ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

 32 ໂຮງຮຽນຂອງແຂວງວຽງຈັນຮັບຮອງເປັນໂຮງຮຽນປອດຢາເສບຕິດ

ພິທີປະກາດ ແລະ ຮັບຮອງເອົາໂຮງຮຽນມັດທະຍົມສຶກສາ 32 ແຫ່ງຂອງແຂວງວຽງຈັນ ເປັນໂຮງຮຽນປອດຢາ ເສບຕິດ 3 ສົກ ຮຽນຕິດຕໍ່ກັນ (2011 - 2014) ໄດ້ຈັດຂຶ້ນໃນວັນທີ 14 ຕຸລານີ້ ຢູ່ທີ່ສະໂມສອນໂຮງຮຽນ ມສ ໂພນໝີ ເມືອງວຽງຄຳ ແຂວງວຽງຈັນ, ໃຫ້ກຽດເຂົ້າຮ່ວມມີທ່ານ ຄຳເມິງ ພົງທະດີ ເຈົ້າແຂວງໆວຽງຈັນ, ທ່ານ ບຸນສຸກ ທິລະສັກ ຫົວໜ້າກົມສິລະປະກະຊວງ ສຶກສາທິການ ແລະ ກິລາ ພ້ອມພະນັກງານການນຳ ຂັ້ນສູງກ່ຽວຂ້ອງ ແລະ ຖືກເຊີນຈາກແຂວງ, ບັນດາຜູ້ອຳນວຍການ ໂຮງຮຽນທົ່ວແຂວງ, ຄູ- ອາຈານ ແລະ ນັກຮຽນເຂົ້າຮ່ວມ.

   ທ່ານ ອິນໂຖ ວິໄລສານ ຮອງຫົວໜ້າພະແນກສຶກສາທິການແລະກິລາ ແຂວງວຽງຈັນກ່າວວ່າ: ແຂວງ ວຽງຈັນໄດ້ ເລີ່ມເຄື່ອນໄຫວ ຈັດຕັ້ງປະຕິ ບັດຕົວຈິງໃນການສ້າງໂຮງ ຮຽນມັດທະຍົມໃຫ້ກາຍເປັນ ໂຮງຮຽນ ປອດຢາເສບຕິດມາ ແຕ່ສົກ 2011 - 2012 ຊຶ່ງທົ່ວ ແຂວງມີໂຮງຮຽນມັດທະຍົມທັງໝົດ 100 ແຫ່ງ ໄດ້ວາງ ເປົ້າໝາຍສ້າງໂຮງຮຽນປອດ ຢາເສບຕິດໃຫ້ໄດ້ 36 ແຫ່ງ, ຜ່ານການກວດ ກາປະເມີນຜົນ ເຫັນວ່າ ໄດ້ຖືກ ຮັບຮອງ ແລະ ຢັ້ງຢືນຈາກຄະນະກຳມະການ ຂັ້ນແຂວງ, ເມືອງ ແລະ ໂຮງ ຮຽນປະກາດ ເປັນໂຮງຮຽນ ປອດຢາເສບຕິດໄດ້ທັງໝົດ 36 ແຫ່ງ, ເທົ່າກັບ 36%, ສົກ ຮຽນ 2012 - 2013 ທົ່ວແຂວງ ໄດ້ຈັດວາງ ເປົ້າໝາຍເພີ່ມຈຳ ນວນ 14 ແຫ່ງ, ຜ່ານການປະເມີນອອກມາເຫັນວ່າໂຮງຮຽນມັດທະຍົມສຶກສາທີ່ເປັນເປົ້າ ໝາຍໃໝ່ ແລະ ເກົ່າສາມາດ ຢັ້ງຢືນເປັນໂຮງຮຽນ ປອດຢາ ເສບຕິດໄດ້ທັງໝົດ 50 ແຫ່ງ, ເທົ່າກັບ 50%; ມາໃນສົກປີ 2013 - 2014 ທົ່ວແຂວງ ມີ ໂຮງຮຽນມັດທະຍົມທັງໝົດ 88 ແຫ່ງ (ບໍ່ນັບເມືອງຮົ່ມ ແລະ ເມືອງໄຊສົມບູນ) ໄດ້ວາງເປົ້າໝາຍເພີ່ມຈຳນວນ 6 ແຫ່ງ, ຜ່ານການປະເມີນອອກມາ ເຫັນວ່າໂຮງຮຽນ ທີ່ເປັນເປົ້າ ໝາຍໃໝ່ ແລະ ເກົ່າສາມາດ ຢັ້ງຢືນເປັນໂຮງຮຽນປອດຢາ ເສບຕິດໄດ້ທັງໝົດ 56 ແຫ່ງ, ເທົ່າກັບ 63,63%,

ສັງລວມ ແລ້ວໂຮງຮຽນມັດທະຍົມສຶກ ສາທີ່ສາມາດຮັກສາມູນເຊື້ອ ໄດ້ 3 ສົກຮຽນຕິດຕໍ່ກັນມີ 32 ໂຮງຮຽນຄື: ເມືອງວຽງຄຳ ມີ 2 ແຫ່ງ, ເມືອງໂພນໂຮງມີ 4 ແຫ່ງ, ເມືອງທຸລະຄົມມີ 4 ແຫ່ງ, ເມືອງແກ້ວອຸດົມມີ 4 ແຫ່ງ, ເມືອງວັງວຽງມີ 3 ແຫ່ງ, ເມືອງເຟືອງມີ 2 ແຫ່ງ, ເມືອງ ຊະນະຄາມມີ 3 ແຫ່ງ, ເມືອງ ແມດມີ 3 ແຫ່ງ, ເມືອງກາສີມີ 3 ແຫ່ງ, ເມືອງຫິນເຫີບມີ 2 ແຫ່ງ ແລະ ເມືອງໝື່ນມີ 2 ແຫ່ງ. ແລະ ສຳລັບສົກຮຽນ 2014 - 2015 ແຂວງວຽງຈັນ ມີແຜນຈະສ້າງໂຮງຮຽນຕົວ ແບບປອດຢາເສບຕິດໃນແຕ່ ລະເມືອງໃຫ້ໄດ້ຢ່າງໜ້ອຍ 1-2 ແຫ່ງ; ສ້າງໂຮງຮຽນຕົວ ແບບປອດຢາເສບຕິດໃຫ້ໄດ້ 4 ປີຊ້ອນ, ມີ 32 ແຫ່ງ, 3 ປີຊ້ອນ ມີ 36 ແຫ່ງ, 2 ປີຊ້ອນໃຫ້ໄດ້ 20 ແຫ່ງ ແລະ ເປົ້າໝາຍໃໝ່ 14 ແຫ່ງ ທົ່ວແຂວງ.

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ