Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

    

      ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ( ລມຕ ) ກະຊວງ ປກສ ໄດ້ຊີ້ນໍາໃຫ້ຄະນະພັກ-ຄະນະ ບັນຊາກອງບັນຊາການ ປກສ ແຂວງໄຊຍະບູລີ ເອົາໃຈໃສ່ຕິດຕາມ, ກວດກາ, ກໍາແໜ້ນ ບັນດາເປົ້າໝາຍທີ່ເປັນປັດ ໃຈໜໍ່ແໜ່ງກໍຄວາມບໍ່ສະຫງົບໃນສັງຄົມ  ເພື່ອຮັບປະກັນໃຫ້ທົ່ວແຂວງ ມີສະຖານລະພາບທາງດ້ານເມືອງ ສັງຄົມ ມີຄວາມສະຫງົບເປັນລະ ບຽບຮຽບຮ້ອຍໂດຍພື້ນຖານ.

ການຊີ້ນໍາຄັ້ງນີ້, ໄດ້ມີຂຶ້ນ   ໃນວັນທີ 13 ຕຸລາ 2020 ໃນໂອກາດທີ່ທ່ານລົງເຄື່ອນໄຫວພົບປະໂອ້ລົມ ແລະ ຊີ້ນໍາວຽກງານວິຊາສະເພາະຢູ່ກອງບັນຊາການ ປກສ ແຂວງໄຊຍະບູລີ ໂດຍມີ ພັອ ຄໍາແພງເພັດ ຫົວໜ້າກອງບັນ ຊາການ ປກສ ແຂວງໄຊຍະບູລີ ພ້ອມ ດ້ວຍຄະນະກອງບັນຊາການ, ພະນັກງານ-ນັກຮົບ ເຂົ້າຮ່ວມ.

ພົຕ ປອ ທອງເຫຼັກ ມັງໜໍ່ ເມກ ໄດ້ກ່າວວ່າ: ຄະນະພັກ-ຄະນະບັນຊາຕະຫຼອດຮອດພະນັກງານການນໍາທຸກຂັ້ນ ປກສ ແຂວງ ໄຊຍະບູລີ ຈົ່ງເອົາໃຈໃສ່ເພີ່ມທະວີສຶກສາອົບຮົມການເມືອງ-ແນວຄິດນາຍ ແລະ ພົນຕຳຫຼວດໃຫ້ ໜັກແໜ້ນເຂັ້ມແຂງ; ເດັດດ່ຽວສະກັດກັ້ນ ແລະ ແກ້ໄຂປະກົດການຫຍໍ້ທໍ້ພາຍໃນກໍາລັງໃຫ້ເຂັ້ມງວດ; ເອົາໃຈໃສ່ ຕິດຕາມ, ກວດກາ ແລະ ຄຸ້ມຄອງຄວາມເປັນລະບຽບຮຽບຮ້ອຍຂອງສັງຄົມ, ຄຸ້ມຄອງສະພາບການເໜັງຕີງຂອງພົນ ລະເມືອງ; ກໍາແໜ້ນບັນດາເປົ້າໝາຍທີ່ເປັນປັດໃຈໜໍ່ແໜ່ງກໍຄວາມບໍ່ສະຫງົບໃນສັງຄົມ; ພ້ອມ ທັງຈັດຕັ້ງກໍາລັງ ອອກເຄື່ອນໄຫວສະກັດກັ້ນ, ແກ້ໄຂເປົ້າໝາຍປະເພດຕ່າງໆ ແລະ ເພີ່ມທະວີສະຕິກຽມພ້ອມປະຕິບັດໜ້າທີ່ໃນທຸກ ສະຖານະການຮັບປະກັນໃຫ້ ທົ່ວແຂວງ ມີສະຖຽນລະພາບ ທາງດ້ານເມືອງຢ່າງໜັກແໜ້ນ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ ໂດຍພື້ນຖານ.



ກອງບັນຊາການ  ປກສ  ແຂວງ ຫຼວງພະບາງ ໄດ້ປະກາດນາຍຕໍາຫຼວດ ຈໍານວນ 17 ສະຫາຍ ຍິງ 2 ສະຫາຍ ພັກ ການຮັບອຸດໜູນບໍານານ ໃນທ້າຍອາທິດຜ່ານມາ, ເປັນປະທານໂດຍ ພົຈວ ສົມຈັນ ແກ້ວຈັນດາ  ຫົວໜ້າກອງ ບັນຊາ ການ ປກສ ແຂວງຫຼວງພະບາງ, ມີບັນຄະນະພັກ-ຄະນະບັນຊາ, ຜູ້ຮັບອຸດໜູນບໍານານ ເຂົ້າຮ່ວມ.

ພັທ ອ່ອນຈັນ ວິໄລຈິດ ຫົວໜ້າຫ້ອງການເມືອງ ກອງບັນຊາການ ປກສ ແຂວງຫຼວງພະບາງ ໄດ້ຜ່ານຂໍ້ ຕົກລົງຂອງລັດຖະມົນຕີກະຊວງ ປກສ ວ່າດ້ວຍການອະນຸມັດໃຫ້ນາຍຕຳຫຼວດຂຶ້ນກັບ ປກສ ແຂວງຫຼວງພະບາງ ພັກ ການຮັບອຸດໜູນບໍານານໃນນີ້, ຕົກລົງໃຫ້ ພັທ ອຸນຄຳ ໃຈສິທິ  ພັທ ສິທິເດດ ທຳມະສັກ, ພັທ ສາຍລົມ ເຊັ່ງທ່າວ, ພັທ ວາຕົວ ດວງມະນີ, ພັທ ສອນສັກ ແກ້ວປະເສີດ, ພັທ ສອນໄລ ວັນທະເພັງ, ພັທ ຊົ່ງເຮີ ເບຣຍມໍ, ພັທ ສີພັນ ແກ້ວຈັນທະລັກ, ພັທ ທອງຈັນ ແກ້ວລິນາດ, ພັທ ບຸນຈັນ ທິບພະ ວົງ, ພັທ ທອງວັນ  ນິມມະລາກອນ, ພັທ ຈັນ ເພັດຊົມພູ, ພັທ ຮຸ່ງທອງ ສີສົມພອນ, ພັທ ບຸນພັນ ຈັນທະວົງ, ພັຕ ແຫຼ້ ປະເສີດ, ພັຕ ນາງ   ບົວເພັດ  ມະນີສະຫວັນ ແລະ  ພັຕ ນາງ ທອງໃສ ຄຸນວິໄລພັກ ການຮັບອຸດໜູນບໍານານ.

ໃນພິທີ ພົຈວ ສົມຈັນ ແກ້ວຈັນດາ ໄດ້ສະແດງຄວາມຊົມເຊີຍ ຕໍ່ບັນດາຜູ້ທີ່ໄດ້ຮັບອຸດໜູນບຳນານ ຄັ້ງນິີ້, ແມ່ນໄດ້ສະແດງເຖິງໄຊຊະນະອັນໃຫຍ່ຫຼວງ ທີ່ບັນດາສະຫາຍໄດ້ປະກອບສ່ວນຕະຫຼອດໄລຍະຜ່ານມາ ຕໍ່ວຽກງານ ຕ່າງໆຫຼາຍດ້ານ ເຊິ່ງໄດ້ປະກອບສ່ວນຢ່າງສຸດກົກສຸດປາຍໃນການຮັບໃຊ້ຊາດ, ຮັບໃຊ້ປະຊາຊົນກໍຄືການນຳຂັ້ນສູງ, ພາຍຫຼັງບັນດາສະຫາຍເຂົ້າພັກຜ່ອນບຳນານແລ້ວ, ຕ້ອງໄດ້ສືບຕໍ່ໃນການປະກອບສ່ວນເຂົ້າໃນວຽກງານປ້ອງກັນ ຄວາມສະຫງົບຢູ່ຕາມບ້ານ, ຕາມທ້ອງຖິ່ນ, ຕ້ອງໄດ້ເປັນຫູ, ເປັນຕາຊ່ວຍບ້ານ ໃນການສຶກສາອົບຮົມລູກຫຼານ ພາຍໃນຄອບຄົວ ແລະ ເຄື່ອນໄຫວໃຫ້ຖືກຕ້ອງຕາມລະບຽບກົດໝາຍຂອງບ້ານເມືອງ.

 

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ