ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
     
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 

ກົມກອງ-ບຸກຄົນ ທີ່ປະກອບສ່ວນສ້າງຂະບວນການ 2
ວັນປະຫວັດສາດ ຈະໄດ້ຮັບຍ້ອງຍໍຢ່າງສົມກົດ

ບັນດາກົມກອງລວມໝູ່ ແລະ ບຸກຄົນທົ່ວເມືອງໄຊເສດຖາ ທີ່ມີຜົນງານດີເດັ່ນປະກອບສ່ວນ ເຂົ້າໃນ ການສ້າງຂະບວນການແຂ່ງຂັນ-ຍ້ອງຍໍ ເພື່ອສະເຫຼີມສະຫຼອງ 2 ວັນປະຫວັດສາດຄື: ວັນສ້າງຕັ້ງພັກປະຊາ ຊົນລາວ ຄົບຮອບ 60 ປີ ( 22/3/1955-22/3/2015 )  ແລະ ວັນສະຖາປະນາ ຄົບຮອບ 40 ປີ
( 2/12/1975-2/12/2015 ) ຈະໄດ້ຮັບການຍ້ອງຍໍປະເພດຕ່າງໆຢ່າງສົມກຽດ.

ໃນກອງປະຊຸມເຜີຍແຜ່ເອກະສານກ່ຽວກັບການສ້າງຂະບວນການ ແລະ ຄັດເລືອກຜົງານ ເພື່ອສະ ຫຼອງ 2 ວັນປະຫວັດສາດ ຄັ້ງວັນທີ 12 ພຶດສະພາ 2015 ທີ່ສໍານັກງານປົກຄອງ ເມືອງໄຊເຊດຖາ ໂດຍ ການເປັນປະທານຂອງ ທ່ານ ຖະໜອມ ທໍາທອງ ເລຂາພັກເມືອງ ເຈົ້າເມືອງໆໄຊເສດຖາ ໄດ້ນໍາເອົາບັນດາ ເອກະສານສໍາຄັນກ່ຽວກັບການສ້າງຂະບວນການແຂ່ງຂັນ-ຍ້ອງຍໍເພື່ອສະເຫຼີມສະຫຼອງ 2 ວັນປະຫວັດ ສາດ ໃນນີ້ມີ: ແຈ້ງການສະບັບເລກທີ 017/ຈມຊຖ ລົງວັນທີ 11 ພຶດສະພາ 2015 ເລື່ອງ: ໃຫ້ຄັດເລືອກຜົນງານ ຜູ້ທີປະກອບສ່ວນສ້າງຂະບວນການແຂ່ງຂັນ-ຍ້ອງຍໍ ເພື່ອສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດ ລາວ ຄົບຮອບ 60 ປີ ແລະ ວັນສະຖາປະນາ ຄົບຮອບ 40 ປີ; ແຜນການເຄື່ອນໄຫວຂອງອະນຸກອງເລຂາ ຂະບວນການແຂ່ງຂັນ-ຍ້ອງຍໍ ກະກຽມສະເຫຼີມສະຫຼອງ 2 ວັນປະຫວັດສາດ ປີ 2015; ບົດແນະນໍາ ເລກທີ 001/ ລມຊຖ ວັນທີ 11 ພຶດ ສະພາ 2015 ວ່າດ້ວຍການສ້າງຂະບວນການແຂ່ງຂັນ-ຍ້ອງຍໍເພື່ອສະເຫຼີມສະ ຫຼອງ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ ແລະ ວັນສະຖາປະນາ ຄົບຮອບ 40 ປີ ເພື່ອ ໃຫ້ບັນດາກົມກອງລວມໝູ່ ປະກອບມີຫ້ອງການ, ກົມກອງ, ບ້ານ, ໂຮງງານ, ໂຮງຮຽນ, ໂຮງໝໍ, ຄອບຄົວ ແລະ ການຈັດຕັ້ງສັງຄົມທີ່ຖືກຕ້ອງຕາມລະບຽບກົດໝາຍ, ລວມທັງບຸກຄົນຄື: ສະມາຊິກພັກ, ພະນັກງານ, ລັດຖະກອນ, ທະຫານ, ຕໍາຫຼວດ, ກໍາມະກອນ, ຊາວກະສິກອນ, ນັກພັດທະນາການ, ຜູ້ປະກອບການ ແລະ ປະຊາຊົນລາວພາຍໃນເມືອງໄຊເສດຖາໄດ້ຮັບຮູ້ເຂົ້າໃຈຄວາມໝາຍຄວາມສໍາຄັນຂອງ​ 2 ວັນປະຫວັດສາດ ຢ່າງເລິກເຊິ່ງ ແລະ ປຸກລະດົມໃຫ້ມີສະຕິຕື່ນຕົວປະກອບສ່ວນເຂົ້າໃນຂະບວນການຢ່າງກວ້າງຂວາງ ແລະ ຟົດຟື້ນ.

ທ່ານ ສີທຳມາ ສິງມຸກສະຫວັນ ຫົວໜ້າຫ້ອງການພາຍໃນເມືອງໄຊເຊດຖາ ກ່າວວ່າ: ຂະບວນການ ແຂ່ງຂັນ-ຍ້ອງຍໍດັ່ງກ່າວມີຈຸດປະສົງເພື່ອຫວນຄືນມູນເຊື້ອແຫ່ງການຕໍ່ສູ້ຢ່າງທໍລະຫົດອົດທົນຂອງພັກປະຊາຊົນ ລາວ ຄົບຮອບ 60 ປີ ແລະ ວັນສະຖາປະນາ ຄົບຮອບ 40 ປີ ທັງເປັນການສະຫຼຸບຕີລາຄາປະເມີນຜົນ ແລະ ຄັດເລືອກຜົນງານທີດີເດັ່ນຂອງບຸກຄົນ ແລະກົມກອງລວມໝູ່ທີໄດ້ປະກອບສ່ວນທາງດ້ານເຫືອແຮງສະຕິປັນຍາ ຄວາມຮູ້ຄວາມສາມາດ ແລະ ທາງດ້ານວັດຖຸໃຫ້ແກ່ພາລະກິດປົກປັກຮັກສາ ແລະ ສ້າງສາພັດທະນາປະເທດ ຊາດ; ເຊິ່ງແຕ່ລະພາກສ່ວນຕ້ອງໄດ້ມີການຈັດຕັ້ງຄະນະຮັບຜິດຊອບຊີ້ນຳຂະບວນການແຂ່ງຂັນ-ຍ້ອງຍໍຂັ້ນ ຂອງຕົນ ແລະ ແບ່ງຄວາມຮັບຜິດຊອບໃຫ້ລະອຽດ ເພື່ອແນໃສ່ໃຫ້ການຄັດເລືອກຜົນງານມີຄວາມຖືກຕ້ອງ ຊັດເຈນຕາມມາດຖານທີ່ກໍານົດໄວ້ ພ້ອມທັງເຜີຍແຜ່ເອກະສານກ່ຽວກັບຂະບວນການກຳໄດ້ເນື້ອໃນຢ່າງເລິກ ເຊິ່ງ ແລະ ເກັບກຳຜົນງານຕົວຈິງ ໂດຍເລືອກໃຫ້ເຫັນໄດ້ບຸກຄົນ ແລະ ກົມກອງລວມໝູ່ທີ່ມີຜົນງານດີເດັ່ນ ຕາມມາດຖານເງື່ອນໄຂຍ້ອງຍໍ; ການຄັດເລືອກຜົນງານແມ່ນໃຫ້ເລີ່ມແຕ່ປີ 2005 ຫາ 2015 ແລະ ໃນວັນທີ 15 ມີຖຸນາ 2015 ໃຫ້ແຕ່ລະພາກສ່ວນສົ່ງຜົນງານໃຫ້ອະນຸກໍາມະການກອງເລຂາຂະບວນການແຂ່ງຂັນ-ຍ້ອງຍໍ ເມືອງສັງລວມ ເພື່ອສະເໜີຕໍຂັ້ນເທິງຕົກລົງຮັບຮອງ.

ໂອກາດນີ້, ທ່ານ ຖະໜອມ ທໍາທອງ ເລຂາພັກເມືອງ ເຈົ້າເມືອງໆໄຊເສດຖາ ໄດ້ໃຫ້ທິດຊີ້ນໍາວ່າ: ບັນດາບຸກຄົນ ແລະ ກົມກອງລວມໝູ່ທົ່ວເມືອງໄຊເສດຖາທີ່ປະກອບສ່ວນເຂົ້າໃນຂະບວນການແຂ່ງຂັນ-ຍ້ອງຍໍ 2 ວັນປະຫວັດສາດຈະໄດ້ຮັບການຍ້ອງຍໍຢ່າງສົມກຽດຈາກຂັ້ນເທິງ ເປັນຕົ້ນແມ່ນຫຼຽນໄຊ-ຫຼຽນກາປະເພດຕ່າງໆ ແລະ ໃບຍ້ອງຍໍ-ໃບຊົມເຊີຍແຕ່ລະຂັ້ນທີ່ກໍານົດໄວ້ຕາມມາດຖານເງື່ອນໄຂຂອງເປົ້າໝາຍທີ່ຈະໄດ້ຮັບການຍ້ອງຍໍ. ດັ່ງນັ້ນ, ທຸກພາກສ່ວນຕ້ອງເອົາໃຈໃສ່ໃນການເຂົ້າຮ່ວມຂະບວນຢ່າງເປັນຂະບວນຟົດຟື້ນ.

 

 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ