ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ຜູ້ນຳລາວ ຕ້ອນຮັບ​ການເຂົ້າ​ອວຍພອນ​ຂອງ
ບັນດາທູຕານຸທູດ ​​ໂອກາດ​ວັນຊາດຄົບຮອບ 39 ປີ

ໃນ​ຕອນ​ເຊົ້າ​​ວັນ​ທີ 1 ​ເດືອນ​ທັນວາ ປີ 2014 ທີ່​ທຳນຽບປະທານ​ປະ​ເທດ, ການ​ນຳ​ພັກ-ລັດ ປະກອບ​ມີ​ ​ທ່ານ​ ຈູມ​ມາລີ ໄຊຍະສອນ ປະທານ ປະເທດ ແຫ່ງ ສປປ ລາວ ພ້ອມພັນລະຍາ, ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ພ້ອມພັນລະຍາ  ແລະ ທ່ານ ທອງລຸນ ສີສຸລິດ ຮອງນາຍົກ ລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ແຫ່ງ ສປປ ລາວ ພ້ອມພັນລະຍາ ໄດ້ເປັນກຽດ ຕ້ອນຮັບການ ເຂົ້າຢ້ຽມຄຳນັບອວຍພອນຂອງບັນດາທູຕານຸທູດ ແລະ ອົງການ ຈັດຕັ້ງສາກົນປະຈຳລາວ ນຳໂດຍ ທ່ານ ດາ​ໂຕະ ຕັນ​ໄຕ​ເຮັງ ເອກອັກຄະລັດ ຖະທູດອາວຸໂສ ແຫ່ງປະ​ເທດ​ມາ​ເລ​ເຊຍ ປະຈຳລາວ. ໃນໂອກາດວັນສະຖາປະນາ ສປປ ລາວ ຄົບຮອບ 39 ປີ (2/12/1975​-2/12/2014) ແລະ ປີໃໝ່ສາກົນ 2015.

ທ່ານທູດອາວຸໂສ ໄດ້ກ່າວຊົມເຊີຍຕໍ່ຜົນງານຂອງລັດຖະບານລາວ ໃນການພັດທະນາເສດຖະກິດ-ສັງຄົມ ແລະ ການແກ້ໄຂ ຄວາມທຸກຍາກທີ່ສາ ມາດບັນລຸໝາກຜົນໃນປີ 2014 ​ໂດຍ​ສະ​ເພາະ​ຜົນ​ຂອງ​ການ​ທົບ​ທວນ​ກາງ​ ສະ​ໄໝ ຂອງ​ການຈັດຕັ້ງປະຕິບັ​ດ ແຜນ​ພັດທະນາ​ເສດຖະກິດ-ສັງຄົມ​ ແຫ່ງ​ຊາດ 5 ປີ ຄັ້ງທີ VII ທີ່​ຊີ້ ​ໃຫ້​ ເຫັນ​ວ່າ ສປປ ລາວ ສາມາດ​ບັນລຸຜົນສຳ​ເລັດ​ ອັນ​ໂດດ​ ເດັ່ນ​ຫລາຍ​ດ້ານ ​ໂດຍ​ສະ​ເພາະ​ການ​ຮັກສາ ​ຈັງຫວະ​ການ​ຂະຫຍາຍ ຕົວ​ດ້ານ​ເສດຖະກິດ​ຢ່າງ​ຕໍ່​ເນື່ອງ, ມີສະຖຽນລະພາບທາງການເມືອງ ​ແລະ ສັງຄົມ ​ມີ​ຄວາມ​ເປັນ​ລະບຽບ​ຮຽບຮ້ອຍ ​ເຊິ່ງຮັບປະກັນ​ໃຫ້​ປະຊາຊົນ​ລາວ ​ທຸກ​ເຜົ່າ​ສາມາດ​ມີ​ສິດ​ອັນ​ຊອບ​ທຳ ​ແລະ ​ເສລີພາບ​ໃນ​ການ​ເຂົ້າ​ຮ່ວມ​ພັດທະນາ​ປະ​ເທດ​ຊາດ​ໄດ້​ຢ່າງ​ຫ້າວຫັນ. ພ້ອມນີ້ ສປປ ລາວ ຍັງກຽມຄວາມພ້ອມ ສຳລັບຂະບວນການເຊື່ອມໂຍງ ໃນປະຊາຄົມເສດຖະກິດອາຊຽນ ຂະນະທີ່ພວມເລັ່ງລັດການບັນລຸເປົ້າໝາຍ ສະຫັດສະວັດດ້ານການພັດທະນາ ແລະ ເປົ້າໝາຍ ຫລຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2020.

ໂອກາດນີ້ ທ່ານ ຈູມມາລີ ໄຊຍະສອນ ໄດ້ກ່າວສະແດງຄວາມຂອບໃຈຕໍ່ທ່ານທູດ ອາວຸໂສ ທີ່ໄດ້ຊົມເຊີຍ ຕໍ່ຜົນສຳເລັດ ທີ່ລັດຖະບານລາວໄດ້ນຳພາ ປວງຊົນລາວທັງຊາດຍາດໄດ້ຜົນງານການ ພັດທະນາ ເສດຖະກິດ-ສັງຄົມ ຕະຫລອດ 1 ປີຜ່ານມາ. ໃນປີ 2014 ທີ່ກຳລັງຈະຜ່ານພົ້ນໄປນັ້ນ ເປັນປີທີ່ ປະຊາຊົນ ລາວບັນດາເຜົ່າ ໄດ້ສຸມທຸກຄວາມພະຍາຍາມເຂົ້າໃນການພັດທະນາສ້າງສາບ້ານເມືອງ ເຊິ່ງ ໄດ້ຮັບຜົນສຳ ເລັດຫລາຍປະການ ໂດຍເຫັນ ໄດ້ວ່າສະພາບການທາງດ້ານການເມືອງສືບຕໍ່ມີສະຖຽນ ລະພາບ, ຄວາມ ສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ມີການຮັບປະກັນ ໂດຍພື້ນຖານ, ເສດຖະກິດມີການ ພັດທະນາດ້ວຍຈັງຫວະສູງພໍສົມຄວນ,  ລວມຍອດມູນຄ່າຜະລິດຕະພັນພາຍ ໃນເພີ່ມຂຶ້ນ 7,5%, ຊີວິດການ ເປັນຢູ່ ຂອງປະຊາຊົນ ໄດ້ຮັບການປົວແປງໃຫ້ດີຂຶ້ນ. ມາຮອດປັດຈຸບັນ ລາຍໄດ້ສະເລ່ຍໃສ່ຫົວຄົນ ບັນລຸ 1.692 ໂດລາສະຫະລັດ ຫລື ປະມານ 13 ລ້ານກວ່າກີບ, ອັດຕາຄອບ ຄົວທຸກຍາກໄດ້ຫລຸດລົງຢູ່ໃນລະດັບ 8,11% ຂອງຄອບຄົວໃນທົ່ວປະເທດ, ການພົວພັນສາກົນ ຂອງ ສປປ ລາວ ກໍນັບມື້ກວ້າງຂວາງ ແລະ ໄດ້ ຮັບໝາກຜົນອັນດີ.

ພ້ອມກັນນີ້, ທ່ານປະທານປະເທດຍັງໄດ້ຕາງໜ້າໃຫ້ພັກ, ລັດຖະບານ ແລະ ປະຊາຊົນລາວບັນດາເຜົ່າ ສະແດງຄວາມຮູ້ບຸນຄຸນຢ່າງເລິກເຊິ່ງ ແລະ ຄວາມຂອບໃຈຢ່າງຈິງໃຈມາຍັງທ່ານທູດ ແລະ ຜູ້ຕາງໜ້າ ອົງການຈັດຕັ້ງສາກົນ ແລະ ຜ່ານບັນດາທ່ານໄປຍັງບັນດາປະເທດ ແລະ ອົງການຈັດຕັ້ງ ສາກົນຕ່າງໆ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫລືອພາລະກິດພັດທະນາເສດຖະກິດ-ສັງຄົມ ຂອງ ສປປ ລາວ ໃນຕະຫລອດໄລຍະ ທີ່ຜ່ານມາ.

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ