ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
     
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 

2 ວິທະຍາຄານ ສໍາເລັດການສ້າງບຸກຄະລາກອນ ປກສ ປະລິນຍາໂທ ແລະ ປະລິນຍາຕີ 400 ກວ່າສະຫາຍ

ວິທະຍາຄານຕໍາຫຼວດປະຊາຊົນ ( ວຕປ ) ແລະ ວິທະຍາຄານປ້ອງກັນ ຄວາມສະຫງົບ ແຫ່ງຊາດ( ວປສ ) ກະຊວງ ປກສ ໄດ້ສໍາເລັດການສ້າງບຸກຄະລາກອນ ມາຮັບໃຊ້ວຽກງານວິຊາສະເພາະ 401 ສະຫາຍ ໃນລະດັບ ປະລິນຍາໂທຈໍານວນ 28 ສະຫາຍ, ຍິງ 1 ສະຫາຍແລະປະລິນຍາຕີ 381 ສະຫາຍ, ຍິງ 30 ສະຫາຍ ແລະ ໄດ້ຮັບໃບປະກາສະນີຍະບັດດ້ວຍຄວາມພາກພູມໃຈ; ພ້ອມທັງກຽມນໍາເອົາຄວາມຮູ້-ຄວາມສາມາດທີ່ໄດ້ ຮຽນມາ ໄປມູນໃຊ້ເຂົ້າໃນວຽກງານຢູ່ກົມກອງທ້ອງຖິ່ນຂອງຕົນໃຫ້ມີຜົນສຳເລັດ.

ພິທີມອບໃບປະກາສະນີຍະບັດຄັ້ງນີ້, ໄດ້ຈັດຂຶ້ນໃນວັນ 10 ມີນາ 2015, ໃຫ້ກຽດມອບໃຫ້ນັກສຶກສາ ວປສ ແຫ່ງຊາດ ໂດຍ ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າ ການກະຊວງ ປກສ ແລະ ພົຈວ ກົງທອງ ພົງວິຈິດ ລັດຖະມົນຕີຊ່ວຍວ່າການ ກະຊວງ ປກສ, ມີບັນດາຄະນະພັກ-ຄະນະບັນຊາອ້ອມຂ້າງກົມໃຫຍ່ ການ ເມືອງ, ຄູ- ອາຈານ, ແຂກທີ່ເຊີນ, ພະນັກງານແລະນັກສຶກສາເຂົ້າຮ່ວມ.

ໃນນີ້, ໂຄງການຫຼັກສູດການຮຽນ-ການສອນຂອງ ວຕປ ມີ 2 ລະບົບຄື: ໂຄງການຫຼັກສູດການຮຽນ-ການສອນລະບົບ ປະລິນຍາໂທ ຮຸ່ນທີ 5 ໄດ້ເປີດຮຽນມາແຕ່ວັນທີ 18 ກັນຍາ 2012; ເຊິ່ງແມ່ນພະນັກງານ ຂັ້ນຊີ້ນໍາ-ບັນຊາມາຈາກບັນດາກົມ ກອງທ້ອງຖິ່ນໃນທົ່ວປະເທດມີຈໍານວນພົນທັງໝົດ 28 ສະຫາຍ, ຍິງ 1 ສະຫາຍ; ເຊິ່ງການຮຽນ-ການສອນແມ່ນໃຊ້ເວລາຮຽນ2 ປີ, ມີ 95 ໜ່ວຍກິດ, ປະກອບມີ 4 ພາກຮຽນ, ຜ່ານການປ້ອງກັນບົດຈົບຊັ້ນສາມາດຍາດໄດ້ຄະແນນດີເລີດ 100% ແລະລະບົບກໍ່ສ້າງປະລິນຍາຕີຮຸ່ນທີ 15 ແມ່ນໄດ້ເປີດຮຽນມາແຕ່ວັນທີ 8 ສິງຫາ 2011; ເຊິ່ງມີຈໍານວນພົນທັງໝົດ 140 ສະຫາຍ, ຍິງ 12 ສະຫາຍ, ການຮຽນ-ການສອນແມ່ນໃຊ້ເວລາ5 ປີ, ມີ 132 ໜ່ວຍກິດ; ຜ່ານການປ້ອງກັນບົດໂຄງການຈົບຊັ້ນ ແລະ ບົດວິຊາການສາມາດຍາດໄດ້ຄະແນນສົມບູນ 100%.

ສໍາລັບໂຄງການຫຼັກສູດການຮຽນ-ການສອນຂອງ ວປສ ແຫ່ງຊາດມີ 2 ລະບົບຄື: ລະບົບກໍ່ສ້າງ ປະລິນຍາຕີ ຮຸ່ນທີ 15/5 ແມ່ນໄດ້ເປີດຮຽນໃນວັນທີ 29 ສິງຫາ 2011; ເຊິ່ງໃຊ້ເວລາສຶກສາຮໍ່າຮຽນເປັນເວລາ 5 ປີ, ມີນັກ ສຶກສາທັງໝົດ 142 ສະຫາຍ, ຍິງ 10 ສະຫາຍ, ມີ 62 ວິຊາ, ມີ 2.400 ຊົ່ວໂມງ, ເທົ່າກັບ 64 ໜ່ວຍກິດ, ປະກອບມີ 3 ໄລຍະແລະຜ່ານການປ້ອງກັນບົດວິທະຍານິພົນ ແລະ ສອບເສັງຈົບຊັ້ນແມ່ນໄດ້ ຄະແນນສົມບູນ ຕາມລະດັບຄາດໝາຍ ແລະລະບົບຕໍ່ເນື່ອງປະລິນຍາຕີຮຸ່ນທີ 10/ 3 ແມ່ນ ໄດ້ເປີດຮຽນ ແຕ່ ວັນທີ 4 ມີນາ 2012; ເຊິ່ງໃຊ້ເວລາສຶກສາຮໍ່າຮຽນເປັນເວລາ 3 ປີແມ່ນພະນັກງານທີ່ຮຽນຈົບ ວິຊາ ສະເພາະ ປກສ ຊັ້ນກາງມີຈໍານວນທັງໝົດ 99 ສະຫາຍ, ຍິງ 8 ສະຫາຍ, ມີ 25 ວິຊາ, ເທົ່າກັບ 77 ໜ່ວຍ ກິດ, ປະກອບມີ 6 ພາກຮຽນແລະ 3 ໄລຍະ, ຜ່ານການປ້ອງກັນບົດວິທະຍານິພົນ ແລະ ສອບເສັງຈົບຊັ້ນ ແມ່ນ ໄດ້ຄະແນນສົມບູນ 100%.

ໃນໂອກາດທີ່ ທ່ານລັດຖະມົນຕີຊ່ວຍ ທັງສອງທ່ານໃຫ້ກຽດເຂົ້າຮ່ວມພິທີ ດັ່ງກ່າວ, ທ່ານຍັງໄດ້ໃຫ້ກຽດໂອ້ລົມ; ເຊິ່ງກ່ອນອື່ນໝົດທ່ານກ່າວຍ້ອງຍໍຊົມເຊີຍຕໍ່ຜົນສຳເລັດ ຂອງບັນດານັກສຶກສາທີ່ໄດ້ຮັບໃບປະກາສະນີຍະບັດ ໃນຄັ້ງນີ້ຢ່າງສຸດໃຈ; ພ້ອມທັງເນັ້ນວ່າ: ຄວາມຮູ້ທີ່ບັນດາສະຫາຍທີ່ໄດ້ສຶກສາຮ່ຳຮຽນຜ່ານມາ ນີ້ເປັນພຽງ ຄວາມຮູ້ເບື້ອງຕົ້ນທາງດ້ານທິດສະດີເທົ່ານັ້ນ. ດັ່ງນັ້ນ, ຈົ່ງນຳເອົາວິຊາຄວາມຮູ້ໄປໝູນໃຊ້ເຂົ້າໃນ ການປະຕິບັດ ວຽກງານຕົວຈິງແລະປັບປຸງວຽກງານວິຊາສະເພາະ ໃຫ້ມີການຫັນປ່ຽນໃໝ່ໄປ ສູ່ແບບແຜນວິທີເຮັດວຽກທີ່ສອດ ຄ່ອງ ແລະ ອຸດົມສົມບູນກວ່າເກົ່າ; ເມື່ອກັບໄປຮອດກົມ-ກອງຈະຕ້ອງໄດ້ແບກຫາບໜ້າທີ່ວຽກງານ ແລະ ເປັນ ແບບຢ່າງໃຫ້ແກ່ພະນັກງານ-ນັກຮົບຢູ່ໃນກົມ-ກອງ, ມີຄວາມຮັກແພງປະຊາຊົນດ້ວຍຄວາມຈິງໃຈ ແລະ ເມື່ອ ມີໂອກາດກໍກັບຄືນມາສືບຕໍ່ສຶກສາຮ່ຳຮຽນຂັ້ນສູງຂຶ້ນເລື້ອຍໆເພື່ອເຮັດໃຫ້ການຈັດຕັ້ງປະຕິບັດວຽກງານ ວິຊາ ສະເພາະມີຄຸນນະພາບສູງແລະເທົ່າທຽມກັບພາກພື້ນແລະສາກົນເທື່ອລະກ້າວ.

 

 

 

 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ