Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

   

ທ້າຍເດືອນຜ່ານມາກອງບັນຊາການ ປກສ ແຂວງວຽງຈັນ ໄດ້ຈັດກອງປະຊຸມເຜີຍແຜ່ເຊື່ອມຊຶມຜົນສຳເລັດ ກອງປະຊຸມໃຫຍ່ຜູ້ແທນ ຄັ້ງທີ V ອົງຄະນະພັກກະຊວງປ້ອງກັນຄວາມສະຫງົບ, ເຜີຍແຜ່ເອກະສານໂດຍ ສະຫາຍ ພົຈວ ໜູດີ ມີໄຊຍະລາດ ຄະນະປະຈຳພັກກະຊວງ ຫົວໜ້າກົມໃຫຍ່ພະລາທິການ ປກສ, ມີຄະນະພັກ, ຄະນະກອງ ບັນຊາການ ປກສ ແຂວງ, ພະນັກງານຫຼັກແຫຼ່ງຈາກຫ້ອງ, ກອງພັນ, ຄ້າຍຄຸມຂັງ-ດັດສ້າງ ແລະ ກອງບັນຊາການ ປກສ ເມືອງທົ່ວແຂວງເຂົ້າຮ່ວມ.

ສະຫາຍ ພົຈວ ໜູດີ ມີໄຊຍະລາດ ໃຫ້ຮູ້ວ່າກອງປະຊຸມໃຫຍ່ຜູ້ແທນຄັ້ງທີ V ອົງຄະນະພັກກະຊວງປ້ອງ ກັນຄວາມສະຫງົບ ໄດ້ໄຂຂຶ້ນໃນລະຫວ່າງວັນທີ 9 ກັນຍາ 2020 ພາຍໃຕ້ການເປັນປະທານຂອງສະຫາຍ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ເລຂາຄະນະພັກ ລັດຖະມົນຕີກະຊວງປ້ອງກັນຄວາມສະຫງົບ ກອງປະຊຸມໄດ້ ຮັບກຽດຢ່າງສູງ ຂ່ຳນັບຮັບຕ້ອນການເຂົ້າຮ່ວມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານ ງານສູນກາງພັກ ປະຊາຊົນປະຕິວັດລາວ ປະທານປະເທດ, ມີບັນດາສະຫາຍພະນັກງານປະຕິວັດອາວຸໂສ, ວິລະຊົນ ແຫ່ງຊາດ, ນັກຮົບແຂ່ງຂັນ, ສະຫາຍຜູ້ແທນສົມບູນ ເຊິ່ງເປັນຕົວແທນໃຫ້ແກ່ສະຫາຍສະມາຊິກພັກ ທົ່ວອົງຄະນະ ພັກກະຊວງປ້ອງກັນຄວາມສະຫງົບ.

ກອງປະຊຸມໄດ້ຍົກໃຫ້ເຫັນຜົນສຳເລັດ ວຽກງານປົກປັກຮັກສາຄວາມສະຫງົບທາງດ້ານການເມືອງ ແມ່ນໄດ້ ປະສານສົບທົບແໜ້ນ ກັບກຳລັງປ້ອງກັນຊາດ ອຳນາດການປົກຄອງແຂວງຈຸດສຸມເຂດໃຈກາງ ສາມາດແກ້ໄຂ ບັນດາປັດໃຈໜໍ່ແໜງກໍ່ຄວາມບໍ່ສະຫງົບໄດ້ຢ່າງທັນການ ໄດ້ປະກອບອຸປະກອນເຕັກນິກ ເຕັກໂນ່ໂລຊີ ຮັບໃຊ້ເຂົ້າໃນ ການຮັກສາຄວາມສະຫງົບ ທາງດ້ານໂທລະຄົມມະນາຄົມ ແລະ ການສື່ສານ ຕິດພັນກັບການແກ້ໄຂເປົ້າໝາຍສວຍ ໃຊ້ສື່ສັງຄົມອອນລາຍທຳລາຍຄວາມສະຫງົບຂອງຊາດ ເປົ້າໝາຍກໍ່ອາຊະຍາກຳທາງອິນເຕິີເນັດ ພ້ອມກັນເອົາໃຈໃສ່ ວຽກງານປ້ອງກັນການນຳພັກ-ລັດ ແລະ ອົງການຈັດຕັ້ງສາກົນ, ກອງປະຊຸມ, ງານສຳຄັນຕ່າງໆ ມີຄວາມປອດໄພ ປັບປຸງວຽກງານກວດກາຄົນເຂົ້າ-ອອກ ສປປ ລາວ ຄຸ້ມຄອງຄົນຕ່າງປະເທດ, ຄຸ້ມຄອງນັກທ່ອງທ່ຽວໃຫ້ເຂົ້າສູ່ ລະບຽບແບບແຜນດີຂຶ້ນກວ່າເກົ່າ.

ກອງປະຊຸມໄດ້ຮັບຮອງເອົາຄະນະບໍລິຫານງານພັກກະຊວງ ປກສ ສະໄໝທີ V ຕາມຜົນເລືອກຕັ້ງ ຈຳນວນ 27 ສະຫາຍ, ຮັບຮອງເອົາຄະນະປະຈຳພັກກະຊວງ ປ້ອງກັນຄວາມສະຫງົບ ສະໄໝທີ V ຈຳນວນ 9 ສະຫາຍ ຮັບຮອງເອົາເອົາເລຂາ, ຮອງເລຂາ, ປະທານ, ຮອງປະທານກວດກາພັກກະຊວງປ້ອງກັນຄວາມສະຫງົບ.

ຕອນທ້າຍ ຍັງໄດ້ຮັບຟັງການໂອ້ລົມຈາກສະຫາຍ ບຸນຍັງ ວໍລະຈິດ ໄດ້ໃຫ້ກຽດຂຶ້ນໂອ້ລົມຢ່າງມີເນື້ອໃນ ຄວາມໝາຍສຳຄັນເລີກເຊິງ ພ້ອມນັ້ນໄດ້ເໜັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ ຂອງກຳລັງປ້ອງກັນຄວາມ ສະຫງົບ ເອົາໃຈໃສ່ເພີ່ມທະວີວຽກງານປ້ອງກັນຄວາມສະຫງົບ ໃຫ້ມີຄວາມໜັກແໜ້ນເຂັ້ມແຂງ ຕ້ອງສ້າງແຜນ ການປ້ອງກັນໃຫ້ເປັນແຜນອັນລະອຽດ ແນໃສ່ເພື່ອເຮັດໃຫ້ ປກສ ແຂວງວຽງຈັນ ມີຄວາມສະຫງົບ ແລະ ມີຄວາມ ເປັນລະບຽບຮຽບຮ້ອຍດີ.                                                                    

  

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ