກຈຶ່ງໄດ້ວາງແນວທາງການຕໍ່ສູ້ປົດປ່ອຍຊາດ ແລະ ກ່ອນອື່ນໝົດ ແມ່ນຕ້ອງປົກປັກຮັກສາເຂດທີ່ໝັ້ນຂອງການປະຕິວັດ ດັ່ງນັ້ນ ສູນກາງພັກຈຶ່ງໄດ້ເພີ່ມທະວີວຽກງານປ້ອງກັນຜູ້ນໍາ ການປະຕິວັດ ໃຫ້ມີຄວາມປອດໄພຈຶ່ງ ເກີດມີກໍາລັງປ້ອງກັນສູນກາງ, ໃນເວລານັ້ນເອີ້ນວ່າ  ພະນັກງານຕິດຕໍ່ໜ້າທີ່ ຕົ້ນຕໍແມ່ນປ້ອງກັນ ແລະ ຮັບໃຊ້ການນໍາຢູ່ເຂດປົດປ່ອຍ, ກໍາລັງດັ່ງກ່າວແມ່ນຕົ້ນກໍາເນີດຂອງ ກໍາລັງປ້ອງກັນຄວາມ ສະຫງົບ ປະຊາຊົນໃນປັດຈຸບັນ ເຊິ່ງໄດ້ຮັບການ ສ້າງຕັ້ງຂຶ້ນຢູ່ສໍານັກຈັດຕັ້ງສູນກາງ ເຂດທີ່ໝັ້ນຂອງການປະຕິວັດ ແຂວງຫົວພັນ; ໃນເບື້ອງຕົ້ນກຳ ລັງປະກອບ ມີ 1 ໝູ່, ມີພຽງ 11 ສະຫາຍ; ຈາກນັ້ນ ກໍມີການເຕີບໃຫຍ່ ຂະຫຍາຍຕົວຂຶ້ນເລື້ອຍໆ ມາຮອດປີ 2010 ລັດຖະມົນຕີກະຊວງ ປກສ ໄດ້ອອກຂໍ້ຕົກລົງສະ ບັບເລກທີ 924/ປກສ ລົງວັນທີ 8 ມິຖຸນາ 2010 ຮັບຮອງເອົາ ວັນທີ 11 ພະຈິກ 1961 ເປັນວັນສ້າງຕັ້ງກໍາລັງປ້ອງກັນສູນກາງ ຢ່າງ ເປັນທາງການ ແລະ ມາຮອດວັນທີ 11 ພະຈິກ 2020 ກໍຄົບຮອບ 59 ປີພໍດີ.

ຕະຫຼອດໄລຍະແຫ່ງການກໍາ ເນີດເຕີບໃຫຍ່ຂະຫຍາຍຕົວຂອງກໍາລັງປ້ອງກັນສູນກາງ ເຕັມໄປດ້ວຍອຸປະສັກ ນາໆປະການທີ່ມາກະທົບໃສ່ແນວຄິດ, ຊີວິດ ແລະ ການເຄື່ອນໄຫວຂອງນາຍ ແລະ ພົນຕໍາຫຼວດປ້ອງກັນສູນກາງ; ທັງໝົດນັ້ນມັນກາຍເປັນຂະບວນການເສີມສ້າງ, ປະກອບສ່ວນເຂົ້າໃນພາລະກິດປະຕິວັດຊາດ ຕາມແນວທາງຂອງ ພັກ ແລະ ຄວາມຮຽກ ຮ້ອງຕ້ອງການໜ້າທີ່ການເມືອງໃນ ແຕ່ລະໄລຍະ; ຕໍ່ກັບນໍ້າໃຈອັນໜັກ ແໜ້ນ ຈາກຜົນງານ ແລະ ໄຊຊະນະທີ່ຍາດມາໄດ້ ພັກ-ລັດຖະບານຈຶ່ງໄດ້ຍ້ອງຍໍສັນລະເສີນກໍາລັງ ປ້ອງກັນສູນກາງຢ່າງສົມກຽດສະແດງ ອອກຄື: ໄດ້ຮັບຫຼຽນໄຊອິດ ສະຫຼະຊັ້ນ II 1 ໜ່ວຍ, ຫຼຽນໄຊອິດສະຫຼະຊັ້ນ III 4 ໜ່ວຍ, ຫຼຽນໄຊແຮງງານ ຊັ້ນ I  2 ໜ່ວຍ, ຫຼຽນໄຊແຮງງານ ຊັ້ນ II 4 ໜ່ວຍ, ຫຼຽນໄຊແຮງງານ ຊັ້ນ III 5 ໜ່ວຍ, ຫຼຽນກາຕໍ່ຕ້ານຝຣັ່ງ 1 ໜ່ວຍ, ຫຼຽນກາຕໍ່ຕ້ານອາເມລິກາ 1 ໜ່ວຍ, ຫຼຽນກາແຮງງານ 2 ໜ່ວຍ, ຫຼຽນໄຊພິລະອາດຫານ 2 ໜ່ວຍ, ໃບຍ້ອງ ຍໍກົມໃຫຍ່ການ ເມືອງ 1 ໃບ ແລະ ໄດ້ຮັບທຸງໄຊ ປກສ 2 ຜືນ; ນອກນັ້ນ ບັນດາຫ້ອງ, ກອງຮ້ອຍ, ໂຮງຮຽນ ອ້ອມຂ້າງກອງບັນຊາການ, ນາຍ ແລະ ພົນຕໍາຫຼວດທີ່ມີຜົນງານຈໍານວນໜຶ່ງໄດ້ຮັບການຍ້ອງຍໍສັນລະເສີນຈາກພັກ ແລະ ລັດຖະບານຕື່ມອີກ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ